ایلون مسک سے متعلق ایساپریشان کن دعویٰ کہ امریکی حکومت بھی پریشان ہوجائے
اشاعت کی تاریخ: 10th, January 2025 GMT
مشہور کاروباری شخصیت اور ٹیسلا و سپیس ایکس کے بانی ایلون مسک کے بارے میں ایک بائیوگرافر سیٹھ ابراہمسن نے دعویٰ کیا ہے کہ مسک “شدید ذہنی دباؤ” کا شکار ہیں اور ان کی موجودہ حالت امریکی مفادات کے لیے خطرناک ہو سکتی ہے۔
این ڈی ٹی وی کے مطابق سیٹھ ابراہمسن خود کو ایلون مسک کا بائیوگرافر کہتے ہیں۔ انہوں نے سوشل میڈیا پلیٹ فارم ایکس (سابقہ ٹویٹر) پر کئی پوسٹس میں لکھا کہ مسک کی ذہنی صحت، منشیات کے استعمال اور دباؤ کے حوالے سے ان کے اپنے اعترافات تشویشناک ہیں۔ انہوں نے مزید کہا “میں نے ایلون مسک کے رویے کو پچھلے دو سالوں سے ٹریک کیا ہے، اور ان کے خودساختہ مسائل کی بنیاد پر یہ کہنا مناسب ہے کہ وہ گہرے ذہنی دباؤ میں مبتلا ہیں۔”
ابراہمسن نے اس بات پر روشنی ڈالی کہ ایلون مسک کئی اہم شعبوں جیسے ایرو اسپیس، الیکٹرک گاڑیاں، سوشل میڈیا، اور مصنوعی ذہانت میں نمایاں حیثیت رکھتے ہیں۔ اس کے علاوہ، ان کی تقرری سابق امریکی صدر ڈونلڈ ٹرمپ کی انتظامیہ کے تحت گورنمنٹ ایفیشنسی ڈپارٹمنٹ (DOGE) کے سربراہ کے طور پر بھی ہوئی ہے۔
ابراہمسن نے کہا، “مسک کے پاس کئی ایسے شعبے ہیں جو انسانی تہذیب کے لیے بنیادی اہمیت رکھتے ہیں۔ ان کی بڑھتی ہوئی متنازع سرگرمیاں قومی سلامتی کے لیے خطرہ بن سکتی ہیں۔”
ابراہمسن نے امریکی حکومت پر زور دیا کہ وہ اپنی موجودہ مدت کے اختتام سے پہلے فوری اقدامات کرے، جن میں مسک کے ساتھ حکومتی معاہدے ختم کرنا اور ان کے متنازع منصوبوں کے خلاف قانونی چارہ جوئی شامل ہیں۔ انہوں نے کہا، “آنے والے چند دنوں میں حکومت کے پاس موقع ہے کہ وہ ایلون مسک سے امریکی عوام کو محفوظ رکھے۔”
ایلون مسک حالیہ دنوں میں سوشل میڈیا پر اپنے سخت بیانات کی وجہ سے تنقید کی زد میں ہیں۔ انہوں نے برطانوی حکومت پر بھی تنقید کی کہ اس نے اولڈھم کے ایک اسیکنڈل پر عوامی تحقیقات کا مطالبہ مسترد کر دیا تھا۔ مسک نے برطانوی وزیراعظم کیئر اسٹارمر پر بھی ماضی میں پراسیکیوشن میں ناکامی کے الزامات لگائے۔مسک نے متنازع شخصیت ٹامی رابنسن، جو ایک دائیں بازو کی تنظیم کے بانی ہیں اور عدالت کی توہین کے الزام میں قید کاٹ رہے ہیں، کی حمایت کا بھی اعلان کیا۔
ابراہمسن کی تنبیہات پر عوام میں ملا جلا ردعمل دیکھنے کو ملا۔ کچھ لوگوں نے مسک کے رویے کو تنقید کا نشانہ بناتے ہوئے انہیں “ایک حساس اور منشیات کے عادی ولن” قرار دیا، جبکہ دیگر نے ان کے وژن کی تعریف کی۔ایلون مسک کی ذہنی صحت اور ان کے فیصلوں کا اثر مستقبل میں ان کی کاروباری سلطنت اور عوامی زندگی پر کیسا ہوگا، یہ دیکھنا باقی ہے۔
.ذریعہ: Daily Ausaf
کلیدی لفظ: ابراہمسن نے ایلون مسک انہوں نے اور ان مسک کے
پڑھیں:
پشاور، میٹرک امتحان میں بھٹو کی تعلیمی پالیسی سے متعلق سوال پر کے پی اسمبلی میں توجہ دلاؤ نوٹس
میٹرک کلاس کے مطالعہ پاکستان پرچہ میں ذوالفقار علی بھٹو کی تعلیمی پالیسی سے متعلق سوال پر پاکستان پیپلز پارٹی (پی پی پی) کے رکن اسمبلی احمد کریم کنڈی نے خیبر پختونخوا اسمبلی سیکریٹریٹ میں توجہ دلاؤ نوٹس جمع کروادیا۔
احمد کریم کنڈی نے کہا کہ صوبائی حکومت نے تعلیمی ایمرجنسی کا نعرہ لگایا تھا، حکومت تعلیم کے فروغ کے بجائے نفرت کی سیاست کو ہوا دے رہی ہے، بھٹو کی اصلاحات تعلیمی نظام میں انقلابی تبدیلیوں کا نقطہ آغاز تھیں۔
توجہ دلاؤ نوٹس میں کہا گیا کہ شہید ذوالفقار علی بھٹو نے علم دوست ریاست بنانے کا خواب دیکھا تھا، ذوالفقار بھٹو سے متعلق من گھڑت سوال انتہائی قابل افسوس ہے۔
رکن صوبائی اسمبلی نے کہا کہ خیبر پختونخوا حکومت بھٹو کی اصلاحات کو خراج تحسین پیش کرے۔
خیال رہے کہ پشاور میں میٹرک کے امتحان میں "ذوالفقار بھٹو کی تعلیمی پالیسی کی ناکامی کی 4 وجوہات لکھیں؟" کا سوال آیا تھا۔
اسلام آباد اور پنجاب بھر کےتمام تعلیمی اداروں میں آج سے تدریسی عمل کا آغاز ہوگیا۔