خاتون رکن اسمبلی کی سیڑھیوں سے گر کر زخمی
اشاعت کی تاریخ: 10th, January 2025 GMT
لاہور:
پنجاب اسمبلی کی خاتون رکن اسمبلی ایوان کی کارروائی کے دوران سیڑھیوں سے گر کرزخمی ہوگئیں، جنہیں اسپتال منتقل کردیا گیا۔
پنجاب اسمبلی کا اجلاس ڈپٹی اسپیکر ملک ظہیر اقبال چنڑ کی زیرصدارت ہوا جہاں اپوزیشن اراکین اور حکومتی ارکان کے درمیان گرما گرمی بھی ہوئی اور پاکستان تحریک انصاف (پی ٹی آئی) کے اپوزیشن اراکین نے ایوان سے واک آؤٹ کیا۔
اس موقع پر اراکین نے صوبائی اسمبلی کی پرانی عمارت پر اجلاس بلانے کے فیصلے کی داد دی اور کہا کہ پرانی عمارت سے بہت ساری پرانی یادیں وابستہ ہیں اور اس عمارت کو زندہ رکھنے کے لیے یہ اچھا طریقہ ہے۔
ڈپٹی اسپیکر نے کہا کہ اسپیکرملک احمد خان کو خراج تحسین پیش کرتا ہوں جنہوں نے پرانی عمارت میں اجلاس بلایا، جب بھی اجلاس ہوگا تو جمعے کے روز پرانی اسمبلی میں ہی ہوگا۔
صوبائی اسمبلی کے اجلاس کے دوران اپوزیشن نے پنجاب اسمبلی کی سیڑھیوں پر احتجاج کیا اور انہوں نے ہاتھوں پلے کارڈز اٹھا رکھے تھے، جن میں گولی کیوں چلائی درج تھا۔
اپوزیشن اراکین اسمبلی نے بانی پی ٹی آئی کے حق میں نعرے بازی کی۔
حکومتی رکن صوبائی اسمبلی فاطمہ صلاح الدین اسمبلی سے واپسی پر سیڑھیوں سے پھسل گئیں اور زخمی ہوگئیں۔
رکن صوبائی اسمبلی فاطمہ صلاح الدین پپی کا اسمبلی کی سیڑھیوں سے پھسلنے کے نتیجے میں پاؤں زخمی ہو گیا تاہم ریسکیو 1122 نے انہیں فوری طور پر اسپتال منتقل کردیا۔
فاطمہ صلاح الدین پپی کو گنگارام اسپتال منتقل کردیا گیا جہاں وہ ایمرجنسی میں زیر علاج ہیں۔
.ذریعہ: Express News
کلیدی لفظ: صوبائی اسمبلی اسمبلی کی
پڑھیں:
تنخواہوں میں اضافہ، حکومتی اوراپوزیشن ارکان یک زبان ہو گئے
اسلام آباد(ڈیلی پاکستان آن لائن)قومی اسمبلی کے اراکین نے سپیکر سے تنخواہوں میں اضافے کا مطالبہ کردیا۔
نجی ٹی وی چینل جیو نیوز کے مطابق تنخواہوں میں اضافے کیلئے حکومت اوراپوزیشن یک زبان ہوگئے، اراکین پارلیمنٹ نے سپیکر ایاز صادق سے ملاقات کے دوران تنخواہوں میں اضافے کا مطالبہ کیا۔اس موقع پر اراکین پارلیمنٹ کا کہنا تھا کہ سپیکرزکانفرنس کی سفارشات پرعمل کیا جائے۔
سپیکر ایاز صادق سے ملاقات میں اراکین قومی اسمبلی نے شکوہ کیا کہ صوبائی اسمبلیوں کے اراکین کی تنخواہیں اور مراعات ہم سے زیادہ ہیں لہٰذا ہماری تنخواہوں میں اضافہ کیا جائے۔
وزارت داخلہ کا نئی نادرا موبائل ایپ لانچ کرنے اور 3 نئے ریجنل دفاتر کے قیام کا فیصلہ
حکومتی رضامندی پرقومی اسمبلی میں تنخواہوں میں اضافے کا بل پیش ہوگا، اس وقت ایم این اے کی تنخواہ اور ٹی اے ڈی اے ایک لاکھ 85 ہزارروپے ماہانہ ہے۔
مزید :
حماس اور اسرائیل میں جنگ بندی معاہدہ جلد ہونے کا امکان:امریکا