پاکستان کا ٹیسٹ اسکواڈ تیار، ویسٹ انڈیز کے خلاف ملتان میں ٹیسٹ میچز کا شیڈول جاری
اشاعت کی تاریخ: 11th, January 2025 GMT
لاہور: پاکستان کرکٹ بورڈ (پی سی بی) نے ویسٹ انڈیز کے خلاف دو ٹیسٹ میچز پر مشتمل سیریز کے لیے 15 رکنی اسکواڈ کا اعلان کر دیا۔ اسکواڈ میں جنوبی افریقہ کے خلاف کھیلی جانے والی ٹیسٹ سیریز سے 7 تبدیلیاں کی گئی ہیں۔
اسکواڈ کی نمایاں تبدیلیاںٹیسٹ ٹیم کے کپتان شان مسعود، نائب کپتان سعود شکیل، بابر اعظم، محمد رضوان، نعمان علی، سلمان علی آغا، اور کامران غلام اپنی جگہ برقرار رکھنے میں کامیاب رہے ہیں۔
کنڈیشنز کے پیش نظر آف اسپنر ساجد خان اور مسٹری اسپنر ابرار احمد کی واپسی ہوئی ہے، جبکہ اوپنرز امام الحق اور محمد ہریرہ بھی اسکواڈ میں دوبارہ شامل کیے گئے ہیں۔ صائم ایوب کی انجری اور عبداللہ شفیق کی خراب کارکردگی کے باعث یہ تبدیلیاں کی گئی ہیں۔
ورک لوڈ مینجمنٹ کے تحت فاسٹ باؤلرز محمد عباس، میر حمزہ، اور نسیم شاہ کو آرام دیا گیا ہے۔ ان کی جگہ محمد علی اور کاشف علی کو اسکواڈ میں شامل کیا گیا ہے۔ کاشف علی پہلی بار قومی ٹیسٹ اسکواڈ کا حصہ بنے ہیں۔
نوجوان وکٹ کیپر بیٹر حسیب اللہ کی انجری کے باعث سابق انڈر 19 اور شاہین کپتان روہیل نذیر کو بطور وکٹ کیپر شامل کیا گیا ہے۔
دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں اور ملتان میں کھیلے جائیں گے۔ پہلا ٹیسٹ 17 سے 21 جنوری تک جبکہ دوسرا ٹیسٹ 25 سے 29 جنوری تک ہوگا۔
کپتان: شان مسعود نائب کپتان: سعود شکیل بابر اعظم امام الحق کامران غلام کاشف علی خرم شہزاد محمد علی محمد ہریرہ محمد رضوان نعمان علی روہیل نذیر ساجد خان سلمان علی آغا ابرار احمدیاد رہے محمد عباس کو جنوبی افریقہ کے خلاف شاندار کارکردگی کے بعد اسکواڈ سے آرام دیا گیا، انہوں نے حالیہ سیریز میں 10 وکٹیں حاصل کی تھیں۔
.ذریعہ: Nai Baat
کلیدی لفظ: کے خلاف
پڑھیں:
ایران میں قتل 8 پاکستانیوں کی تصدیق شدہ فہرست جاری کردی گئی، ایک ہی خاندان کے 3 افراد بھی شامل
ایران میں قتل 8 پاکستانیوں کی تصدیق شدہ فہرست جاری کرتے ہوئے ان کی میتیں جلد وطن واپس لانے کوششیں تیز کردی گئیں۔ تفصیلات کے مطابق ایران میں دہشت گردی کے واقعے میں قتل کیے جانے والے 8 پاکستانی شہریوں کی تصدیق شدہ فہرست جاری کر دی گئی ہے، 12 اپریل کو ایران کے صوبہ سیستان کے علاقے مہرستان کے گاؤں بیز آباد میں دہشت گردوں کی فائرنگ سے 8 پاکستانی جاں بحق ہوئے جن کا تعلق بہاولپور سے تھا۔ بتایا گیا ہے کہ قتل کیے جانے والے افراد میں سے 6 افراد خانقاہ شریف کے رہائشی تھے، جن میں دلشاد، دانش، جعفر، ناصر، نعیم اور عامر شامل ہیں، دلشاد، ان کا بیٹا دانش اور بھتیجا جعفر ایک ہی گھر سے تعلق رکھتے تھے، دیگر دو مقتولین محد جمشید اور محمد خالد کا تعلق تحصیل احمد پور شرقیہ سے ہے، لواحقین نے حکومت پاکستان سے مطالبہ کیا ہے کہ میتیں جلد از جلد وطن واپس لائی جائیں تاکہ ان کی تدفین کی جا سکے۔ اس حوالے سے تہران میں پاکستانی سفیر مدثر ٹیپو کا کہنا ہے کہ ہم اس واقعے کے بعد سے ایرانی حکام سے مسلسل رابطے میں ہیں جس کے نتیجے میں ایران نے مکمل تعاون کی یقین دہانی کرائی ہے، مقتولین کی میتیں جلد پاکستان منتقل کی جائیں گی، ہم متاثرین کے لواحقین سے تعزیت کا اظہار کرتے ہیں، واقعے کی فوری اور شفاف تحقیقات کی ضرورت ہے تاکہ مجرموں کو کیفر کردار تک پہنچایا جا سکے۔ ترجمان دفتر خارجہ نے بتایا کہ ایران میں 8 پاکستانیوں کے قتل کی شناخت کیلئے قونصلر رسائی طلب کی گئی، پاکستان کی قیادت اور عوام واقعے پر دکھ اورغم میں مبتلا ہیں اور وزیراعظم نے سوگوار خاندانوں سے تعزیت کا اظہار کیا ہے، نائب وزیراعظم کی ہدایت پر تہران میں سفارتخانہ ایرانی حکام سے رابطے میں ہے اور زاہدان میں قونصل خانہ بھی تحقیقات کیلئے ایرانی حکام سے رابطے میں ہے، پاکستان ایران میں شہریوں کے بزدلانہ قتل کی مذمت کرتا ہے، تحقیقات اور لاشوں کی واپسی میں ایران کے مکمل تعاون کی امید کرتے ہیں۔
خلیل الرحمان ہنی ٹریپ کیس کی سماعت کل تک ملتوی