عمران خان کی 9 مئی مقدمات میں ضمانت کی درخواستوں پر اعتراضات عائد
اشاعت کی تاریخ: 11th, January 2025 GMT
لاہور:بانی پی ٹی آئی کی جانب سے 9 مئی کے 8 مقدمات میں ضمانت کے لیے لاہور ہائیکورٹ میں دائر درخواستوں پر رجسٹرار نے اعتراضات عائد کر دیے۔
نجی ٹی وی کی رپورٹ کے مطابق سابق وزیراعظم اور بانی چیئرمین تحریک انصاف عمران خان نے جناح ہاؤس حملہ کیس سمیت دیگر مقدمات میں ضمانت کے لیے لاہور ہائیکورٹ سے رجوع کیا تھا، جس پر رجسٹرار نے اعتراضات لگائے ہیں۔
چیف جسٹس عالیہ نیلم کی سربراہی میں 2 رکنی بینچ نے 13 جنوری کو ان اعتراضات پر سماعت کرنے کا فیصلہ کیا ہے۔
عمران خان کی جانب سے دائر درخواست میں مؤقف اختیار کیا گیا ہے کہ 9 مئی کو وہ اسلام آباد میں نیب کی تحویل میں تھے اور ان کے خلاف سیاسی انتقام کے طور پر سازش کی گئی ہے۔ انہوں نے یہ بھی دعویٰ کیا کہ وہ 2سال سے مختلف مقدمات کا سامنا کر رہے ہیں اور یہ مقدمات انتقامی کارروائیاں ہیں۔
عمران خان نے درخواست کی ہے کہ لاہور ہائیکورٹ ان 8 مقدمات میں ضمانت منظور کر کے ان کی رہائی کا حکم دے۔
یاد ہرے کہ لاہور کی انسداد دہشت گردی کی عدالت (اے ٹی سی) نے عمران خان کی ضمانت کی درخواستیں مسترد کر دی تھیں۔ لاہور میں 9مئی کے دوران عمران خان کے خلاف کل 12 مقدمات درج کیے گئے ہیں، جن میں سے 4 مقدمات میں ضمانتیں منظور ہو چکی ہیں۔
.ذریعہ: Jasarat News
کلیدی لفظ: مقدمات میں ضمانت
پڑھیں:
سانحہ 9 مئی کے 13 مقدمات کی سماعت ملتوی: 19 اپریل کو 3 کیسز میں فرد جرم عائد کی جائے گی
سانحہ 9 مئی کے مقدمات کی سماعت انسداد دہشت گردی کی خصوصی عدالت کے جج امجد علی شاہ نے کی جس میں وکلائے صفائی اور پراسیکیوشن ٹیم عدالت میں پیش ہوئی سماعت کے دوران عدالت نے واضح کیا کہ 9 مئی کے 3 مقدمات میں ملزمان پر فرد جرم انیس اپریل کو عائد کی جائے گی جبکہ دیگر دس مقدمات کے چالان تاحال عدالت میں پیش نہیں کیے جا سکے سماعت کے دوران میجر طاہر صادق واثق قیوم صداقت عباسی اپوزیشن لیڈر عمر ایوب بابر اعوان اور سابق وزیر داخلہ شیخ رشید سمیت دیگر افراد عدالت میں پیش ہوئے عدالت میں پولیس کی جانب سے مختلف تھانوں میں درج مقدمات کے چالان کی کاپیاں اور ریکارڈ پیش کیا گیا جس کے بعد یہ دستاویزات ملزمان میں تقسیم کر دی گئیں عدالت نے تمام تیرہ مقدمات کی سماعت انیس اپریل تک ملتوی کر دی ہے اور ساتھ ہی ہدایت کی کہ تین کیسز میں ملزمان پر فرد جرم اسی تاریخ کو عائد کی جائے گی جبکہ باقی دس مقدمات کے چالان اب تک عدالت میں پیش نہ کرنے پر عدالت نے سخت برہمی کا اظہار کیا ہے عدالت نے حکم دیا ہے کہ اگلی سماعت پر ان دس مقدمات کے چالان لازمی پیش کیے جائیں ان مقدمات میں جی ایچ کیو گیٹ فور پر حملہ آرمی میوزیم پر حملہ اور صدر میں حساس عمارت کو جلانے جیسے سنگین نوعیت کے کیسز شامل ہیں جن کے چالان ڈیڑھ سال گزرنے کے باوجود پیش نہ کیے جا سکے جس پر عدالت نے پولیس کارکردگی پر سوال اٹھاتے ہوئے کارروائی کو تیز کرنے کی ہدایت دی ہے
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان