جیکب آباد: مسلح افراد نے شہریوں کو نقدی اور موٹر سائیکل سے محروم کر دیا
اشاعت کی تاریخ: 11th, January 2025 GMT
جیکب آباد (نمائندہ جسارت) صدر تھانے کی حدود پہلوان فقیرکے قریب کلاشنکوف بردار مسلح افراد نے سجاد ابڑو سے 25 ہزار روپے نقدی اور ایک لاکھ روپے مالیت کے 2 موبائل چھین لیے، مولاداد تھانے کی حدود نئوں واہ کے قریب سے ممتاز ٹالانی سے 30 ہزار نقدی اور 2 موبائل چھین کر مسلح افراد فرار ہو گئے، جبکہ واٹر سپلائی کے قریب مصطفی ٹالانی کو مسلح افراد نے موٹر سائیکل اور 1500 روپے نقدی سے محروم کردیا اور فرار ہو گئے۔
.ذریعہ: Jasarat News
کلیدی لفظ: مسلح افراد
پڑھیں:
نادرا کی ویب سائٹ بند،موبائل ایپ لانچ کرنے فیصلہ
اسلام آباد :وفاقی حکومت نے نیشنل ڈیٹا بیس اینڈ رجسٹریشن اتھارٹی (نادرا) کی ویب سائٹ بند کرکے موبائل ایپلیکیشن لانچ کرنے کا فیصلہ کرلیا۔
جعلی ویب سائٹس کےذریعے شہریوں کی شناختی دستاوزات کی تیاری اور ذاتی معلومات کےغلط استعمال کےبعد 17جنوری سے ویب سائٹ بند کرنے کا اعلان کیا اگیاہے۔
وزارت داخلہ کی جانب سے جعل ساز عناصر کا سختی سے نوٹس لیےجانے کے بعد نادرا ودیگر اداروں کے ساتھ ملکر ایسے عناصر کے خلاف سخت کارروائی یقینی بنائی جارہی ہے۔ فیصلہ کیا گیا ہے کہ پاک آئی ڈی ویب سائٹ کی بندش کے بعد موبائل ایپ لانچ ہوگی اور شہریوں کو ویب سائٹ کی تمام خدمات یہاں بآسانی دستیاب ہوں گی ۔
وفاقی وزیرداخلہ محسن نقوی نے بیان میں کہا کہ ویب سائٹ کے استعمال میں شہریوں بالخصوص بیرون ملک مقیم پاکستانیوں کو مشکلات کا سامناتھا۔انگلیوں کے نشانات اور مطلوبہ دستاویزات اسکین کرکے اپ لوڈ کرنے میں پریشانی ہوتی تھی۔وزارت داخلہ اور خارجہ نے جعلساز عناصر کا سختی سے نوٹس لیا ہے۔
وزیر داخلہ کا مزید کہنا تھا کہ نادرا کی موبائل ایپ پر خدمات اب پہلے سے بہت بہتر بنادی گئی ہیں۔ شناختی کارڈ، نائکوپ، پی او سی ، ب فارم ، ایف آرسی سمیت تمام خدمات موبائل ایپ پر دستیاب ہیں۔ شہری گھر بیٹھے موبائل ایپ پر شناختی دستاویزات کی تمام کارروائی مکمل کر سکتے ہیں۔
وزیر داخلہ نے یہ بھی بتایا کہ ویب سائٹ بند کرکے آزاد جموں و کشمیر، گوادر اور گلگت بلتستان میں 3 نئے ریجنل سینٹر بنائے جائیں گے۔
محسن نقوی کے مطابق نادرا کے 3 نئے ریجنل دفاتر 31 مارچ سے کام شروع کریں گے۔ ان دفاتر کے قیام سے نادرا حکام اور شہریوں کے درمیان رابطے میں آسانی ہو گی اور دور دراز علاقوں کے نادرا مراکز میں خدمات کی فراہمی بہتر ہوجائے گی۔ شہریوں کی شکایات کا بھی فوری ازالہ ممکن ہوسکے گا۔
وزیر داخلہ محسن نقوی کا کہنا تھا کہ مارچ تک ملک کی تمام تحصیلوں میں نادرا دفاتر کے قیام کا ہدف حاصل کر لیا جائے گا۔
سکیورٹی فورسز کا بلوچستان میں آپریشن، 27 دہشتگرد ہلاک