نئے کینالوں کا کام فوری طور پر روکا جائے،عوامی تحریک
اشاعت کی تاریخ: 11th, January 2025 GMT
حیدرآباد (اسٹاف رپورٹر) عوامی تحریک کے مرکزی صدر ایڈووکیٹ وسند تھری، مرکزی نائب صدر حور النساء پلیجو، ستار رند اور مرکزی ڈپٹی جنرل سیکرٹری ایڈووکیٹ راحیل بھٹو نے اپنے مشترکہ بیان میں کہا ہے کہ 6 نئے کینالوں کے منصوبے عالمی قوانین کی خلاف ورزی ہیں، نئے کینالوں کا کام فوری طور پر روکا اور سندھ کو اس کے حصے کا پانی دیا جائے۔ انہوں نے کہا کہ جب تک دریائے سندھ کا تاریخی بہاؤ بحال نہیں کیا جاتا، عوامی تحریک اور سندھیانی تحریک کی جدوجہد جاری رہے گی۔ انہوں نے کہا کہ دریائے سندھ کے پانی کے تحفظ کے لیے سانا کی جانب سے ہونے والی پانی کانفرنس میں عوامی تحریک کے مرکزی صدر ایڈووکیٹ وسند اور سندھیانی تحریک کی مرکزی صدر عمرہ سموں وفد کے ساتھ شرکت کریں گے۔ رہنماؤں نے کہا کہ پیپلز پارٹی نے اقتدار کی لالچ میں دریائے سندھ کو بیچ دیا، سندھ کے عوام پُرامن جمہوری جدوجہد کے ذریعے پیپلز پارٹی کے اس سودے کو ناکام بنا کر دریائے سندھ کا تحفظ کریں گے۔ انہوں نے کہا کہ کارپوریٹ فارمنگ کے نام پر سندھ کی زمینوں پر قبضے کیے جا رہے ہیں، سندھ کے عوام اپنی دھرتی پر قبضہ کسی صورت برداشت نہیں کریں گے، کارپوریٹ فارمنگ منصوبوں کو ختم کر کے زمینیں مقامی بے زمین کسانوں کو دی جائیں اور زراعت کو فروغ دینے کے لیے ضروری اقدامات کیے جائیں۔
.ذریعہ: Jasarat News
کلیدی لفظ: دریائے سندھ عوامی تحریک نے کہا کہ
پڑھیں:
حکومت سندھ کے نئے تعینات ترجمانوں کا اہم اجلاس، عوامی تحفظات دور کرنے پر تبادلہ خیال
حکومت سندھ کے نئے تعینات ہونے والے ترجمانوں کا ایک اہم اجلاس کراچی میں سندھ کے سینئر وزیر شرجیل انعام میمن کی صدارت میں ہوا۔ اجلاس میں صوبائی حکومت کی مواصلاتی حکمت عملی کو بڑھانے اور عوامی تحفظات کو مؤثر طریقے سے دور کرنے کے امور پر تبادلہ خیال کیا گیا۔
اجلاس میں حکومتی بیانیے، میڈیا تعلقات کے فروغ اور سندھ حکومت کی جانب سے عوامی فلاح و بہبود کے منصوبوں کی موثر تشہیر کے لیے حکمت عملیوں پر جامع بحث کی گئی۔
اس موقع پر بات کرتے ہوئے سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا کہ حکومتی ترجمان بہت بڑی ذمہ داری ہے، حکومت سندھ نے آپ کو یہ ذمہ داری سونپی ہے، حکومت چاہتی ہے کہ لوگوں کو عوام کے لئے حکومتی منصوبوں کے حوالے سے مکمل آگہی رہے۔
انہوں نے کہا کہ ہمیں اس بات کو یقینی بنانا چاہیے کہ عوام کو حکومت کی کوششوں اور پروگراموں کے بارے میں اچھی طرح سے آگاہ کیا جائے، ہمیں لوگوں کو مثبت معلومات تک رسائی اور ان کی مایوسیوں کا خاتمہ یقینی بنانا ہے۔
سینئر وزیر شرجیل انعام میمن نے کہا کہ چیئرمین بلاول بھٹو زرداری کی وژنری قیادت اور صدر آصف علی زرداری اور فریال تالپور کی رہنمائی میں عوامی خدمت حکومت سندھ کا عزم ہے، پاکستان پیپلز پارٹی نے ہمیشہ عوام کی فلاح و بہبود کو ترجیح دی ہے۔
انہوں نے کہا کہ ہمارے ترجمان غلط معلومات کا مقابلہ کرنے اور ہماری کامیابیوں کو اجاگر کرنے میں اہم کردار ادا کرتے ہیں، حکومت سندھ کے ترقیاتی اقدامات اور پالیسیوں کے لیے تمام حکومتی ترجمان ایک مربوط ٹیم کے طور پر کام کریں۔
سینئر وزیر شرجیل انعام میمن نے کہا کہ ابلاغ عامہ کے ساتھ ساتھ ہمیں سوشل میڈیا پر بھی فوکس کرنا ہوگا، ایک دوسرے کے ساتھ مل کر کام کرنا ہوگا، سندھ کے لوگوں کے ساتھ اعتماد برقرار رکھنے کے لیے شفافیت اور موثر رابطہ اہمیت کا حامل ہے۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ