پولیس پر فائرنگ کیس: کامران بنگش پر فرد جرم عائد
اشاعت کی تاریخ: 11th, January 2025 GMT
کامران بنگش— فائل فوٹو
انسداد دہشت گردی پشاور کی خصوصی عدالت نے پولیس پر فائرنگ کرنے کے مقدمے میں خیبرپختونخوا کے سابق وزیر اور پی ٹی آئی کے رہنما کامران بنگش پر فرد جرم عائد کردی۔
انسداد دہشتگردی عدالت کے جج اسد اللّٰہ نے پشاور میں پولیس پارٹی پر فائرنگ کے مقدمے میں کیس کی سماعت کی جس میں عدالت نے کامران بنگش پر فرد جرم عائد کی۔
دوسری جانب کامران بنگش نے صحت جرم سے انکار کردیا۔
سابق صوبائی وزیر کامران بنگش پر فرد جرم عائد کرنے کےلیے 22 نومبر کی تاریخ مقرر کردی گئی۔
پراسیکیوشن کے مطابق تھانہ چمکنی پولیس نے پی ٹی آئی کے روپوش رہنما مراد سعید کی گرفتاری کے لیے کامران بنگش کے حجرے پر چھاپہ مارا تھا۔
پراسیکیوشن کے مطابق چھاپے کے دوران کامران بنگش اور دیگر ساتھیوں نے پولیس پر فائرنگ کی تھی، جس سے 2 پولیس اہلکار زخمی ہوئے تھے۔
.ذریعہ: Jang News
کلیدی لفظ: کامران بنگش پر فرد جرم عائد پر فائرنگ
پڑھیں:
کراچی، کورنگی ڈھائی نمبر میں رات گئے بااثر افراد کی ہوائی فائرنگ
فائل فوٹوکراچی میں بااثر افراد کی جانب سے ہوائی فائرنگ کا سلسلہ تھم نہ سکا، کورنگی نمبر ڈھائی میں رات گئے بااثر افراد کی ہوائی فائرنگ کی ویڈیو وائرل ہوگئی۔
کراچی میں آئی جی سندھ کے احکامات کے باوجود ہوائی فائرنگ کا سلسلہ پولیس نہ روک پائی، کورنگی نمبر ڈھائی میں رات گئے ہوائی فائرنگ کے دوران جدید اسلحہ کا پولیس سے بے خوف ہوکر استعمال کیا گیا۔
بااثر افراد کی ہوائی فائرنگ کی ویڈیو جیو نیوز نے حاصل کرلی، ویڈیو میں نوجوانوں کو باآسانی ہوائی فائرنگ کرتے نظر آئے۔
شدید ہوائی فائرنگ سے علاقے میں خوف و ہراس پھیل گیا تھا، دوسری جانب پولیس کا بتانا ہے کہ نامعلوم افراد کی جانب سے کی جانے والی ہوائی فائرنگ کی مزید معلومات حاصل کر رہے ہیں۔
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار