گینگ وار ملزم وصی اللّٰہ لاکھو کی بذریعہ انٹرپول گرفتاری کیلئے سندھ حکومت کا وفاق کو خط
اشاعت کی تاریخ: 11th, January 2025 GMT
—فائل فوٹو
گینگ وار ملزم وصی اللّٰہ لاکھو کی انٹرپول کے ذریعے گرفتاری کے لیے سندھ حکومت نے وفاقی حکومت کو خط لکھ دیا۔
محکمۂ داخلہ سندھ نے وفاقی وزارتِ داخلہ کو انٹرپول کے ذریعے ملزم کے ریڈ نوٹس جاری کرنے کی سفارش کر دی۔
اس حوالے سے محکمۂ داخلہ سندھ نے درخواست کی ہے کہ ملزم وصی اللّٰہ کی انٹرپول کے ذریعے گرفتاری کے لیے ریڈ نوٹس جاری کیا جائے۔
محکمہ داخلہ سندھ نے وفاقی حکومت سے ہیلی کاپٹر طلب کرنے کےلیے خط لکھ دیا ہے۔
محکمۂ داخلہ سندھ نے کہا ہے کہ گینگ وار ملزم وصی اللّٰہ کے وارنٹِ گرفتاری بھی جاری ہو چکے ہیں۔
پولیس حکام کا کہنا ہے کہ گینگ وار ملزم وصی اللّٰہ لاکھو پولیس کو متعدد سنگین مقدمات میں مطلوب ہے۔
.ذریعہ: Jang News
کلیدی لفظ: داخلہ سندھ نے
پڑھیں:
کراچی یونیورسٹی سمیت سندھ کی 17 سے زائد جامعات میں تدریس کا بائیکاٹ جاری
فپواسا سندھ نے صوبے میں بیوروکریٹس کو وائس چانسلر بنانے کے فیصلے پر بائیکاٹ کا اعلان کر رکھا ہے۔ اسلام ٹائمز۔ جامعہ کراچی سمیت سندھ کی 17 سے زائد جامعات میں جمعہ کے روز بھی تدریس کا بائیکاٹ رہا۔ فیڈریشن آف آل پاکستان اکیڈمک اسٹاف ایسوسی ایشن سندھ (فپواسا) کی اپیل پر تدریسی عمل معطل ہے۔ فپواسا سندھ کی جانب سے مطالبہ کیا گیا ہے کہ وائس چانسلرز کی تقرری کیلئے یونیورسٹیز ایکٹ میں مجوزہ ترامیم واپس لی جائیں۔ ایسوسی ایشن سندھ نے صوبے میں بیوروکریٹس کو وائس چانسلر بنانے کے فیصلے پر بائیکاٹ کا اعلان کر رکھا ہے۔ فپواسا کی جانب سے مطالبہ کیا گیا ہے کہ اساتذہ کیلئے ٹیکس میں 25 فیصد رعایت ختم کرنے کا فیصلہ واپس لیا جائے۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ