جونی لیور نے عمران اشرف کیلئے تعریفوں کے پل باندھ دیے
اشاعت کی تاریخ: 11th, January 2025 GMT
ممبئی(شوبز ڈیسک)بالی وڈ کے مشہور کامیڈین اور لیجینڈ اداکار جونی لیور نے اداکار اور ٹی وی میزبان عمران اشرف کی تعریف کرتے ہوئے ان کے لیے نیک خواہشات کا پیغام بھیجا ہے۔
عمران اشرف نے حال ہی میں انسٹاگرام پر جونی لیور کا ویڈیو پیغام شیئر کیا، جس میں انہوں نے بالی وڈ کامیڈین کی تعریفوں کو اپنے لیے سب سے بڑا ایوارڈ قرار دیا۔
بھارتی اداکار نے اپنی اس مختصر ویڈیو میں عمران اشرف کی اداکاری اور خاص طور پر ان کے کرداروں کی تعریف کی۔ جونی لیور نے عمران کے مشہور کردار ’بھولا‘ کے ساتھ ساتھ ان کے ’ٹرانس جینڈر‘ کردار کی بھی ستائش کی۔
انہوں نے کہا کہ عمران اشرف نہ صرف ایک بہترین اداکار ہیں بلکہ ایک شاندار ٹی وی میزبان بھی ہیں، اور ہوسٹنگ ایک مشکل کام ہے جسے وہ بخوبی انجام دے رہے ہیں۔
جونی لیور نے مزید کہا کہ عمران اشرف اپنے شو ’مذاق رات‘ میں مہمانوں کے ٹیلنٹ کو بھی نمایاں کر رہے ہیں۔
اس کے علاوہ، بھارتی کامیڈین نے مذاق رات کے شریک میزبانوں کی بھی تعریف کی اور بتایا کہ عمران کی ٹیم میں تقریباً سبھی کامیڈین لیجنڈز ہیں۔
انہوں نے مرحوم کمال سردار کےلیے بھی تعریفی جملے کہےاور ان کی مغفرت کی دعا کی۔
جونی لیور کی عمران اشرف کی تعریف کرنے والی ویڈیو سوشل میڈیا پر وائرل ہو گئی، جس پر شوبز کی شخصیات اور مداحوں نے بھی جونی لیور کو لیجنڈ قرار دیتے ہوئے ان کی تعریف کی۔
مزیدپڑھیں:گرل فرینڈ کے پیچھے ملک چھوڑنے والے سابق بھارتی کرکٹر پر جنوبی افریقہ میں پابندی عائد
ذریعہ: Daily Ausaf
کلیدی لفظ: عمران اشرف کی جونی لیور نے کی تعریف
پڑھیں:
اداکار پرتھ سمتھان نے اے سی پی پردیومن کا کردار ادا کرنے سے انکار کیوں کیا تھا؟
مشہور کرائم شو سی آئی ڈی ایک بار پھر خبروں کی زینت بن گیا ہے۔ جب سے یہ خبر سامنے آئی ہے کہ سی آئی ڈی کے مرکزی کی کردار شیوا جی ستام ’اے سی پی پردیومن‘ اب اس شو کا مزید حصہ نہیں ہوں گے مداح جذباتی ہو گئے ہیں۔
شو کے تخلیق کاروں نے اداکار پرتھ سمتهان کو اے سی پی پردیومن کی جگہ مرکزی افسر کے کردار کے لیے منتخب کیا ہے۔ وہ اب ایک نئے کردار اے سی پی انوشمن کے طور پر سی آئی ڈی ٹیم کی قیادت کرتے نظر آئیں گے، شو میں پرانے پسندیدہ کردار دیا (دیانند شیٹی) اور ابھیجیت (آدتیہ شریواستو) بھی شامل ہیں۔
یہ بھی پڑھیں: سی آئی ڈی میں اے سی پی پردیومن کی جگہ اب کون لے گا؟
بھارتی میڈیا سے بات کرتے ہوئے پرتھ سمتهان نے انکشاف کیا کہ انہوں نے ابتدا میں یہ کردار ٹھکرا دیا تھا۔ ان کا کہنا تھا کہ ’شروع میں، میں نے اے سی پی پردیومن کا کردار اس لیے مسترد کر دیا کیونکہ میں خود کو اس کردار سے جوڑ نہیں پایا۔ لیکن میکرز نے مجھے دوبارہ اس پرغور کرنے کو کہا‘۔
پرتھ نے تسلیم کیا کہ وہ شو میں طویل عرصے سے موجود کاسٹ کی وجہ سے یہ کردار ادا کرنے سے ہچکچا رہے تھے۔ ان کا کہنا تھا کہ یہ عجیب اور غیر معمولی تھا کہ دیانند شیٹی اور آدتیہ شریواستو جیسے سینئر اداکار مجھے آن اسکرین ’سر‘ کہہ کر مخاطب کریں۔ یہی میری ہچکچاہٹ کی ایک بڑی وجہ تھی۔
دوسری جانب، سی آئی ڈی کے اداکار ہرشیکیش پانڈے نے حال ہی میں تصدیق کی ہے کہ پرتھ نے دیا (دیانند شیٹی) اور ابھیجیت (آدتیہ شریواستو) کے ساتھ مناظر کی عکس بندی کا آغاز کر دیا ہے۔
یہ بھی پڑھیں: بم دھماکے میں مارے جانیوالے ’سی آئی ڈی‘ کے ’ اے سی پی پردیومن‘ کون ہیں؟
پرتھ سمتھان جو انڈین ڈرامہ سیریل ’کیسی یہ یاریاں‘ اور ’کسوٹی زندگی کی‘ میں اپنے کرداروں کے لیے مشہور ہیں اب سی آئی ڈی میں کردار نبھاتے نظر آئیں گے۔ سی آئی ڈی ڈرامے کے حوالے سے بات کرتے ہوئے ان کا کہنا تھا کہ وہ سی آئی ڈی کو دیکھ کر بڑے ہوئے ہیں اور اس تاریخی کردار کو ادا کرنے پر فخر محسوس کر رہے ہیں لیکن اس کے ساتھ تھوڑے نروس بھی ہیں۔
واضح رہے کہ سی آئی ڈی، جسے بی پی سنگھ نے بنایا ہے اور سنگھ اور پردیپ اپپور نے پروڈیوس کیا ہے، 1998 سے سونی ٹی وی پر نشر ہو رہا ہے۔ شو نے اس دوران تقریباً 1600 اقساط ٹیلی کاسٹ کیے ہیں اور یہ بھارتی ٹی وی کے مقبول ترین شوز میں سے ایک کے طور پر سامنے آیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین ڈرامے اے سی پی پردیومن پرتھ سمتھان سی آئی ڈی
ترجمان سندھ حکومت کا مریم اورنگزیب کے بیان پر ردعمل