جانی لیور کو عمران اشرف کیوں پسند ہیں؟
اشاعت کی تاریخ: 11th, January 2025 GMT
جانی لیور ایک انڈین کامیڈی اداکار ہیں، جنہیں مسٹر اینڈ مسز کھلاڑی، بازیگر، دیوانہ مستانہ، عشق، رنجیت کی بھابھی، برسات کی رات، پھر ہیرا پھیری اور دیگر قابل ذکر انڈین فلموں میں ان کی بہترین اداکاری کے لیے سراہا جاتا ہے۔
یہ بھی پڑھیں:کیا سجل علی اور عمران اشرف کی شادی ہو گئی؟
جانی لیور نے بالی ووڈ کے تقریباً تمام بڑے ستاروں کے ساتھ کام کیا ہے۔ اداکار اپنی اسٹینڈ اپ کامیڈی کے لیے بھی مشہور ہیں۔ ان کی بیٹی جیمی لیور بھی ایک کامیاب کامیڈین ہیں۔
بھارتی اداکار جانی لیور کا عمران اشرف کی تعریف میں ویڈیو پیغام
حال ہی میں بھارتی اداکار جانی لیور نے دنیا نیوز پر نشر ہونے والے سیاسی طنزیہ شو مذاق رات میں میزبانی پر پاکستانی اداکار عمران اشرف کی تعریف کی ہے۔
جانی لیور نے مشہور شو میں عمران اشرف کے کام کو سراہتے ہوئے ایک ویڈیو پیغام ریکارڈ کیا۔ انہیں عمران اشرف کے شاندار شو کے انعقاد کا انداز بہت پسند آیا اور انہوں نے مذاق رات کی جی کھول کر تعریف کی۔
جواب میں عمران اشرف نے جانی لیور کے کمنٹس کو اپنے لیے اعزاز قرار دیا۔
جانی لیور کی جانب سے عمران اشرف کی تعریف کو متعدد پاکستانی فنکاروں نے سراہاتے کہا کہ وہ واقعیتعریفوں کے مستحق ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جانی لیور جیمی لیور عمران اشرف.ذریعہ: WE News
کلیدی لفظ: جانی لیور جیمی لیور عمران اشرف کی جانی لیور
پڑھیں:
اسٹیج اور ٹی وی کے معروف اداکار و کامیڈین جاوید کوڈو انتقال کر گئے
لاہور:اسٹیج، فلم اور ٹیلی ویژن کے نامور اداکار و کامیڈین جاوید کوڈو طویل علالت کے بعد 63 برس کی عمر میں لاہور کے جنرل اسپتال میں انتقال کر گئے۔
اداکار جاوید کوڈو کئی عرصے سے مختلف بیماریوں میں مبتلا تھے۔
جاوید کوڈو نے 1980 کی دہائی میں اپنے فنی سفر کا آغاز کیا اور اپنی منفرد اداکاری، مزاحیہ انداز اور چھوٹے قد کی وجہ سے جلد ہی عوام میں مقبولیت حاصل کر لی۔
انہوں نے 150 سے زائد اردو و پنجابی فلموں، سینکڑوں اسٹیج ڈراموں اور ٹی وی شوز میں اپنی صلاحیتوں کا مظاہرہ کیا۔
ان کی صحت کے مسائل کئی برسوں پر محیط رہے۔ 2016 میں انہیں دماغ کی شریان میں خرابی کے باعث گنگا رام اسپتال منتقل کیا گیا تھا، جب کہ بعد ازاں ایک ٹریفک حادثے میں زخمی ہونے کے بعد ان کا کولہے کی ہڈی کا آپریشن بھی کیا گیا۔
اہل خانہ کے مطابق جاوید کوڈو شوگر، بلڈ پریشر اور دیگر پیچیدہ امراض میں مبتلا تھے۔
جاوید کوڈو تین بیٹوں اور بیوہ کو سوگوار چھوڑ گئے ہیں۔ ان کی نماز جنازہ کے وقت اور مقام کا اعلان بعد میں کیا جائے گا۔
جاوید کوڈو کے انتقال پر فلم، ٹی وی اور اسٹیج سے وابستہ فنکاروں نے گہرے رنج و غم کا اظہار کیا ہے اور ان کی فنی خدمات کو خراج تحسین پیش کیا ہے۔
افغانستان سے دراندازی پھر ناکام، 8 خوارج ہلاک، 4 گرفتار