سکھر: سنی تحریک کے رہنمائوں کی تاجر سیکرٹریٹ آمد
اشاعت کی تاریخ: 11th, January 2025 GMT
سکھر (نمائندہ جسارت) سنی تحریک کے مرکزی نائب صدر شاہد غوری اور مرکزی رہنما علامہ نور احمد قاسمی کی تاجر سیکرٹریٹ آمد۔ سکھر اسمال ٹریڈرز کے صدر حاجی محمد جاوید میمن و دیگر بازاروں کے تاجروں سے ملاقات کی۔ اس موقع پر سنی تحریک کے مرکزی نائب صدر شاہد غوری نے خطاب کرتے ہوئے کہا کہ دنیا اور آخرت کی کامیابی دُکھی انسانیت کی خدمت میں پنہاں ہے، دین اسلام امن و سلامتی کا دین ہے، آقائے دو جہاں رحمت اللعالمین نے امن کا پیغام دیا ہے، کسی بھی ملک کی ترقی میں تاجر برادری کا کردار بڑا اہمیت کا حامل ہوتا ہے، یہ المیہ ہے کہ پاکستان کی جو بھی حکومتیں آتی ہیں وہ تاجر برادری کے لیے مشکلات اور مسائل پیدا کرتی ہیں جو پاکستان کی معیشت کی تباہی کا سب سے بڑا ذریعہ ہے، ضرورت اس بات کی ہے کہ حکومت جو بھی معیشت کی ترقی کے لیے پالیسیاں بنائے، اس میں تاجر برادری کی مشاورت کو اہمیت دے، سندھ کا تیسرا بڑا شہر سکھر بلدیاتی مسائل سے دوچار ہے، لوڈشیڈنگ نے کاروبار زندگی کو تباہ و برباد کر دیا، تاجر برادری کے ٹیکسز پر چلنے والے حکمران تاجر برادری کو سہولیات دینے میں ناکام ہوچکے ہیں۔ اس موقع پر سکھر اسمال ٹریدڑز کے صدر حاجی محمد جاوید میمن نے کہا کہ ہم نے ہمیشہ سکھر شہر کے مسائل کے ساتھ ساتھ تاجر برادری کے مسائل کے لیے آواز بلند کی ہے۔
.ذریعہ: Jasarat News
کلیدی لفظ: تاجر برادری
پڑھیں:
برادری کیلیے انچولی ایسوسی ایشن کی خدمات قابل تقلید ہیں، سینیٹر خالدہ اطیب
انچولی ایسوسی ایشن کی سالانہ تقریب سے سینیٹر خالدہ اطیب، سینیٹر فرحان چشتی ، پروفیسر زائمہ اسرار، مسز نصرت رضوان، سرفراز حسین عابدی، محمود ریاض ودیگر خطاب کررہے ہیںکراچی(اسٹاف رپورٹر)سینیٹر خالدہ اطیب نے کہا ہے کہ ویلفیئر ایسوسی ایشن کی بنیاد پر معاشرے کے کمزور افراد کی مدد اور نوجوانوں کو تعلیم اور دیگر شعبوں میں حوصلہ افزائی کے لئے ایوارڈ ز اور اسکالرشپ کا اجراء خوشی کا باعث ہے۔انہوں نے کہا کہ اسلامی معاشرہ امداد باہمی اور ایثار کی بنیاد پر چلتا ہے، انچولی ایسوسی ایشن کی خدمات لائق تحسین ہیں۔وہ آج احباب انچولی میرٹھ انڈیا کی نمائندہ تنظیم انچولی ایسوسی ایشن کی سالانہ تقریب سے خطاب کررہی تھیں، سینیٹر خالدہ ادیب نے کہا کہ برادری کی بنیاد پر ویلفیئر کی خدمات قابل تقلید اقدام ہے، میں ان کاوشوں پر انچولی ویلفیئر ایسوسی ایشن کے ذمہ داروں کو مبارکباد پیش کرتی ہوں۔ انچولی ایسوسی ایشن نے برادری کے لیے رفاہی کاموں کو انجام دیے کرایک اچھی مثال قائم کی ہے جس کی اور لوگوں کو بھی تقلید کرنا چاہیے۔ سینیٹر فرحان چشتی نے اپنے خطاب میں کہا کہ مجھے یہاں آ کر بہت خوشی محسوس ہوئی ہے کہ یہاں پر معاشرے کے متمول افراد اپنی برادری کے کمزور افراد کا سہارا بن کر ان کو زندگی کی مشکل راہوں کو آسان بنانے میں مصروف ہیں علامہ اقبال نے کہا تھا ’’ہیں لوگ وہی جہاں میں اچھے اتے ہیں جو کام دوسروں کے‘‘ بے شک یہ ایک عظیم کام ہے جو دنیا اور آخرت دونوں کے لیے بہترین اجر کا باعث ہے۔تقریب سے ڈین فیکلٹی آف بزنس ایڈمنسٹریشن کراچی یونیورسٹی پروفیسر زائیمہ اسرار ، میٹروپولیٹن اکیڈمی کی بانی مسز نصرت رضوان، انچولی ایسوسی ایشن کے سرپرست سرفراز حسین عابدی، صدر محمود ریاض صدیقی، جنرل سیکرٹری ارشد نواب،عطا الرحمن، محمد ادریس، عتیق الرحمن، سہیل افتخار، راشد اطہر،ڈاکٹر مصطفی حیدر،حافظ اعجاز،محبوب اعظم صدیقی و دیگر نے خطاب کیا۔
جے یو آئی کو زیر عتاب لایا جاتا ہے کہ لوگوں کو لڑاتے کیوں نہیں؟ فضل الرحمان