دریائے سندھ پر کوئی بھی نیاکینال منظور نہیں‘ کاشف شیخ
اشاعت کی تاریخ: 11th, January 2025 GMT
کراچی/ لاڑکانہ(اسٹاف رپورٹر/نمائندہ جسارت) جماعت اسلامی سندھ کے امیر کاشف سعید شیخ نے کہا ہے کہ سندھ میں امن و امان کی صورتحال پیپلزپارٹی کی سندھ حکومت کی ترجیحات میں شامل نظر نہیں آتی اور نہ ہی اس سلسلے میں حکومتی سطح پر سنجیدگی کہیں دکھائی دیتی ہے، یہی وجہ ہے کہ سندھ میں ”ڈاکو انڈسٹری” قائم ہوچکی ہے اور امن و امان کی صورتحال بد سے بدترین ہوچکی ہے۔کچے کے ڈاکو پہلے ہنی ٹریپ اور دیگر ذرائع سے تاجروں و شہریوں کو اغوا کرتے تھے لیکن اب ڈ?اکوئوں کی دیدہ دلیری یہ ہے کہ ڈاکو نیشنل اور سپر ہائی وے پر ٹرانسپورٹرز اور تاجروں کو اغواورلوٹ مار کرتے ہیں۔پیپلزپارٹی بطور حکمران جماعت سندھ کے وسائل،لوگوں کے تحفظ کی ذمہ دار ہے مگر بدترین حکمرانی، کرپشن اور ڈاکوراج نے سندھ کے لوگوں سے عزت سے جینے کا حق بھی چھین لیا ہے، کندھ کوٹ کشمورمیں اغوابرائے تاوان بڑے پیمانے پر کاروبار کی شکل اختیار کرچکا ہے جس میں حکمران طبقے سے وابسطہ باثر لوگ ملوث ہیں ،بدامنی اور ڈاکو راج کی وجہ سے کشمور ضلعے میں حالات واناوزیرستان سے بھی بدتر ہوچکے جس کی وجہ سے لوگوں کے کاروبار، زراعت اور تعلیم تباہ ہوچکا اور بڑے پیمانے پر لوگ نقل مکانی پر مجبور ہیں۔ سندھودریا پر چشمہ جہلم لنک کینال،چولستان سمیت کوئی بھی نیا کینال برداشت نہیں کریں گے۔ان خیالات کا اظہار انہوں نے عوامی تحریک کے مرکزی جنرل سیکریٹری ایڈوکیٹ ساجد مہیسرسے ملاقات اور 12 جنوری کو سکھر میں منعقدہ آل پارٹیز کانفرنس کا دعوت نامہ پہنچانے کے موقع پر گفتگو کرتے ہوئے کیا۔اس موقع پر ضلعی امیر ایڈوکیٹ نادرعلی کھوسو، قاری ابوزبیر جکھرو اور ذیشان عابد چانڈیو بھی موجود تھے۔انہوںنے مزید کہا کہ سندھ کو 91معاہدے کے مطابق اپنے حصے کا پانی بھی نہیں مل رہا لیکن اب کمپنی کی زمینوں کو آباد کرنے کیلیے نئے کینال نکال کر پورے سندھ کی زراعت کو تباہ اور زمینوں کو بنجر بنانے کی منصوبہ بندی کی جارہی ہے جس کی سندھ کے عوام ہرگز اجازت نہیں دیں گے اور بچہ بچہ مزاحمت کرے گا۔پیپلزپارٹی منافقت اور دوغلی پالیسی چھوڑ کر اعلااعلان نئے کینالوں کیخلاف مزاحمت کا اعلان کرے بصورت دیگر قوم اس کا محاسبہ کرے گی۔ 12جنوری کو بدامنی اور ڈاکو راج کیخلاف ’’آل پارٹیز کانفرنس ‘‘میں تمام سیاسی،مذہبی،سماجی ،وکلا کی تنطیموں اور سول سوسائٹی پر مشتمل نمائندے ڈاکوراج کیخلاف مؤثر لائحہ عمل بنائیں گے جس کے بعد ڈاکوراج کیخلاف بھرپور تحریک چلائی جائے گی۔ اس موقع پرتحریک کے مرکزی جنرل سیکریٹری ایڈوکیٹ ساجد مہیسرنے کہا کہ جماعت اسلامی کی اے پی سی میں بھرپور شرکت کریں گے کیوں کہ بدامنی سندھ کا اہم مسئلہ بن چکا ہے حکمران عوام کی جان، مال اور عزت آبرو کا تحفظ کرنے میں مکمل طور پر ناکام ہوچکے ہیں اسلیے اب عوام کو اپنے حقوق اور سندھ کے مفادات کا سوداکرنے والی جماعت کا احتساب کرنے کیلیے سڑکوں پر آنا ہوگا۔
.ذریعہ: Jasarat News
کلیدی لفظ: سندھ کے
پڑھیں:
بلڈر کوپانی چوری کیلیے لائن دینے پر پی پی ٹاؤن چیئرمین کیخلاف جماعت اسلامی کا احتجاج
کراچی: جماعت اسلامی گلشن معمار و سہراب گوٹھ ٹاؤن کے تحت پیپلز پارٹی کے ٹاؤن چیئرمین سہراب گوٹھ لالا رحیم کی جانب سے بلڈر کو 8 انچ پانی کی چوری کی لائین دینے کے خلاف معمار روڈ پر احتجاجی مظاہرہ کیا گیا۔
مظاہرین نے پیپلز پارٹی کی حکومتی سرپرستی میں گلشن ِ معمار کا پانی چوری کر کے من پسند بلڈرز کو دینے کے خلاف پُر جوش نعرے لگائے اور مطالبہ کیا کہ گلشن ِ معمار کی لائین سے غیر قانونی کنکشن ختم کیا جائے، مظاہرے سے پبلک ایڈ کمیٹی گلشن معمار کے صدر ابوضیاء پرویز،ناظم علاقہ فخر شبیر، نائب ناظم علاقہ گلشن معمار شکیل،منتخب یوسی کونسلرز نعمان مقصود اور عاطف اللہ والا ودیگر نے خطاب کیا۔
ابوضیاء پرویز نے خطاب کرتے ہوئے کہاکہ واٹر بورڈ کارپوریشن کے چیئرمین مرتضیٰ وہاب سن لیں کہ گلشن معمار کے عوام کا پانی چوری کرنے والوں کے خلاف کارروائی نہ کی گئی تو ہمارا اگلا احتجاج سپر ہائی وے پر ہوگا۔ رات کی تاریکی میں 8 انچ کی پانی کی لائین چوری کی گئی ہے لیکن کسی کے کانوں میں جون تک نہیں رینگ رہی۔ اگر فوری طور پر غیر قانونی کنکشن کو ختم نہیں کیا گیا تو ہم سپر ہائی وے بھی بلاک کرسکتے ہیں اس لیے متعلقہ ادارے حرکت میں آئیں، غیر قانونی کنکشن کو ختم کیا جائے۔
ابو ضیاء پرویز کا کہنا تھاکہ گلشن معمار کے عوام سراپا احتجاج ہیں، پیپلز پارٹی کے ٹاؤن چیئرمین نے رات کی تاریکی میں بلڈر کو غیر قانونی کنکشن دیا ہے، گلشن معمار کے عوام کے حصے کا پانی چوری کرکے کیوں دیا جارہا ہے، پیپلز پارٹی کے ٹاؤن چیئرمین گلشن معمار میں کوئی ترقیاتی کام تو نہیں کروارہے لیکن گلشن معمار کے عوام کا پانی چوری کرکے فروخت کررہے ہیں، پانی کا مسئلہ KDA کا ہے لیکن پیپلز پارٹی کے ٹاؤن چیئرمین اپنے دائرہ کارسے ہٹ کر غیر قانونی کنکشن دے رہے ہیں۔
ان کا کہنا تھا کہ ہم نے غیر قانونی کنکشن کے حوالے سے تمام سرکاری دفاتر میں تحریری شکایات اور درخواست دائر کی اور قابض مئیر کو بھی درخواست بھیجی لیکن تاحال کسی نے کوئی ایکشن نہیں لیا۔مظاہرے کے شرکاء نے بینرز وپلے کارڈز اٹھائے ہوئے تھے جن پر تحریر تھا کہ پیپلز پارٹی سہراب گوٹھ ٹاؤن کے چیئرمین لالا رحیم کی طرف سے سماما چوک تا بنگالی موڑ پر پانی کی 8 انچ کی چوری کی لائن نامنظور، گلشن معمار و اطراف کی سوسائٹیز کے رہائشی پانی کی بوند بوند کو ترس رہے ہیں اور پیپلز پارٹی کے ٹاؤن چیئرمین چیئرمین سہراب گوٹھ بلڈر کو 8 انچ کی چوری کی لائین ڈال کر دے رہے ہیں، لالا رحیم کی طرف سے گلشن معمار کے پانی پر ڈاکہ نامنظور، MDAاور KDA گلشن معمار میں آؤٹر ڈویلپمنٹ کا کام مکمل کریں۔
سکیورٹی فورسز کا بلوچستان میں آپریشن، 27 دہشتگرد ہلاک