بھارت؛ ریاست نووائیڈا میں نوجوان کو واک کرنا جرم بن گیا
اشاعت کی تاریخ: 10th, January 2025 GMT
NOIDA:
بھارت کی ریاست گریٹر نووائیڈا میں سروس روڈ پر جاگنگ کرنے والے 14 سالہ نوجوان کو دولت کے نشے میں دھت ملزمان کا نشانہ بنے جہاں ان کی تیزرفتار گاڑی جیگوار نے نوجوان کو لہولہان کردیا اور وہ موت و زندگی کی کش مکش میں ہیں۔
بھارتی میڈیا کی رپورٹ کے مطابق گریٹرنووائیڈا میں معمول کے مطابق جاگنگ کرنے والے نوجوان کو کارڈرائیور نے نشانہ بنایا اور موقعے سے فرار ہوگیا تاہم بعد میں گرفتار کرلیا گیا۔
زخمی ہونے والے 14 سالہ نیرج کے تاجر والد نے بتایا کہ ان کا بیٹا معمول کے مطابق صبح تقریباً 6 گریٹر نوائیڈ کے مغربی علاقے میں اسٹیلار جیوان سوسائٹی کے قریب واک کے لیے باہر گئے تھے۔
انہوں نے کہا کہ نیرج سروس روڈ پر واک کر رہے تھے، اسی دوران ایک تیز رفتار جیگوار نے پیچھے سے آکر انہیں نشانہ بنایا، جس کے نتیجے میں ان کے سر اور چھاتی پر زخم آئے ہیں۔
نوجوان کو زخمی حالت میں اسپتال منتقل کردیا گیا جہاں ان کی حالت تشویش ناک بتائی جا رہی ہے۔
نیرج کے والد نے بتایا کہ 14 سالہ بیٹا تعلیم کے ساتھ ساتھ ویب ڈیولپر کے طور پر کام کر رہے ہیں۔
بیرساکھ پولیس اسٹیشن کے عہدیداروں نے بتایا کہ جیگوار کا ڈرائیور جائے وقوع سے فرار ہوگیا تھا جبکہ زخمی نوجوان کے والد کی مدعیت میں شکایت درج کرادی گئی ہے اور اب ڈرائیور کو حراست میں لیا گیا ہے۔
پولیس عہدیداروں نے کہا کہ نوجوان کو نشانہ بنانے والی گاڑی کو بھی تحویل میں لیا گیا ہے۔
.ذریعہ: Express News
کلیدی لفظ: نوجوان کو
پڑھیں:
اسرائیلی بمباری سے غزہ میں 6 سگے بھائیوں سمیت مزید 37 فلسطینی شہید
غزہ سٹی — غزہ میں اسرائیل کی وحشیانہ بمباری کا سلسلہ جاری ہے۔ تازہ حملوں میں 6 سگے بھائیوں سمیت کم از کم 37 فلسطینی شہید ہو گئے، جبکہ اسپتالوں، بچوں اور امدادی کارکنوں کو بھی نشانہ بنایا جا رہا ہے۔
عرب میڈیا کے مطابق اتوار کو غزہ کے علاقے دیر البلح میں خوراک تقسیم کرنے والے 6 سگے بھائیوں کو اسرائیلی فضائی حملے میں نشانہ بنایا گیا۔ شہداء کی عمریں 10 سے 34 سال کے درمیان تھیں۔
شہداء کے والد زکی ابو مہدی نے بتایا کہ ان کے بیٹے جنگ کے آغاز سے ہی غریبوں کی مدد کر رہے تھے اور ان کے پاس کوئی ہتھیار نہیں تھا۔
عالمی ادارہ صحت (WHO) نے بھی تصدیق کی کہ ایک فلسطینی بچہ طبی امداد نہ ملنے کے باعث جان کی بازی ہار گیا۔
اتوار کو ہونے والے اسرائیلی فضائی حملوں میں کم از کم 37 افراد شہید ہوئے۔ غزہ کی وزارت صحت کے مطابق اب تک مجموعی طور پر 50 ہزار 944 فلسطینی شہید ہو چکے ہیں، جبکہ غزہ میڈیا آفس کے مطابق شہداء کی تعداد 61 ہزار 700 سے تجاوز کر چکی ہے کیونکہ ہزاروں افراد اب بھی ملبے تلے دبے ہوئے ہیں۔
ہفتے کے روز شمالی غزہ میں واقع ال اہلی اسپتال کو بھی اسرائیلی بمباری کا نشانہ بنایا گیا، جس سے اسپتال کے کئی بلاک تباہ ہو گئے۔ مریض اور عملہ عمارت چھوڑ کر قریبی گلیوں میں پناہ لینے پر مجبور ہو گئے۔
سعودی عرب نے اسپتال پر حملے کی شدید مذمت کرتے ہوئے اسے بین الاقوامی انسانی حقوق کی کھلی خلاف ورزی قرار دیا۔ برطانوی حکومت نے بھی اسپتال پر بمباری کو "قابلِ مذمت" قرار دیتے ہوئے اسرائیل سے حملے بند کرنے کا مطالبہ کیا۔
امیر جماعت اسلامی کی وزیر اعظم ملاقات، بجلی کی قیمت سمیت دیگر امور پر بات چیت