بنگلادیشی کرکٹر تمیم اقبال کا انٹرنیشنل کرکٹ سے ریٹائرمنٹ کا اعلان
اشاعت کی تاریخ: 11th, January 2025 GMT
بنگلا دیش (نیوز ڈیسک)بنگلا دیش کے اسٹار کرکٹر اور سابق کپتان تمیم اقبال نے انٹرنیشنل کرکٹ سے ریٹائرمنٹ کا اعلان کر دیا۔تمیم اقبال نے دوسری بار انٹرنیشنل کرکٹ سے ریٹائرمنٹ کا اعلان کیا۔ اس سے قبل جولائی 2023 میں انہوں نے ریٹائرمنٹ کا اعلان کرکے 24 گھنٹے بعد فیصلہ واپس لے لیا تھا۔بائیں ہاتھ کے کرکٹر تمیم اقبال نے اپنے بیان میں کہا کہ کافی عرصے سے انٹرنیشنل کرکٹ سے دور رہا اور اب یہ میرے انٹرنیشنل کیریئر کا اختتام ہے، اس حوالے سے کافی عرصے سے سوچ رہا تھا۔
تمیم اقبال نے کہا کہ اب جب چیمپئنز ٹرافی جیسا بڑا ایونٹ قریب ہے تو میں اپنے آپ کو ڈسکس نہیں کروانا چاہتا، ایک لمبے عرصے سے بی سی بی کے سینٹرل کنٹریکٹ سے خود کو الگ کر لیا تھا، ریٹائرمنٹ یا کھیلنے کا فیصلہ کسی بھی ایتھلیٹ یا کرکٹر کا ذاتی ہوتا ہے۔انہوں نے کہا کہ کپتان نظم الحسین شنتو نے مجھے واپسی کے حوالے سے نیک نیتی سے پوچھا، سلیکشن کمیٹی نے بھی میری سلیکشن کے حوالے سے مجھ سے پوچھا مگر میں نے فیصلہ کر لیا تھا، مجھے اتنا اہم سمجھنے پر ان تمام افراد کا شکریہ۔تمیم اقبال نے اپنی ریٹائرمنٹ کے فیصلے سے بنگلا دیش کرکٹ بورڈ کے سلیکٹرز کو آگاہ کر دیا ہے۔
واضح رہے کہ تمیم اقبال نے 2007 میں ون ڈے، ٹی ٹوئنٹی اور 2008 میں ٹیسٹ ڈیبیو کیا تھا۔انہوں نے 70 ٹیسٹ میچز میں 5 ہزار 134، 243 ون ڈے میں 8 ہزار 357 اور 78 ٹی ٹوئنٹی انٹرنیشنلز میں ایک ہزار 758 رنز بنائے۔
ستاروں کی روشنی میں آج بروزہفتہ،11 جنوری 2025 آپ کا کیرئر،صحت، دن کیسا رہے گا ؟
.ذریعہ: Daily Ausaf
کلیدی لفظ: انٹرنیشنل کرکٹ سے تمیم اقبال نے
پڑھیں:
سری لنکن کرکٹر ایوشکا فرنینڈو نے آئی ایل ٹی 20 میں نیا ریکارڈ قائم کردیا
دبئی :ایوشکا فرنینڈو نے شاندار اننگز کھیل کر شارجہ کرکٹ اسٹیڈیم میں کھیلے گئے میچ کو یادگار بنادیا اور واریئرز کو آئی ایل ٹی 20 کی تاریخ کے ایک ریکارڈ ہدف کو حاصل کرنے میں مدد دی۔ دبئی کیپیٹلز کے خلاف 202 رنز کے ہدف کے تعاقب میں فرنینڈو نے صرف 27 گیندوں پر 81 رنز کی غیر معمولی اننگز کھیلی اور 16 گیندوں پر اپنی نصف سنچری مکمل کی جو ٹورنامنٹ کی تاریخ کی تیز ترین نصف سنچری ہے۔فرنینڈو کی اننگز میں 8 چھکے اور 6 چوکے شامل تھے جس کی بدولت واریئرز نے 18.1 اوورز میں پانچ وکٹوں کے نقصان پر ہدف حاصل کر لیا۔ اس سے قبل شام کو شائی ہوپ نے کیپٹلز کے لئے اہم کردار ادا کیا اور 83 رنز بنا کر اپنی ٹیم کو 5 وکٹوں کے نقصان پر 201 رنز بنانے میں مدد کی۔جانسن چارلس نے ہدف کا سامنا کرتے ہوئے شارجہ واریئرز کو پہلے چند اوورز میں ٹریک پر برقرار رکھنے کو یقینی بنایا۔ ایک سرے پر جیسن رائے کی مدد سے چارلس نے کیپٹلز کے حملے کا مقابلہ کیا اور 19 گیندوں پر 37 رنز بنائے۔ پاور پلے میں واریئرز کا اسکور ایک وکٹ کے نقصان پر 56 تھا۔ متحدہ عرب امارات کے روہان مصطفیٰ نے بھی 17 رنز اور اہم چوکے لگائے وہ چمیرا کا نشانہ بنے ۔ انہوں نے اسکور 12.1 اوورز میں 3 وکٹوں کے نقصان پر 132 رنز تک پہنچ گیا۔اویشکا فرنینڈو نے تیز ترین نصف سنچری کا ڈی پی ورلڈ آئی ایل ٹی 20 ریکارڈ توڑتے ہوئے صرف 16 گیندوں میں یہ سنگ میل عبور کیا۔ (اس سے قبل یہ ریکارڈ ڈیزرٹ وائپرز کے اعظم خان نے 18 گیندوں پر قائم کیا تھا۔) اس سے قبل دبئی کیپیٹلز نے اچھا آغاز کیا اور بین ڈنک نے ابتدائی طور پر 2 چوکے اور ایک چھکا لگا کر اپنے عزم کا مظاہرہ کیا جبکہ ہوپ نے 3 چوکے لگائے۔ پاور پلے کے اختتام پر کیپیٹلز کا اسکور ایک وکٹ پر 50 رنز تھا۔ روومین پاول نے واریئرز کے خلاف چھکوں کی بوچھاڑ کی اور 15 گیندوں پر 28 رنز بنائے، جس میں کریم جنت کے اوور میں 18 رنز ہوپ نے اپنی سنسنی خیز فارم کو جاری رکھتے ہوئے 19 ویں اوور میں بھی ایڈم ملن کی جانب سے لگاتار دو چھکے لگائے۔ٹم ساؤتھی نے پاول اور داسن شناکا کو فوری طور پر آؤٹ کرتے ہوئے آخری اوور میں کچھ کنٹرول حاصل کیا۔ ان کی کوششوں کے باوجود کیپیٹلز نے 200 رنز کا ہندسہ عبور کیا اور 5 وکٹوں کے نقصان پر 201 رنز بنائے۔ایوشکا فرنینڈو میچ کے بہترین کھلاڑی قرار پائے۔
ایف بی آر کا 1010 نئی گاڑیاں خریدنے کا فیصلہ