ٹوئٹر کے مالک ایلون مسک کے بارے میں مشہور مصنف کے حیرت انگیز انکشافات
اشاعت کی تاریخ: 10th, January 2025 GMT
WASHINGTON:
دنیا کے امیرترین شخص اور سماجی رابطے کی ویب سائٹ ٹوئٹر کے مالک ایلون مسک کے بارے میں ان کے سوانح نگار سیٹھ ابرامسن نے حیرت انگیز انکشافات کرتے ہوئے خبردار کیا ہے کہ ان کے اثر ورسوخ سے امریکا کو خطرناک نتائج کا سامنا کرنا پڑسکتا ہے۔
این ڈی ٹی وی کی رپورٹ کے مطابق سیٹھ ابرامسن نے ایکس پر پر بیانات کی سیریز میں ایلون مسک کے حوالے سے خطرناک انکشافات کیے ہیں اور ان کی صحت اور فیصلہ سازی سے متعلق بڑے دعوے کیے ہیں۔
دو سال تک ایلون مسک کے رویے اور عادات کا قریب سے مشاہدہ کرنے والے سوانح نگار ابرامسن نے دعویٰ کیا ہے کہ ایلون مسک ‘حواس باختہ’ ہوسکتے ہیں اور امریکی حکومت سے فوری مداخلت کا مطالبہ بھی کیا۔
انہوں نے ایلون مسک کی ذہنی صحت سے متعلق پیچیدگیوں، منشیات کا استعمال اور ذہبنی دباؤ کا بھی حوالہ دیا ہے۔
ان کا کہنا تھا کہ میں نے ایلون مسک کی زندگی کے احوال تحریر کیے ہیں اور دو سال تک ان کا آن لائن رویہ کا جائزہ لیا ہے اور اس کے مطابق وہ تمام ذہنی بیماریوں، منشیات کے بدترین استعمال اور خطرناک حد تک دباؤ میں مبتلا ہیں اور اب ان کے انتہائی بیمار ہونے سے متعلق خدشات میں کوئی شک باقی نہیں رہتی۔
ابرامسن نے حکومت سے مطالبہ کیا کہ امریکا کو ایلون مسک سے محفوظ رکھیں۔
سوانح نگار نے مسک کے ایرواسپیس، الیکٹرک گاڑیوں، سوشل میڈیا، آرٹیفیشل انٹیلیجینس اور نومنتخب امریکی صدر ڈونلڈ ٹرمپ کی انتظامیہ میں گورنمنٹ ایفیشنسی کے محکمے کے سربراہ سمیت کئی شعبوں میں کردار پر روشنی ڈالتے ہوئے بتایا کہ میں واقعی میں سمجھتا ہوں کہ ایلون مسک پاگل ہوجائیں گے۔
ایکس پر بیان میں انہوں نے کہا کہ ایلون مسک کا سویلائزیشن انڈسٹریز اور حکومت اصلاحاتی ٹیم میں ان کے کردار سے ایسی صورت حال پیدا ہوئی ہے جس سے قومی سلامتی خطرے میں پڑسکتی ہے۔
ان کا کہنا تھا کہ امریکی انتظامیہ میں ان کی شمولیت کا مطلب یہ ہے کہ ان کا پاگل پن اور تشدد کے لیے اشتعال ہم سب کو خطرے میں ڈال رہا ہے۔
امریکی مصنف نے موجودہ انتظامیہ کو اپنے آخری دنوں میں اس حوالے سے مسک کے ساتھ جاری حکومتی معاہدے ختم کرنے اور حکومتی محکمے کے تحت غیرآئینی اقدامات کے اعلان کے خلاف قانونی کارروائی سمیت ضروری اقدامات کرنے پر زور دیا ہے۔
انہوں نے لکھا کہ موجودہ انتظامیہ کے پاس مزید 14 دن ہیں، جس میں ان کے پاس امریکا کو ایلون مسک سے بچانے کے لیے ہنگامی اقدامات کا موقع ہے۔
خیال رہے کہ ایلون مسک نے حالیہ صدارتی انتخاب میں ڈونلڈ ٹرمپ کی حمایت کی تھی اور مہم میں بڑھ چڑھ کر حصہ لیا تھا، انتخاب میں کامیابی کے بعد ڈونلڈ ٹرمپ نے مسک کو اہم ذمہ داری دینے کا اعلان کیا اور اپنی حکومتی ٹیم کا حصہ بنایا ہے۔
ایلون مسک نے انگلش ڈیفنس لیگ کے بانی انتہائی دائیں بازو کے نظریات کے حامل ٹومی روبنسن کی حمایت کا بھی اظہار کیا حالانکہ انہیں توہین عدالت پر ڈیڑھ سال قید کی سزا ہوئی ہے۔
رپورٹس کے مطابق ایلون مسک کی ذہنی صحت کے حوالے سے ماضی میں بھی خدشات کا اظہار کیا جاتا رہا ہے، ٹوئٹر کی 44 ارب ڈالر میں خریدار کے بعد گزشتہ برس سان فرانسیسکو میں ڈیو چیپل شو میں ان کی ذہنی صحت کے حوالے سے رپورٹس سامنے آئی تھیں۔
.ذریعہ: Express News
پڑھیں:
کیا ڈونلڈ ٹرمپ ذہنی طور پر صحت مند ہیں؟ رپورٹ جاری
امریکی صدر ڈونلڈ ٹرمپ کی ذہنی و جسمابی معائنے کی رپورٹ جاری کردی گئی ہے۔
طبی معانے کے بعد ڈونلڈ ٹرمپ کا کہنا تھا کہ ان کا جسمانی ٹیسٹ کے ساتھ ساتھ ذہنی ٹیسٹ بھی اچھا رہا، ان کا دل اور دماغ اچھی حالت میں ہیں۔
یہ بھی پڑھیں: کیا ڈونلڈ ٹرمپ کا دماغ ٹھکانے پر ہے؟ رپورٹ کل آجائے گی
ڈونلڈ ٹرمپ نے اپنے طبی معائنے کے حوالے سے کہا ’مجموعی طور پر میں نے خود کو اچھی صحت میں محسوس کیا، میں نے سوچا کہ بائیڈن سے مختلف ہونا چاہیے، اس لیے میں نے ذہنی معائنہ بھی کروایا اور تمام جوابات درست دیے۔‘
دوسری جانب وائٹ ہاؤس سے جاری بیان میں کہا گیا ہے کہ ڈاکٹرز کی رپورٹ کے مطابق صدرڈونلڈ ٹرمپ ذہنی اور جسمانی طور پرصحتمند ہیں اور بطور سربراہ مملکت اپنی ذمہ داریاں نبھانے کے مکمل اہل ہیں۔
یہ بھی پڑھیں: امریکی صدر ڈونلڈ ٹرمپ بالآخر چین کے ساتھ معاہدے پر آمادہ
دوسری جانب ڈونلڈ ٹرمپ کی طبی رپورٹ میں چند معمولی مسائل کی نشاندہی بھی کی گئی ہے جن میں دھوپ کی وجہ سے جلد کو ہونے والا نقصان اور گزشتہ سال قاتلانہ حملے کے دوران دائیں کان پر گولی لگنے کے بعد کا نشان شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا جوبائیڈن ذہنی معائنہ ڈونلڈ ٹرمپ صدر طبی رپورٹ
واٹس ایپ نے چیٹ پرائیویسی سے متعلق نیا فیچر متعارف کرا دیا