کوئٹہ: کوئلہ کان میں پھنسے کان کنوں کو نکالنے کے لیے ریسکیو آپریشن جاری، ایک کی لاش برآمد
اشاعت کی تاریخ: 10th, January 2025 GMT
بلوچستان کے دارالحکومت کوئٹہ کے علاقے سنجدی میں کوئلے کی کان میں پھنسے کان کنوں کو نکالنے کے لیے ریسکیو آپریشن جاری ہے، اب تک ایک کان کن کی لاش برآمد ہوئی ہے، جبکہ آپریشن کے دوران دو ریسکیو اہلکار بے ہوش ہوگئے۔
یہ بھی پڑھیں دکی کوئلہ کان حملہ، کانکنی معطل، ہزاروں مزدوروں کے بےروزگار ہونے کا خدشہ
انتظامیہ کے مطابق پی ڈی ایم اے، ضلعی انتظامیہ، مائنز اینڈ منرل ڈیپارٹمنٹ کے اہلکاران ریسکیو آپریشن میں مصروف ہیں۔
ڈپٹی ڈائریکٹر ریسکیو اصغر جمالی نے بتایا کہ ریسکیو آپریشن کے دوران 2 ہزار فٹ پر ایک کان کن کی لاش برآمد ہوئی ہے، جبکہ مزید 11 افراد کی تلاش جاری ہے۔
انہوں نے کہاکہ کان میں گیس ہونے کے باعث ریسکیو آپریشن میں شامل پی ڈی ایم اے کے 2 اہلکار بے ہوش ہوگئے۔
ڈپٹی ڈائریکٹر نے بتایا کہ مائنز انسپکٹر کے مطابق کان کن 4200 فٹ گہرائی میں پھنسے ہوئے ہیں۔
یہ بھی پڑھیں کنوؤں اور کوئلہ کانوں میں پھنسے افراد کا سراغ لگانے کے لیے مقامی شخص کی کیمرا ڈیوائس کتنی کارگر؟
واضح رہے کہ گزشتہ شب سنجدی میں کوئلے کی کان میں گیس بھرنے کے باعث دھماکا ہوا تھا جس کے باعث کان بیٹھنے سے 12 کان کن پھنس گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اصغر جمالی بلوچستان ڈپٹی ڈائریکٹر ریسکیو ریسکیو آپریشن جاری کوئٹہ کوئلے کی کان مائنز انسپکٹر وی نیوز.ذریعہ: WE News
کلیدی لفظ: اصغر جمالی بلوچستان ریسکیو ا پریشن جاری کوئٹہ کوئلے کی کان مائنز انسپکٹر وی نیوز ریسکیو ا پریشن میں پھنسے کان میں کے لیے کان کن
پڑھیں:
صدر آصف زرداری نے دریائے سندھ سے نہریں نکالنے کی منظوری نہیں دی، وزیراعلیٰ سندھ
وزیراعلیٰ سندھ مراد علی شاہ نے کہا ہے کہ صدر مملکت آصف علی زرداری پارلیمنٹ کے مشترکہ اجلاس میں اس بات کا اظہار کر چکے ہیں کہ وہ دریائے سندھ سے نہریں نکالنے کی حمایت نہیں کرتے۔
یہ بھی پڑھیں دریائے سندھ سے کینالز نکالنے کے معاملے پر غلط فہمیاں دور کی جائیں گی، اسحاق ڈار
ٹھٹھہ میں خطاب کرتے ہوئے انہوں نے کہاکہ سازشی عناصر کی جانب سے کہا جارہا ہے کہ صدر مملکت نے دریائے سندھ سے نہریں نکالنے کی منظوری دی ہے۔ سوال یہ پیدا ہوتا ہے کہ کیا یہ لوگ اس بند کمرے میں سلیمانی ٹوپی پہن کر موجود تھے؟
واضح رہے کہ دریائے سندھ سے نہریں نکالنے کی معاملے پر پنجاب اور سندھ آمنے سامنے ہیں، جبکہ پیپلزپارٹی نے تحریک چلانے کی دھمکی دے رکھی ہے۔
پاکستان پیپلزپارٹی کے چیئرمین بلاول بھٹو نے کہاکہ ہم کسی صورت دریائے سندھ سے نہریں نہیں نکالنے دیں گے، اس فیصلے کے خلاف تحریک چلائی جائےگی۔
اس کے علاوہ صدر مملکت آصف علی زرداری نے پارلیمنٹ کے مشترکہ اجلاس سے خطاب کرتے ہوئے بھی یہ مسئلہ اٹھایا اور کہاکہ دریائے سندھ سے نہریں نکالنے کی حمایت نہیں کرتے۔
یہ بھی پڑھیں ہم کسی صوبے کا پانی نہیں لے رہے، مریم نواز دریائے سندھ سے کینالز نکالنے کے معاملے پر بول پڑیں
اس حوالے سے پیپلزپارٹی کے کچھ رہنماؤں کو بھی سندھ کی قیادت کے مؤقف پر اعتراض ہے۔ سابق وفاقی وزیر قمر زمان کائرہ نے کہاکہ نہروں کے معاملے پر پنجاب کے مؤقف میں جان ہے، سندھ کے ساتھی ایسے ہی جذباتی ہورہے ہیں، تاہم اس معاملے پر وسیع مشاورت کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری پارلیمنٹ صدر مملکت مخالفت نہروں کا معاملہ وی نیوز
نائب تحصیل دار کی گاڑی پر بارودی مواد کا دھماکہ