ٹنڈو محمد خان، ترقیاتی ماسٹر پلان پر عوامی نمائندوں کے ساتھ مشاورتی سیمینار
اشاعت کی تاریخ: 11th, January 2025 GMT
ٹندو محمد خان(نمائندہ جسارت)ٹنڈو محمد خان کے ترقیاتی ماسٹر پلان پر عوامی نمائندوں کے ساتھ مشاورتی سیمینار، ڈائریکٹوریٹ آف اربن اینڈ ریجنل پالیسی اینڈ اسٹریٹیجک پلاننگ، پلاننگ اینڈ ڈویلپمنٹ ڈپارٹمنٹ، حکومت سندھ نے ٹنڈو محمد خان کے ترقیاتی ماسٹر پلان پر عوامی نمائندوں کے ساتھ ڈسٹرکٹ کونسل ہال میں مشاورتی سیمینار منعقد کیا۔سیمینار میں وزیر اعلیٰ سندھ کے خصوصی معاون اور چیئرمین ڈسٹرکٹ کونسل سید قاسم نوید قمر، ایم پی اے سید اعجاز شاہ بخاری، ایم پی اے خرم کریم سومرو، ڈپٹی کمشنر شاہ زیب شیخ، ایس ایس پی عابد بلوچ، چیئرمین میونسپل کمیٹی ٹنڈو محمد خان سید شاہ نواز شاہ بخاری، اور دیگر معززین نے شرکت کی۔شرکا نے ٹنڈو محمد خان ٹاؤن کے ماسٹر پلان کے حوالے سے محکمہ پی اینڈ ڈی کی کاوشوں کو سراہا اور اپنی تجاویز دیتے ہوئے کہا کہ ماسٹر پلاننگ پائیدار ترقی کے لیے ایک عالمی سطح پر تسلیم شدہ حکمت عملی ہے۔ شہروں کو “ترقی کے انجن” سمجھا جاتا ہے اور ان کی صلاحیت سے فائدہ اٹھانا کسی بھی ملک، خاص طور پر ترقی پذیر ممالک جیسے پاکستان کی پائیدار اقتصادی ترقی کے لیے کلیدی حیثیت رکھتا ہے۔ڈاکٹر امتیاز بھٹی، ڈائریکٹر جنرل اربن اینڈ ریجنل پالیسی اینڈ اسٹریٹیجک پلاننگ نے شرکا کو آگاہ کیا کہ حکومت سندھ نے 17 بڑے ثانوی شہروں جن میں سکھر، لاڑکانہ، اور شہید بے نظیر آباد شامل ہیں، کے لیے جامع ترقیاتی ماسٹر پلان تیار کیے ہیں۔ مزید برآں14 دیگر شہروں جیسے خیرپور، گھوٹکی، میرپور ماتھیلو، روہڑی، شکارپور، جیکب آباد، اور قمبر کے لیے ماسٹر پلانز پر کام جاری ہے۔ انہوں نے اس بات پر بھی زور دیا کہ عملدرآمد کے مرحلے میں خواتین اور ٹرانس جینڈر افراد کی شمولیت اور ان کی ضروریات کو ترجیح دینا ضروری ہے، جس میں محفوظ رہائش اور جامع عوامی مقامات فراہم کرنا شامل ہے۔ٹنڈو محمد خان کے ماسٹر پلان کو اسٹک ہولڈرز کے سامنے پیش کیا گیا تاکہ ترقیاتی منصوبوں کی منظوری حاصل کی جا سکے۔ حتمی منصوبے میں سیمینار کے دوران موصول ہونے والے آرا کو شامل کیا جائے گا، جس میں مستقبل کا وژن، اقتصادی ترقی کی حکمت عملی، آفات سے نمٹنے کے پروٹوکول، شہری کور ایکشن پلان اور عملدرآمد کا فریم ورک شامل ہوگا۔ماسٹر پلان مختلف شہری مسائل جیسے رہائش، پانی کی فراہمی، صفائی، اور پائیدار ماحول کو حل کرنے پر مرکوز ہے۔ اسکا مقصد مقامی اور علاقائی معیشت کی ترقی، روزگار کے مواقع، آمدنی میں اضافہ، اور انسانی وسائل کی بہتری ہے تاکہ ٹنڈو محمد خان ایک خوشحال، پرامن، اور محفوظ منصوبہ بند شہر بن سکے۔
.ذریعہ: Jasarat News
کلیدی لفظ: ٹنڈو محمد خان کے لیے
پڑھیں:
پشاور ہائیکورٹ میں 9 ایڈیشنل ججز کی تعیناتی، جوڈیشل کمیشن کا اجلاس یکم فروری کو ہوگا
پشاور ہائی کورٹ میں 9 ایڈیشنل ججز کی تعیناتی کے معاملے میں جوڈیشل کمیشن کا اجلاس یکم فروری کو 11 بجے سپریم کورٹ میں ہوگا، پشاور ہائی کورٹ میں ایڈیشنل ججز کے لیے جوڈیشل کمیشن کو 40 امیدواروں کے نام ارسال کردیئے گئے۔
پشاور ہائی کورٹ میں ایڈیشنل ججز کی تعیناتی کے لیے بھجوائے گئے چالیس امیدواروں میں چار سیشن ججز کے ناموں پر غور ہوگا جن میں سیشن جج کلیم ارشد خان، سیشن جج فرخ جمشید، سیشن جج انعام اللہ خان، سیشن جج صوفیہ وقار خٹک کے نام شامل ہیں۔
وکلاء میں عبدالفیاض، کلیم خان، عامر جاوید، عاطف علی خان، اورنگزیب، بخت جمال خان بشارت خان کے نام شامل ہیں۔ وکلاء میں بشارت خان، بلال احمد درانی، غلام محمد، جنید انور، کوثر علی شاہ، منصور طارق کے نام شامل ہیں۔
وکلاء میں محمد علی خان، محمد بشیر نوید، محمد حبیب قریشی، محمد انعام خان، محمد اکرام خان، محمد جاوید خان، محمد رفیق، محمد طارق آفریدی، مختار احمد منیری، ناصر محمود، نعمان الحق، قاضی بابر ارشاد، قاضی جواد احسان اللہ کے نام شامل ہیں۔
اس کے علاوہ وکلاء میں راحیلہ بی بی، صبغت اللہ خان، صادق علی، صلاح الدین، سردار علی رضا، شبنم نواز، شاہ فیصل، شمائل بٹ، سید مدثر امیر، سید شکیل خان گیلانی، سید سکندر حیات شاہ کے نام بھی شامل ہیں۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ