عمران خان سیاسی نہیں کرمنل قیدی ہے، احسن اقبال
اشاعت کی تاریخ: 11th, January 2025 GMT
کراچی: وفاقی وزیر منصوبہ بندی احسن اقبال پریس کانفرنس کررہے ہیں
کراچی (اسٹاف رپورٹر) وفاقی وزیر برائے منصوبہ بندی و ترقی احسن اقبال نے کہا ہے کہعمران خان سیاسی قیدی نہیں ایک کرمنل قیدی ہے، حکومت عمران خان کو رہا نہیں کرسکتی، پی ٹی آئی نے ملکی 50 ارب روپے اپنے دوست کے اکاو¿نٹ میں ڈلوائے، یہ ڈاکا نہیں تو کیا ہے، عمران خان نے قیمتی تحائف سستے داموں فروخت کرکے خود کو فائدہ پہنچایا، 4 سال بانی پی ٹی
آئی کی نااہلی نے ملک کو تباہی کے دہانے پر دھکیلا، آج تحریک انصاف ملک میں وہ کام کر رہی جو را تک نے کرنے کی ہمت نہیں کی۔ وفاقی وزیر احسن اقبال نے پریس کانفرنس کرتے ہوئے کہا کہ عمران خان نے ملک کو بدترین معاشی دلدل میں پھنسایا، پی ٹی آئی فوج کے خلاف منظم سازشیں کرتی رہی، یہ جماعت پاکستان دشمن عناصر کا اثاثہ اور ملک دشمن لابیوں کی آلہ کار بنی ہوئی ہے، تحریک انصاف نے پاکستان کو مغرب میں نیچے گرانا چاہا۔
ذریعہ: Jasarat News
کلیدی لفظ: احسن اقبال
پڑھیں:
مذاکرات کا آج تیسرا دور، خوشخبری کی امید، پی ٹی آئی: اہم معلومات پر بات نہیں ہوئی، رانا ثنا
اسلام آباد (نوائے وقت رپورٹ) حکومت‘ اپوزیشن مذاکرات کا تیسرا دور آج ہو گا۔ چیئرمین پی ٹی آئی بیرسٹر گوہر نے خوش خبری ملنے کی امید ظاہر کی ہے۔ بیرسٹر گوہر نے میڈیا سے بات کرتے ہوئے کہا ہے کہ آج مطالبات تحریری طور پر جمع کرائیں گے۔ سیاسی قیدی ڈیڑھ دو سالوں سے جیلوں میں قید ہیں۔ بانی پی ٹی آئی بھی سیاسی قیدی ہیں۔ حکومت سنجیدگی کے ساتھ بیٹھے‘ مسائل حل ہوں گے۔ علاوہ ا زیں وزیر اعظم کے مشیر سیاسی امور رانا ثناء اللہ نے کہا ہے کہ پی ٹی آئی والے کن کو سیاسی قیدی سمجھتے ہیں۔ کمشن کے ٹی او آرز اور اختیارات کیا ہوں گے۔ کمشن کتنی دیر میں رپورٹ پیش کرے گا۔ ان اہم معاملات پر ابھی کوئی بات نہیں ہوئی۔ ان چیزوں میں وقت لگ سکتا ہے۔ امید ہے آج پی ٹی آئی قیدیوں کی فہرست دے گی۔ یہ کمشن سے متعلق شرائط بتائیں گے۔ مطالبات پر مشاورت کے بعد جواب دیں گے۔
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد