حادثات اورپرتشدد واقعات میں13افراد جاں بحق‘14زخمی ہوگئے
اشاعت کی تاریخ: 11th, January 2025 GMT
کراچی ( اسٹاف رپورٹر ) شہر قائد کے مختلف علاقوں میں حادثات اور پرتشدد واقعات میں 13 افراد جاں بحق ہوگئے دیگر واقعات میں خاتون سمیت 14 افراد زخمی ہوئے، شاہ لطیف تھانے کی حدود قائد آباد گوشت والی گلی بسمہ ہوٹل کے قریب دو گرہوں کے درمیان تلخ کلامی کے بعد جھگڑے کے دوران فائرنگ کا تبادلہ ہوا،فائرنگ کی زد میں آکر ایک شخص جاں بحق6 افراد زخمی ہوئے جاںبحق اور زخمیوں کو جناح اسپتال منتقل کر دیا گیا ،جہاں متوفی کی شناخت 40 سالہ ذوالفقار کے نام سے ہوئی ۔ھگھر پھاٹک کے قریب کریانہ اسٹور میں جمعرات اور جمعہ کی درمیانی شب ڈکیتی کے دوران مزاحمت پر فائرنگ سے 27 سالہ محمد عارف ولد گل محمد نامی شخص جاںبحق ہوگیا ۔ ضیاء کالونی سیکٹر 32اے قدسیہ مسجد کے قریب جمعرات اور جمعہ کی درمیانی شب فائرنگ سے 23سالہ عارف ولد اصغر علی جاںبحق ہوگیا ۔ محمود آباد تھانے کی حدود کشمیر کالونی گلی نمبر 8سیکٹر اے میں گھر سے 57 سالہ انتظار حسین ولد شیر افضل نامی شخص کی گلا کٹی لاش ملی سپرہائی وے غازی گوٹھ کے قریب فائرنگ سے 45 سالہ شخص جاںبحق ہوگیا۔ شہید ملت روڈ، ٹیپو سلطان پل کے قریب تیزرفتار کار کی ٹکر سے موٹر سائیکل سواروں کو تیز رفتار واٹر ٹینکر نے کچل ڈالا ، جس میں 2 افراد موقع پر جاں بحق اور تیسرا زخمی ہوگیا حب ریور روڈ پر بھی ایک اور افسوسناک حادثے میں واٹر ٹینکر نے 2 موٹر سائیکل سواروں کو کچل دیا،چمڑا چورنگی کے درمیان ٹویو ٹا شوروم کے قریب حاد ثات واتعات کے دوران تیز رفتار کار نے موٹر سائیکل کو ٹکر مار دی، جس سے موٹر سائیکل سوار شخص 25سالہ عبداللہ موٹر سائیکل سمیت نالے میں گر گیا ور دوسرا شخص شدید زخمی ہوگیا۔ کمہاڑ وارڈہ خشک ندی کے قریب65 سالہ شخص کی لاش ملی کورنگی میںآگ سے جھلس کر 13 سالہ ارسلان آج دوران علاج اسپتال میں دم توڑ گیا۔سپر ہائی وے جمالی پل سے سہراب گوٹھ آتے ہوئے نذد پنجاب بس اڈے سے 55 سالہ اسلم نامی شخص کی لاش ملی ۔
.ذریعہ: Jasarat News
کلیدی لفظ: موٹر سائیکل کے قریب
پڑھیں:
بحریہ ٹائون ‘سرجانی میں2خواتین سمیت3افراد ٹریفک حادثات کاشکار
کراچی ( اسٹاف رپورٹر ) شہر کے مختلف علاقوں میں حادثات و پر تشدد واقعات میں بچے ، خواتین اور پولیس اہلکار سمیت 10افراد جاںبحق ہوگئے ،دیگر واقعات میں 4افراد زخمی ہوئے ، مواچھ گوٹھ میں تیز رفتار کار اور ماڑی پور میں تیز رفتار ڈمپر بے قابو ہوکر فٹ پاتھ پر چڑھ گیا ،متعدد گاڑیوں کو نقصان پہنچا ڈرائیواور کلینر کو حراست میں لے لیا گیا ۔ تفصیلات کے مطابق بحریہ ٹاؤن کے قریب ٹریفک حادثے میں 2 خواتین جاںبحق ہو گئیں، سرجانی ٹاؤن نور محمد گوٹھ سریا مل کے قریب ٹریفک حادثے میں عبدالوحید ولد محمد بخش جاں بحق ہوگیا ۔ ماڑی پور مچھر کالونی مینگرو جنگل کے قریب سے 15سالہ لڑکے کی تشدد زدہ لاش ملی ،۔مقتول کی شناخت محمد سمیر ولد فدا محمد کے نام سے ہوئی ۔مقتول کی گمشدگی کی اطلاع ڈاکس تھانے میں دوروز قبل دائر کی گئی تھی ،مقتول کو کسی نامعلوم مقام پر گولیاں مار کر قتل کیا گیا۔ بریگیڈ تھانے کی حدود لائینز ایریا جیکب لائن تھانوی مسجد والی گلی میں گھر میں فریج کا کمپریسر اچانک پھٹنے سے13سالہ محمد ولد منصور نامی بچہ اور ایک شخص جھلس گیا ۔ سعیدآباد سینٹر میں ریس ٹریک پر اپر کورس کر نے والے سب انسپکٹر سلیم بدل کے عارضے میں مبتلا ہوکر جان کی بازی ہار گئے ۔ میٹھا در ریلوے ڈسپینسری کے قریب ٹرین کی زد میں آکر 45سالہ ابراہیم ولد رمضان نامی شخص جاںبحق ہوگیا۔ ماڑی پور ٹرک اڈا گیٹ نمبر 06 واٹر بورڈ لائن سے 13سالہ بچے کی تین روز قبل ڈوبی ہوئی لاش ملی۔ کیماڑی گلشن سکندر آباد بلاک 5 مدینہ مسجد آفریدی کمپاؤنڈ میں زہریلی چیز کھانے سے انیتا زوجہ محمد قدیر کو تشویش ناک حالت میں سول اسپتال منتقل کیا گیا جہاں وہ دوران علاج دم توڑ گئی ۔ ٹیپو سلطان کے علاقے گلستان ظفر بلاک 6 سے 65 سالہ عبدلحمید ولد اللہ یار کی لاش ملی ۔
برطانیہ میں پاکستانی کمیونٹی کیخلاف نفرت انگیز بیانات پر دفتر خارجہ کا ردعمل آگیا