بانی پی ٹی آئی کے سنگین الزامات ،مذاکرات میں پیش رفت کے امکانات معدوم
اشاعت کی تاریخ: 11th, January 2025 GMT
اسلام آباد(طار ق محمودسمیر)حکومت اور تحریک انصاف کے درمیان مذاکرات کے تیسرے دورکاانعقادمشکلات کاشکارہوگیاہے اور تحریک انصاف مذاکراتی کمیٹی کی اپنے بانی چیئرمین سے اڈیالہ جیل میں آزادانہ فضامیں ملاقات کا مطالبہ حکومت نے تسلیم کرنے سے انکارکردیاجب کہ دوسری جانب عمران خان کی طرف سے متنازع ٹویٹس کے بعد نومئی اور 26مئی کے واقعات کاذمہ دارایک بارپھر اسٹیبلشمنٹ کو قراردینے کے بعد اس بات کے امکانات واضح ہوگئے ہیں کہ مذاکرات کاتیسرا دورممکن نظرنہیں آرہا،معاملات طے نہ ہونے کے باعث صورتحال آئندہ ہفتے تبدیل ہوجائے گی اور 190ملین پاؤنڈریفرنس کا فیصلہ احتساب عدالت کے جج ناصرجاویدرانا13جنوری پیرکے روز اڈیالہ جیل کی عدالت میں سنادیں گے اور فیصلہ سنانے کی تیاریاں شروع کردی گئی ہیں،جب بھی دومخالف سیاسی جماعتوں کے درمیان مذاکرات کاعمل شروع ہوتاہے تو مخالفانہ بیان بازی کاسلسلہ روک دیاجاتاہیتاکہ فضاخراب نہ ہولیکن تحریک انصاف کے بعض ہارڈ لائنرزنے بیان بازی کاسلسلہ نہ روکابلکہ عمران خان کے ٹویٹراکاونٹ سے اسٹیبلشمنٹ کی اہم شخصیت کے باریمیں بھی منفی تبصرے کئے گئے اور یہاں تک کہ وزیراعظم شہبازشریف کوآرمی چیف کا اردلی ہونے کا طعنہ بھی دیاگیا،وزیراعلیٰ پنجاب مریم نوازکے متحدہ عرب امارات کے صدر شیخ محمد بن زید النہیان سے ہاتھ ملانے کی تصویرکوجوازبناکربھی تحریک انصاف کے رہنماوں نے بے بنیادپروپیگنڈا کیا،عمران خان نے جمعہ کو اڈیالہ جیل میں اپنی ہمشیرہ علیمہ خان ،وکلاء اور صحافیوں سے جوباتیں کی ہیں اور جو لب ولہجہ اختیارکیاہے اس سے واضح ہوگیاہیکہ عمران خان کی سوچ میں کوئی تبدیلی نہیں آئی ،عمران خان نے اپنے اس بیان میں نومئی کے واقعات کو فالس فلیگ آپریشن قراردیتے ہوئے الزام لگایاکہ یہ سب کچھ اسٹیبلشمنٹ نے کرایاجب کہ 26نومبر کے واقعات کے حوالے سے بھی انہوں نے اسی طرح کی الزام تراشی کی اور وہ کہتے ہیں کہ حکومت وقت ضائع کررہی ہے،عمران خان نے یہ بھی واضح کردیاہے کہ اگر تیسری میٹنگ میں کمیشن تشکیل نہ دیاگیاتو تحریک انصاف مذاکراتی عمل کا بائیکاٹ کردے گی،ایک طرف عمران خان نومئی کے واقعات پرالزام تراشی کررہے ہیں اور دوسری جانب فوجی عدالتوں سے 100سے مجرمان کو سزائیں ہوچکی ہیں اور ان میں ان کابھانجاحسان نیازی بھی شامل ہے،ان سزاوں کے خلاف تحریک انصاف ہائی کورٹ میں اپیلیں دائرکررہی ہے لگتاہیکہ عمران خان 20جنوری کا انتظار کررہے ہیں کہ امریکی صدرٹرمپ اپنی ذمہ داریاں سنبھالیں اور وہاں سے ایک ٹیلی فون کال آئے جب کہ حکومت کسی قسم کے بیرونی دباوکو قبول نہ کرنے کے اعلان کرچکی ہے،190ملین پاؤنڈکیس کافیصلہ تین بارسنانے کی تاریخ تبدیل کی گئی اور اس دوران یہ تبصرے اور افوائیں شروع ہوگئیں کہ عمران خان کی ڈیل ہوگئی ہے اسی لیے فیصلہ نہیں سنایاجارہالیکن اب اطلاعات آرہی ہیں کہ فیصلہ سنانے کی تیاریاں ہورہی ہیں اور13جنوری کو اس کیس کافیصلہ سنایاجائے گاکیافیصلہ ہوگااس پر تو حتمی بات نہیں کی جاسکتی اگرعمران خان کے خلاف فیصلہ آیاتو مذاکرات کا سلسلہ ختم ہوسکتاہے اوراگرعمران خان کے حق میں آگیاتو ان کے سیاسی مخالفین اسے ڈیل کانتیجہ قراردیں گے،شیرافضل مروت اورسلمان اکرم راجہ کے درمیان لفظی گولہ باری جاری ہے عمران خان سلمان اکرم راجہ پراعتماد کرتے ہیں اور مروت کے بیانات پر برہمی کااظہاربھی کیاہے لیکن یہ ایک افسوسناک امرہے کہ تحریک انصاف کے رہنمااپنے لیڈرکورہاکرانے کی جدوجہدکوآگے بڑھانے کے بجائے آپس میں الجھ رہے ہیں۔
.ذریعہ: Daily Mumtaz
کلیدی لفظ: تحریک انصاف کے کہ عمران خان کے واقعات
پڑھیں:
تحریک انصاف نے مذاکرات میں تحریری مطالبات پیش کردیے
حکومت اور پاکستان تحریک انصاف کی مذاکراتی کمیٹیوں کے درمیان بات چیت کا تیسرا مرحلہ شروع ہو چکا ہے۔
اسپیکر قومی اسمبلی سردار ایاز صادق کی نگرانی میں حکومت اور پاکستان تحریک انصاف کی مذاکراتی کمیٹیوں کے درمیان مذاکرات پارلیمنٹ ہاؤس میں جاری ہیں۔
حکومتی مذاکراتی کمیٹی میں عرفان صدیقی، رانا ثنا اللہ، خالد مقبول صدیقی اور فاروق ستار شامل ہیں، جبکہ پی ٹی آئی کی جانب سے عمر ایوب، اسد قیصر، علی امین گنڈا پور، علامہ راجہ ناصر عباس اور صاحبزادہ حامد رضا کمیٹی کا حصہ ہیں۔
پی ٹی آئی کے رہنما عمر ایوب نے اسپیکر قومی اسمبلی کو اپنے تحریری مطالبات پیش کیے، جن پر کمیٹی کے چھ اراکین کے دستخط موجود ہیں۔ ان دستخط کنندگان میں عمر ایوب، علی امین گنڈا پور، سلمان اکرم راجہ اور صاحبزادہ حامد رضا شامل ہیں۔
پاکستان تحریک انصاف نے اپنے چارٹر آف ڈیمانڈ کمیٹی میں پیش کردیے،عمر ایوب نے تحریری مطالبات کمیٹی اجلاس میں پڑھ کر بھی سنائے،چارٹر آف ڈیمانڈ 2 نکات اور 3 صفحات پر مشتمل ہے۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ