عمران خان کی منتقلی یا رہائی کی پیش کش کی خبروں میں کوئی صداقت نہیں، خواجہ آصف
اشاعت کی تاریخ: 11th, January 2025 GMT
سیالکوٹ: وزیر دفاع خواجہ آصف نے واضح کیا ہے کہ عمران خان کو اڈیالہ جیل سے بنی گالہ یا کسی اور مقام پر منتقل کرنے کی کوئی پیش کش حکومت کی جانب سے نہیں کی گئی اور نہ ہی ان کی رہائی کے لیے کسی دباؤ کا سامنا ہے۔
سیالکوٹ میں ایک تقریب سے خطاب کرتے ہوئے خواجہ آصف نے تحریک انصاف کے دعووں کو بے بنیاد قرار دیتے ہوئے کہا کہ عمران خان کی رہائی کا فیصلہ عدالتوں نے کرنا ہے، اور حکومت کا اس معاملے میں کوئی کردار نہیں۔ انہوں نے مزید کہا کہ تحریک انصاف کی جانب سے ملک کو نقصان پہنچانے کے حربے ناکام ہو چکے ہیں۔
وزیر دفاع نے کہا کہ سیاسی استحکام کے لیے حکومت سنجیدہ اقدامات کر رہی ہے، اور پی ٹی آئی کے دعوے کہ عمران خان کو ہاؤس اریسٹ کرنے کی پیش کش ہوئی، محض ان کے اپنے خیالات ہیں۔
خواجہ آصف نے قومی ائیرلائن کی چار سال بعد پیرس کے لیے پہلی پرواز کو خوش آئند قرار دیا۔ انہوں نے کہا کہ اوورسیز پاکستانیوں کی دعاؤں کے باعث یورپ کے لیے پی آئی اے کی پروازیں بحال ہوئیں، اور ان کی تعداد میں اضافہ کیا جائے گا۔
انہوں نے مزید اعلان کیا کہ جلد ہی پی آئی اے کی پروازیں فرانس کے بعد برطانیہ اور نارتھ امریکا کے لیے بھی شروع کی جائیں گی، اور 19 یورپی شہروں تک پروازوں کا نیٹ ورک بڑھایا جائے گا۔
خواجہ آصف کے مطابق یہ اقدامات قومی ائیرلائن کی بحالی اور اوورسیز پاکستانیوں کو سہولیات فراہم کرنے کے لیے کیے جا رہے ہیں۔
.ذریعہ: Jasarat News
کلیدی لفظ: خواجہ آصف کے لیے کہا کہ
پڑھیں:
عمران خان کو بطور قیدی نمبر الاٹ، بشریٰ بی بی کی خواتین بیرکس میں منتقلی
راولپنڈی:عمران خان کو قیدی کے طور پر نمبر الاٹ کردیا گیا جب کہ بشریٰ بی بی کی خواتین بیرکس میں منتقلی ہوگی۔
ایکسپریس نیوز کے مطابق ذرائع کا کہنا ہے کہ بانی چیئرمین پی ٹی آئی کو احتساب عدالت کی جانب سے 190 ملین پاؤنڈز کیس میں سزا سنائے جانے جانے کے بعد انہیں قیدی قرار دے کر قیدی نمبر الاٹ کردیا گیا ہے۔
احتساب عدالت نے کرپشن ریفرنس میں عمران خان کو 14 سال اور ان کی اہلیہ بشریٰ بی بی کو 7 سال قید بامشقت کی سزا سنانے کے ساتھ ان پر جرمانہ بھی عائد کیا ہے۔ علاوہ ازیں عدالت نے اپنے فیصلے میں القادر ٹرسٹ اور القادر یونیورسٹی کو سرکاری کنٹرول میں لینے کا بھی فیصلہ سنایا۔
عدالتی فیصلے کے بعد بانی پی ٹی آئی کو قیدی قرار دے کر قیدی نمبر الاٹ کردیا گیا ہے۔ دوسری جانب کمرہ عدالت سے گرفتار کی گئی بشریٰ بی بی کا طبی معائنہ جیل اسپتال کے ڈاکٹر کررہے ہیں، جس کے بعد ان کا بائیومیٹرک ہوگا۔
جیل ذرائع کے مطابق جیل میں تمام قانونی تقاضے مکمل کرنے کے بعد بشریٰ بی بی کو خواتین بیرکس میں منتقل کردیا جائے گا۔ ذرائع کا کہنا ہے کہ بشریٰ بی بی کا ضروری سامان اڈیالہ جیل پہنچا دیا گیا ہے۔ سامان سے بھری ایک گاڑی اڈیالہ جیل پہنچ گئی ہے۔
بلوچستان میں سکیورٹی فورسز کا آپریشن، 27 دہشتگرد ہلاک:آئی ایس پی آر