سانگھڑ،تجاوزات کے نام پر انتظامیہ نے تباہی مچادی
اشاعت کی تاریخ: 11th, January 2025 GMT
سانگھڑ (نمائندہ جسارت) شہر میں تجاوزات کے نام پر انتظامیہ نے تباہی مچا دی، غریب رہڑی بانوں اور پتھارے داروں کو بھاری جرمانے، اسسٹنٹ کمشنر شفیق احمد آریسر اور بلدیہ کا انکروچمنٹ عملہ غریب عوام جو ریڑھی پتھارے ٹھیلے اور کیبنیں لگا کر شہر کے مختلف علاقوں میں روزگار کما کر اپنے بچوں کا پیٹ پالتے ہیں، حق حلال طریقے سے روزگار کرنے والوں کے لیے اسسٹنٹ کمشنر اور بلدیہ کا عملہ عذاب بن گیا، تجاوزات کے نام پر بلدیہ عملے اور اسسٹنٹ کمشنر کے عملے کو غریب ریڑھی پتھارے ٹھیلے اور کیبن والے پیسے بھتے کی صورت میں نہ دیں تو ان غریب لوگوں کے خلاف بغیر کسی قانونی نوٹس کے راتوں رات بلدیہ کا انکروچمنٹ سیل اور اسسٹنٹ کمشنر کا عملہ تجاوزات کے نام پر بغیر بتائے آپریشن شروع کر دیتا ہے، غریب لوگوں کے ریڑھی پتھارے ٹھیلے اور کیبن ہیوی میشنری کرینیں لگا کر توڑ دیتے ہیں جس سے آئے روز شہر میں تجاوزات کے خلاف ہونے والے آپریشنوں کی ریڑھی پتھارے ٹھیلے والے کی نمائندہ تنظیم کے صدر شفیق احمد قریشی نے نمائندہ جسارت سے خصوصی گفتگو کرتے ہوئے کہا کہ شہر میں ہزاروں کی تعداد میں ریڑھیاں ٹھیلے پتھارے اور کیبنیں لگی ہوئی ہیں، ہمیشہ انتظامیہ تجاوزات کے نام پر آپریشن ان غریب سادہ لوح حق حلال روزگار کرنے والے ریڑھی پتھارے ٹھیلے اور کیبن والوں کے خلاف کرتی ہے، میں اس کی مذمت کرتا ہوں، انتظامیہ انسانی حقوق کا خیال کیے بغیر اپنے ایک مقصد جو بھی ریڑھی پتھارے ٹھیلے کیبن والے انہیں رشوت میں بھتا نہیں دیتے، ان غریب لو گوں کے خلاف انتظامیہ قانون کو حرکت میں لاتی ہے۔ شفیق احمد قریشی نے اعلیٰ حکومتی عہدیداروں سے اپیل کی کہ تجاوزات کے نام پر جاری آپریشن، رشوت ستانی فوری بند کی جائے اور غریب عوام کے ساتھ انصاف اور انہیں حق حلال سے روزگار کرنے کے ذریعے ریڑھی پتھارے ٹھیلے اور کیبنوں سے ہٹانے کے غیر قانونی اقدامات کو فوری ختم کیا جائے۔ دوسری جانب تجاوزات کے خلاف جاری آپریشن سے نواب شاہ روڈ پر موجود ریڑھی پتھارے ٹھیلے اور کیبن مالکان نے انتظامیہ کے خلاف مین سانگھڑ نواب شاہ روڈ بلاک کرکے ٹائروں کو آگ لگا کر احتجاج کیا ۔
.ذریعہ: Jasarat News
کلیدی لفظ: تجاوزات کے نام پر کے خلاف
پڑھیں:
ٹرمپ انتظامیہ کے مطالبات ماننے سے انکار پر ہارورڈ یونیورسٹی کے فنڈز منجمد
ہارورڈ یونیورسٹی کے صدر ایلن گاربر نے مطالبات کو غیر قانونی قرار دیتے ہوئے کہا کہ یونیورسٹی اپنی آزادی یا اپنے آئینی حقوق پر ہرگز سمجھوتہ نہیں کریگی۔ اب ٹرمپ انتظامیہ نے مطالبات ماننے سے انکار پر ہارورڈ یونیورسٹی کے 2.2 بلین ڈالرز کے فنڈز روکنے کے علاوہ 60 ملین ڈالرز کے سرکاری معاہدے بھی منجمد کرنے کا اعلان کر دیا ہے۔ اسلام ٹائمز۔ امریکی صدر ڈونلڈ ٹرمپ کے مطالبات ماننے سے انکار پر امریکا کی صفِ اوّل کی ہارورڈ یونیورسٹی کے فنڈز منجمد کر دیئے گئے۔ ٹرمپ انتظامیہ نے جمعے کو ہارورڈ یونیورسٹی کو ایک خط بھیجا تھا، جس میں لکھا تھا کہ یونیورسٹی میں بیرونِ ملک سے آئے طلبہ کی خلاف ورزیوں کو فوراً وفاقی حکام کو رپورٹ کیا جائے اور ہر تعلیمی شعبے پر نظر رکھنے کے لیے کسی بیرونی ادارے یا شخص کی خدمات حاصل کی جائیں۔ ٹرمپ انتظامیہ نے خط میں یہ بھی لکھا تھا کہ طلبہ اور فیکلٹی کے اختیارات کم کیے جائیں۔
ہارورڈ یونیورسٹی کے صدر ایلن گاربر نے مطالبات کو غیر قانونی قرار دیتے ہوئے کہا کہ یونیورسٹی اپنی آزادی یا اپنے آئینی حقوق پر ہرگز سمجھوتہ نہیں کرے گی۔ اب ٹرمپ انتظامیہ نے مطالبات ماننے سے انکار پر ہارورڈ یونیورسٹی کے 2.2 بلین ڈالرز کے فنڈز روکنے کے علاوہ 60 ملین ڈالرز کے سرکاری معاہدے بھی منجمد کرنے کا اعلان کر دیا ہے۔ ٹرمپ انتظامیہ کا کہنا ہے کہ حالیہ برسوں میں کیمپسز میں تعلیمی سرگرمیوں کی معطلی اور یہودی طلباء کو ہراساں کیے جانا ناقابلِ برداشت ہے، اس لیے اب وقت آگیا ہے کہ اشرافیہ کی یونیورسٹیاں اس مسئلے کو سنجیدگی سے لیں اور اگر وہ مستقبل میں ٹیکس دہندگان کی حمایت حاصل کرنا چاہتی ہیں تو بامعنی تبدیلی کا عہد کریں۔
یاد رہے کہ ٹرمپ انتظامیہ نے مارچ میں کہا تھا کہ وہ ہارورڈ یونیورسٹی کے تقریباً 256 ملین ڈالرز کے وفاقی اور 8.7 ارب ڈالرز کی گرانٹ معاہدوں کا جائزہ لے رہی ہے، کیونکہ یونیورسٹی نے کیمپس میں یہود مخالف رویہ روکنے کے لیے خاطر خواہ اقدامات نہیں کیے۔ واضح رہے کہ گزشتہ سال غزہ میں جاری اسرائیلی بربریت کے خلاف طلباء کے مظاہروں نے ملک بھر میں موجود ہارورڈ یونیورسٹی کے کیمپسز کو ہلا کر رکھ دیا تھا، جس کے نتیجے میں پولیس اور مظاہرین کے درمیان پرتشدد جھڑپیں بھی ہوئی تھیں۔
وزیراعظم شہباز شریف کا بیلا روس کے ایوان آزادی آمد پرشاندار خیر مقدم