پاکستان بزنس فورم کا غزہ مارچ میں شرکت کا اعلان
اشاعت کی تاریخ: 11th, January 2025 GMT
کراچی (اسٹاف رپورٹر)پاکستان بزنس فورم (PBF) نے اپنے صدر سہیل عزیز کی قیادت میں 12 جنوری 2025 اتوار کی سہہ پہر 3 بجے سی ویو، کراچی پر منعقد ہونے والے غزہ : مارچ میں بھر پور شرکت کا اعلان کیا ہے۔
اس اہم مارچ کا مقصد غزہ میں ہونے والے مظالم کے خلاف اجتماعی آواز بلند کرنا اور اسرائیل کی جانب سے معصوم مردوں، عورتوں اور بچوں کے بہیمانہ قتل کی مذمت کرنا ہے۔
اپنے بیان میں سہیل عزیز نے کاروباری برادری کی اخلاقی اور انسانی ذمہ داری پر زور دیتے ہوئے کہا کہ ہمیں غزہ کے مظلوم عوام کے ساتھ یکجہتی اور انسانیت کا مظاہرہ کرنا ہوگا۔
انہوں نے کراچی کی کاروباری برادری، PBF کے عہدیداران اور اراکین کو اس اہم مقصد کے لیے متحد ہونے کی اپیل کی ہے۔
انہوں نے کہا کہ یہ ہماری اخلاقی ذمہ داری ہے کہ ہم انسانیت کے لیے کھڑے ہوں اور اپنے فلسطینی بھائیوں اور بہنوں کے ساتھ ہونے والے مظالم کے خلاف آواز بلند کریں۔
آئیے مل کر غزہ مارچ میں اپنی موجودگی یقینی بنائیں تاکہ دنیا کو اتحاد اور ظلم کے خلاف مزاحمت کا مضبوط پیغام پہنچایا جا سکے۔پاکستان بزنس فورم نے مظلوموں کی آواز کو بلند کرنے میں کمیونٹی کے کردار کی اہمیت کو اجاگر کیا ہے۔
پاکستان بزنس فورم نے انصاف کے حق میں آواز اٹھانے اور اس مارچ کے ذریعے آگاہی بڑھانے کے اپنے عزم کا اعادہ کیا ہے۔
پاکستان بزنس فورکراچی چیپٹر تمام شہریوں، کاروباری رہنماﺅں اور تنظیموں کو غزہ مارچ میں شامل ہونے اور فلسطینی عوام کے ساتھ یکجہتی کا مظاہرہ کرنے کی دعوت دیتا ہے۔
.ذریعہ: Jasarat News
کلیدی لفظ: پاکستان بزنس فورم
پڑھیں:
دہشتگردی کے واقعات میں بھارت کے ملوث ہونے کے ناقابل تردید ثبوت موجود ہیں، وزیراطلاعات
وفاقی وزیر اطلاعات عطاتارڑ نے کہا ہے کہ کہ بھارت دہشتگردی کوسپانسرکرتا ہے، دہشتگردی کے واقعات میں بھارت کےملوث ہونے کے ناقابل تردید ثبوت موجود ہیں۔
وفاقی وزیراطلاعات عطاتارڑ نے پہلگام واقعے کے حوالے سے اسلام آباد میں غیر ملکی میڈیا کو بریفنگ میں بتایا کہ پہلگام واقعے پر پاکستان کا نکتہ نظر واضح ہے، پاکستان خود دہشتگردی سے سب سے زیادہ متاثر ہونے والا ملک ہے، دہشتگردی کے خلاف جنگ میں پاکستان نے 90 ہزار جانوں کی قربانی دی ہے، اتنی قربانیاں کسی اور ملک نے دہشتگردی کے خلاف جنگ میں نہیں دیں، ہماری سیکیورٹی فورسز، قانون نافذ کرنے والوں اداروں، پولیس اور سول سوسائٹی نے بہت زیادہ قربانیاں دی ہیں۔
یہ بھی پڑھیں: اطلاعات موجود ہیں کہ انڈیا پراکسی کے ذریعے پاکستان میں دہشتگردی کرے گا، عطاتارڑ
عطاتارڑ نے کہا کہ دہشتگردی کے خلاف جنگ کے باعث پاکستان کو معاشی نقصان کا سامنا ہے، پاکستان کو سینکڑوں بلین ڈالرز کا نقصان ہوا ہے اور ہم فتنہ الخوارج سمیت دہشتگردوں کے خلاف آج تک جنگ لڑرہے ہیں، پاکستان دہشتگردی کے خلاف جنگ میں صف اول میں ہے، پاکستان کو اس صورتحال میں عالمی برادری کی حمایت کی ضرورت ہے، بلوچستان میں جعفرایکسپریس واقعے کے سب گواہ ہیں، یہ ایک غیرمعمولی واقعہ تھا جس میں ریل کو ہائی جیک کیا گیا، معصوم سویلین کو یرغمال بنایا گیا، بھارت کے علاوہ اس واقعے کی پوری دنیا نے مذمت کی۔
وفاقی وزیر نے کہا کہ کیا وجہ ہے کہ بھارت نے جعفر ایکسپریس حملے کی مذمت نہیں کی، یہ ایک دہشتگردی کا واقعہ تھا جو معصوم شہریوں کے خلاف تھا، بھارت نے اس واقعے کی سادہ الفاظ میں بھی مذمت کرنے سے کیوں ہچکچاہٹ محسوس کی، کیا وجہ ہے کہ جب بھی ہم دہشتگردی کے کسی واقعے کا سامنا کرتے ہیں اور دہشتگردی کے واقعے میں معصوم شہری مارے جاتے ہیں تو ہمارا پڑوسی بھارت خوشیاں مناتا ہے، اس کی وجہ یہی ہے کہ بھارت دہشتگردی کو اسپانسر کرنے والا ملک ہے۔
یہ بھی پڑھیں: بھارت دہشتگردی میں ملوث، کوئی تیسرا ملک پہلگام اور جعفر ایکسپریس سانحہ کی تحقیقات کرے، پاکستان
انہوں نے کہا کہ کلبھوشن یادیو جو انڈین نیوی میں کمیشن آفیسر تھا، پاکستان میں جاسوسی کرتے پکڑا گیا، وہ پاکستان میں دہشتگردی میں بھی ملوث ہے، کینیڈا اور امریکا میں سکھ رہنماؤں کو بھارت نے ٹارگٹ کیا، اس سے ثابت ہوا کہ بھارت دنیا بھر میں دہشتگردی کو اسپانسر کررہا ہے، بھارتی دہشتگردی سے متاثرہ ممالک نے اس حوالے سے ثبوت بھی پیش کیے ہیں۔
ان کا کہنا تھا کہ پاکستان دہشتگردی کے خلاف کامیابیاں حاصل کررہا ہے، ہر روز پاکستان دہشتگردوں کے خلاف کامیاب آپریشن کررہا ہے، پہلگام لائن آف کنٹرول سے 150 کلومیٹر دور ہے تو اس کا الزام پاکستان پر کیوں لگایا جارہا ہے؟ کیا بھارت کے پاس اس کے ثبوت موجود ہیں، کیا بھارت کے پاس کوئی دلیل ہے جس سے پاکستان پر الزام کو ثابت کرسکے، کیا وجہ ہے کہ پہلگام واقعے کے 10 منٹ بعد ہی اس کی ایف آر بھی درج ہوگئی، کیا کسی بھی تحقیقاتی ایجنسی کے لیے یہ ممکن ہے کہ وہ 10 منٹ میں تحقیقات مکمل کرکے ایف آئی آر درج کروا لے۔
یہ بھی پڑھیں: پہلگام میں انٹیلیجنس فیلیئر، بھارتی فوج اور حکومت پر شہریوں کی کڑی تنقید
عطاتارڑ نے کہا کہ کیا کسی تحقیقاتی ایجنسی نے ایف آئی آر سے قبل متاثرہ علاقے کا دورہ کیا، وہاں سے ثبوت اکٹھے کیے، کیا فارنزک شواہد اکٹھے کیے گئے، کیا وجہ ہے کہ واقعے کی 10 منٹ میں ایف آر درج ہوگئی اور الزام پاکستان پر ڈال دیا گیا، پاکستان نے بھارت کو اس واقعے کی آزادانہ تحقیقات کی پیشکش کی ہے کیوں کہ ہمارے ہاتھ صاف ہیں، دہشتگردی کے خلاف جنگ میں صف اول کا کردار ادا کرنے والا ملک کس طرح ایسے واقعات میں ملوث ہوسکتا ہے۔
وفاقی وزیر اطلاعات ونشریات نے کہا کہ بھارت دہشتگردی کوسپانسرکرتا ہے، لندن میں پاکستانی سفارتخانے پرحملہ بھارتی حکومت کی انتہا پسند سوچ کا عکاس ہے، پاکستان ذمہ دار ملک ہے اور دنیا میں امن چاہتا ہے، پاکستان کی امن کی خواہش کو کمزوری نہ سمجھا جائے، پاکستان اپنی سالمیت اورخودمختاری کا دفاع کرنا جانتا ہے، پاکستان ایٹمی ملک ہے اور پاکستان کے خلاف کوئی مہم جوئی کی گئی تو بھرپور جواب دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت پاکستان پہلگام جعفرایکسپریس دہشتگردی عطاتارڑ غیر ملکی میڈیا وزیراطلاعات
پنجاب میں گندم کے کاشتکاروں کو فی ایکٹر کتنی رقم ملے گی؟