کوئٹہ، سنجدی کی کوئلہ کان میں پھنسے کانکنوں کو 2 روز بعد بھی نکالا نہ جاسکا
اشاعت کی تاریخ: 11th, January 2025 GMT
کوئٹہ کے نواحی علاقے سنجدی کی کوئلہ کان میں ہونے والے دھماکے کے بعد پھنسے ہوئے کانکنوں کو دو روز گزرنے کے باوجود بھی نکا لا نہیں جاسکا، متاثرہ کان سے اب تک 4 کانکنوں کی لاشیں نکالی گئی ہیں۔
چیف مائنز انسپکٹر بلوچستان عبدالغنی نے بتایا کہ 9 جنوری کی شب کوئٹہ سے چالیس کلومیٹر کے فاصلے پر سنجدی کول فیلڈ کی کوئلہ کان میں میتھین گیس کے دھماکے سے کوئلہ کان بیٹھ گئی۔
دھماکے کے نتیجے میں بارہ کانکن کان کے اندر چار ہزار فٹ کی گہرائی میں پھنس گئے تھے، جن کو نکالنے کیلئے محکمہ معدنیات، پی ڈی ایم اے اور دیگر اداروں کا ریسکیو آپریشن جاری ہے۔
ریسکیو آپریشن کے دوران اب تک 4 کانکنوں عمیر ولی، اظہر الدین، نعمان سعید اور نظام اللّٰہ کی لاشیں نکالی گئی ہیں، جنہیں ایمبولنس کے ذریعے قریبی طبی مرکز منتقل کیا گیا۔
متاثرہ کوئلہ کان میں اب بھی 8 کانکن پھنسے ہوئے ہیں، چیف مائنز انسپکٹر بلوچستان نے بتایا کہ کان کے اندر پھنسے مزید 8 کانکنوں کے زندہ بچنے کے امکانات بہت کم ہے لیکن ہماری کوشش ہے کہ 4 ہزار فٹ سے زائد گہرائی میں پھنسے ہوئے ان کانکنوں کو جلد سے جلد نکالا جاسکے لیکن کان کے بیٹھ جانے اور گیسز کی موجودگی کی وجہ سے امدادی کارروائیوں میں مشکلات درپیش آرہی ہے۔
.ذریعہ: Jang News
کلیدی لفظ: کوئلہ کان میں
پڑھیں:
پی ایس ایل سے قبل کوئٹہ گلیڈی ایٹرز کو دھچکا، فرنچائز نے بھی تصدیق کردی
کراچی:پاکستان سپر لیگ کی معروف فرنچائز کوئٹہ گلیڈی ایٹر کو دھچکا لگا ہے کیونکہ ہیڈ کوچ شین واٹسن نے پی ایس ایل 10 میں خدمات دینے سے معذرت کرلی۔
فرنچائز کی جانب سے جاری بیان کے مطابق سابق آسٹریلیوی آل راونڈر شین واٹسن کی پی ایس ایل 10 کے لیے خدمات دستیاب نہیں ہوں گی، لیگ میں تبدیلی ان کے پہلے سے طویل المدتی معاہدے کو متاثر کرنے کا سبب بنی۔
واضح رہے کہ 43 سالہ شین واسٹن کی بطور کھلاڑی موجودگی میں کوئٹہ گلیڈی ایٹر نے پہلی مرتبہ پی ایس ایل ٹائٹل اپنے نام کیا تھا جبکہ بطور ہیڈ کوچ ذمہ داریاں سنبھالنے کے بعد کوئٹہ گلیڈی ایٹر چار سال بعد پلے آف مرحلہ میں رسائی پانے میں کامیاب ہوئی تھی۔
کوئٹہ گلیڈی ایٹر کے مالک ندیم عمر نے کہا ہے کہ فرنچائز شین واٹنس کی بطور کھلاڑی اور ہیڈ کوچ خدمات و تعاون کو ہمیشہ یاد رکھے گیْ
کوئٹہ گلیڈی ایٹر اپنے اسکواڈ میں موجود سپر اسٹارز کے سبب دنیا میں ایک نمایاں مقام رکھتی ہے جس میں شین واٹسن سر فہرست رہے۔
ندیم عمر نے شین واسٹن کے لیے مستقبل کی ذمہ داریوں کے لیے ایک خواہشات کا اظہار بھی کیا۔ واضح رہے کہ سابق ٹیسٹ کپتان سرفراز احمد نے کوئٹہ گلیڈی ایٹر کے ساتھ اپنی طویل شراکت ختم کرتے ہوئے اسے خیر باد کہنے کا اعلان کیا تھا۔
اپنا گھر بنانے کے خواہشمند افراد کے لیےاچھی خبر آ گئی