ریئر ایڈمرل محمد سلیم کو وائس ایڈمرل کے عہدے پر ترقی دیدی گئی
اشاعت کی تاریخ: 10th, January 2025 GMT
اسلام آباد (خبرنگارخصوصی)ریئر ایڈمرل محمد سلیم کو وائس ایڈمرل کے عہدے پر ترقی دے دی گئی ہے۔ ترجمان پاک بحریہ کے مطابق وائس ایڈمرل محمد سلیم نے 1991 میں پاکستان نیوی کی آپریشنز برانچ میں کمیشن حاصل کیا۔ فلیگ افسر پاکستان نیوی وار کالج لاہور اور نیشنل ڈیفنس یونیورسٹی، اسلام آباد سے گریجویٹ ہیں۔ انہوں نے نیشنل ڈیفنس یونیورسٹی سے پبلک پالیسی میں ایم فل اور برطانیہ سے انٹرنیشنل الیکٹرانک وارفیئر مینیجر کا کورس بھی کیا ہوا ہے۔ وائس ایڈمرل محمد سلیم اپنے شاندار کیریئر کے دوران مختلف کمانڈ اور اسٹاف عہدوں پر کام کرنے کا وسیع تجربہ رکھتے ہیں۔ ان کی اہم کمانڈ تقرریوں میں کمانڈنگ افسر پی این سب میرینز حمزہ اور حرمت، کمانڈر نویں آگزیلری اور مائن ہنٹنگ اسکواڈرن، کمانڈنٹ پی این ایس بہادر اور کمانڈر کراچی شامل ہیں۔ ان کی اہم اسٹاف تقرریوں میں کمانڈر سب میرینز کے سینئر اسٹاف افسر (آپریشنز)، نیول ہیڈ کوارٹرز اسلام آباد میں ڈائریکٹر نیول آپریشنل پلانز اور ڈپٹی چیف آف نیول اسٹاف (پرسنیل) شامل ہیں۔ انہوں نے ڈائریکٹر جنرل نیشنل انٹیلی جنس اکیڈمی اسلام آباد کے طور پر بھی فرائض سرانجام دیئے۔ وائس ایڈمرل محمد سلیم نے نیشنل ڈیفنس یونیورسٹی اسلام آباد میں ڈائریکٹنگ اسٹاف اور بھارت میں پاکستان کے نیول اتاشی کے طور پر بھی خدمات انجام دیں۔ اس وقت وائس ایڈمرل محمد سلیم ڈپٹی چیف آف نیول اسٹاف (ٹریننگ اینڈ پرسنیل) نیول ہیڈ کوارٹرز اسلام آباد میں خدمات انجام دے رہے ہیں۔ ان کی شاندار خدمات کے اعتراف میں انہیں ہلال امتیاز (ملٹری) سے نوازا جا چکا ہے۔
.ذریعہ: Nawaiwaqt
کلیدی لفظ: اسلام آباد
پڑھیں:
اسلام آباد پولیس کی مصالحتی کمیٹیاں ازسرنو فعال
اسلام آباد پولیس کی مصالحتی کمیٹیاں ازسرنو فعال کردی گئی ہیں۔
یہ بھی پڑھیں: شہری سے رشوت لینے پر اسلام آباد پولیس کا اہلکار نوکری سے برخاست
ڈی ائی جی اسلام آباد سید علی رضا کے مطابق شہریوں کی فوری دادرسی، ان کو درپیش مسائل کے میرٹ پر حل کے لیے مصالحتی کمیٹی کے دفاتر تھانہ جات کی سطع پر 24 گھنٹے کام کریں گے، مصالحتی کمیٹی کا مقصد ذاتی نوعیت کے مسائل سے تھانہ جات کو الگ کرنا اورشہریوں کو زیادہ سے زیادہ ریلیف فراہم کرنا ہے۔
اسلام آباد میں تمام مصالحتی کمیٹیوں کو از سر نو فعال کر دیا گیا ہے۔ ڈی ائی جی اسلام آباد
شہریوں کی فوری دادرسی، انکو درپیش مسائل کے میرٹ پر حل کیلئے مصالحتی کمیٹی کے دفاتر تھا نہ جات کی سطع پر24/7کام کریں گے۔
مصالحتی کمیٹی کا مقصد ذاتی نوعیت کے مسائل سے تھانہ جات کو الگ کرنا… pic.twitter.com/4T3YvCosqi
— Islamabad Police (@ICT_Police) January 16, 2025
سید علی رضا کا کہنا ہے کہ مصالحتی کمیٹی کے قیام سے پولیس اورعدلیہ کا قیمتی وقت بچایا جاسکے گا، مصالحتی کمیٹی کےممبران میں ہر طبقہ فکر کے شہریوں کو شامل کیا گیا ہے، مصالحتی کمیٹی کی بنیادی اقدار شفافیت،غیر جانبداری اور میرٹ ہیں۔
یہ بھی پڑھیں:ایک سال میں اسلام آباد پولیس کے افسران اور شہدا کی فیملیز کے لیے کیا اقدامات کیے گئے؟
ڈی آئی جی اسلام آباد نے اس عزم کا اعادہ کیا ہے کہ شہریوں کے جان و مال کے تحفظ کو یقینی بنانے اور انکو درپیش مسائل کا حل اسلام آباد کیپیٹل پولیس کی اولین ترجیحات میں شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد پولیس ڈی آئی جی اسلام آباد سید علی رضا مصالحتی کمیٹی مقدمات
بلوچستان میں سکیورٹی فورسز کا آپریشن، 27 دہشتگرد ہلاک:آئی ایس پی آر