توشہ خانہ ٹو کیس‘بشریٰ بی بی کی عدم حاضری پر عدالت برہم
اشاعت کی تاریخ: 11th, January 2025 GMT
راولپنڈی (آن لائن) اسپیشل جج سینٹرل شاہ رخ ارجمند نے توشہ خانہ سے بلغاری کمپنی کے بیش قیمت زیورات کے حصول سے متعلق عمران خان ور ان کی اہلیہ بشریٰ بی بی کے خلاف توشہ خانہ 2 کیس میں سابق چیئرمین کے وکیل نے ایف آئی اے کے چوتھے گواہ پر جرح مکمل کر لی۔ عدالت نے بشریٰ بی بی اور ان کے وکیل کی عدم حاضری پر برہمی کا اظہار کرتے ہوئے ریمارکس دیے کہ اگر آئندہ تاریخ پر ملزمہ کے وکیل پیش نہ ہوئے تو تادیبی کارروائی کے تحت جرح کا حق ختم کر دیا جائے گا۔دوران سماعت سابق چیئرمین کو کمرہ عدالت میں پیش کیا گیا لیکن بشریٰ بی بی اور ان کے وکیل ارشد تبریز عدالت میں پیش نہ ہوئے۔ یاد رہے کہ توشہ خانہ ریفرنس میں الزام ہے کہ سابق چیئرمین اور بشریٰ بی بی نے توشہ خانہ سے بلغاری کمپنی کے زیورات خلاف قانون کم قیمت پر حاصل کیے تھے اور یہ زیورات مارکیٹ میں فروخت کر دیے جیولری سیٹ کی مالیت 7 کروڑ 50 لاکھ روپے تھی، جس میں قیمتی ہار اور دیگر زیورات شامل تھے، توشہ خانہ کیس میں نیب نے گزشتہ سال 13 جولائی کو دونوں ملزمان کو گرفتار کیا تھا جبکہ عدالت نے 14 جوالائی کو ملزمان کاپہلا 8 روزہ جسمانی ریمانڈ منظور کر کے نیب حکام کو جیل میں تفتیش کی ہدایت کی تھی تاہم نیب ترامیم کے بعد یہ کیس ایف آئی اے کو منتقل کر دیا گیا تھا۔
.ذریعہ: Jasarat News
کلیدی لفظ: توشہ خانہ
پڑھیں:
ایک سو نوے ملین پاونڈز کیس،عمران خان اور بشریٰ بی بی کی اپیلیں جلد سماعت کیلئے مقررکرنے کی درخواست دائر
ایک سو نوے ملین پاونڈز کیس،عمران خان اور بشریٰ بی بی کی اپیلیں جلد سماعت کیلئے مقررکرنے کی درخواست دائر WhatsAppFacebookTwitter 0 11 April, 2025 سب نیوز
اسلام آباد(سب نیوز)بانی پی ٹی آئی عمران خان اور بشری بی بی نے 190ملین پاونڈ کیس میں اپیلیں جلد سماعت کے لیے مقرر کرنے کی درخواست دائر کر دی۔عمران خان اور بشری بی بی کی جانب سے خالد یوسف چوہدری نے درخواستیں اسلام آباد ہائی کورٹ میں دائر کیں جس میں اپیلیں جلد سماعت کے لیے مقرر کرنے کی استدعا کی گئی ہے۔
درخواست میں موقف اپنایا ہے کہ فوری سماعت کی درخواست ہے کیونکہ گزشتہ سماعت پر کوئی پیش رفت نہیں ہوئی تھی، درخواست گزار سابق وزیر اعظم ہے اور حراست سیاسی انتقام ہے۔درخواست کے مطابق 17 جنوری کو سزا سنائی گئی اور ابھی تک سماعت نہیں ہوئی ہے جو جلد از جلد اپیل کے لیے مضبوط جواز ہے، تاخیر سے ناانصافی کا خطرہ ہے اور ابتدائی سماعت انصاف کو یقینی بناتی ہے، انصاف نہ صرف ہو بلکہ ہوتا ہوا نظر آئے، جلد سماعت بروقت انصاف کے لیے ضروری ہے۔بانی پی ٹی آئی کی درخواست کو ڈائری نمبر 7115/24 اور بشری بی بی کی درخواست کو ڈائری نمبر 7116/24 الاٹ کر دیا گیا۔
ترجمان سندھ حکومت کا مریم اورنگزیب کے بیان پر ردعمل