’عوام پاکستان پارٹی‘ الیکشن کمیشن میں رجسٹرڈ ہوگئی
اشاعت کی تاریخ: 10th, January 2025 GMT
الیکشن کمیشن نے سابق وزیراعظم شاہد خاقان عباسی کی سیاسی جماعت ’عوام پاکستان پارٹی‘ رجسٹرڈ کرلی ہے، ملک میں سیاسی جماعتوں کی تعداد 168 ہوگئی ہے۔
یہ بھی پڑھیں: ’عوام پاکستان‘ پارٹی کا تحریری منشور جاری، اس میں خاص کیا ہے؟
الیکشن کمیشن آف پاکستان کی جانب سے جاری نوٹیفکیشن میں بتایا گیا ہے کہ شاہد خاقان عباسی عوام پاکستان کے کنوینئر ہوں گے، مفتاح اسماعیل عوام پاکستان کے سیکرٹری جنرل ہیں۔
نوٹیفکیشن میں بتایا گیا ہے کہ الیکشن کمیشن نے عوام پاکستان کے انٹراپارٹی الیکشنز بھی تسلیم کرلیے ہیں۔
یہ بھی پڑھیں: ’عوام پاکستان پارٹی‘ کی لانچنگ پر تضادات سے بھرپور تقریریں سننے کو ملیں، عطا تارڑ کا ردعمل
واضح رہے کہ عوام پاکستان نے 26 جون کو انٹرا پارٹی الیکشنز کی تفصیلات الیکشن کمیشن میں جمع کروائی تھیں، عوام پاکستان کی رجسٹریشن کے بعد الیکشن کمیشن میں رجسٹرڈ سیاسی جماعتوں کی تعداد 168 ہوگئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news الیکشن کمیشن پاکستان سیاسی جماعت شاہد خاقان عباسی عوام پاکستان پارٹی.ذریعہ: WE News
کلیدی لفظ: الیکشن کمیشن پاکستان سیاسی جماعت شاہد خاقان عباسی الیکشن کمیشن
پڑھیں:
اپوزیشن رہنمائوں کی شاہد خاقان عباسی کی رہائشگاہ پر اہم بیٹھک
اسلا م آباد:بانی پی ٹی آئی عمران خان اور بشریٰ بی بی کو 190 ملین پائونڈ ریفرنس میں سزا سنائے جانے کے بعد شاہد خاقان عباسی کی رہائشگاہ پر اپوزیشن رہنماؤں کی اہم بیٹھک ہوئی۔
عوام پاکستان پارٹی کے سربراہ کے ساتھ ہونے والی اہم ملاقات میں ملک کی سیاسی صورتحال پر تبادلہ خیال کیا گیا۔
ملاقات میں تحریک تحفظ آئین پاکستان کے قائدین محمود خان اچکزئی، اسد قیصر ، عمر ایوب ، سلمان اکرم راجہ، علامہ ناصر عباس اور صاحبزادہ حامد رضا شریک ہوئے ، اس کے علاوہ مفتاح اسماعیل اور سردار مہتاب عباسی بھی موجود تھے۔
اس موقع پر شاہد خاقان عباسی نے کہا کہ تمام اپوزیشن جماعتوں کے اراکین میرے گھرآئے، انہوں نے کہا ہمیں کوشش کرنی چاہئے کہ آئین کے بالا دستی ہو، ہم ملک میں ہرسطح آئین کی بالا دستی کیلئے آواز اٹھائیں گے۔
سابق وزیراعظم شاہد خاقان عباسی نے کہا کہ محمود اچکزئی نے آئین کی بلادستی کیلئے چلنے کی دعوت دی ہے، ہماری جماعت محمود اچکزئی کی دعوت پر مشاورت کرے گی۔
ملاقات کے بعد سینئر سیاستدان محمود اچکزئی نے کہا کہ اج ہمیں بہت بری خبر ملی ہے کہ بانی پی ٹی آئی کو 14 سال کی سزا ملی لیکن اچھی خبر ملی شاہد خاقان عباسی آئین کی بالادستی کیلئے ساتھ چلنے کو تیار ہیں۔ انہوں نے مزید کہا کہ آئین کی بلا دستی کیلئے آج ہم نے ایک انڈر اسٹینڈنگ بنالی ہے۔
ملاقات میں شریک پی ٹی آئی رہنما اسد قیصر نے کہا کہ بانی پی ٹی ائی کو سزا انصاف کے نظام پر کلا دھبہ ہے، فیصلہ کیا ہے سب کو ون پوائنٹ ایجنڈے پر اکھٹا کرنا ہے۔
اسد قیصر نے مزید کہا کہ ملک میں رول آف لاء، آئین کی بالادستی کیلئے سب کو اکٹھا ہونا ہوگا۔
پاکستان کے ہر شہری کو کم لاگت رہائش کی فراہمی کیلئے ہر ممکن اقدام کریں گے، وزیراعظم