ڈپٹی چیئرمین سینیٹ سیدال خان ناصر کے نوٹس پر بلوچستان یونیورسٹی کے غیر مستقل ملازمین کی مستقل تعیناتی
اشاعت کی تاریخ: 10th, January 2025 GMT
اسلام آباد (نیوز ڈیسک) ڈپٹی چیئرمین سینیٹ سیدال خان ناصر کی ہدایت پر بلوچستان یونیورسٹی کے غیر مستقل ملازمین کی میرٹ پر مستقل تعیناتی کر دی گئی۔ متاثرہ ملازمین کی درخواست پر سیدال خان ناصر نے معاملہ سینٹ کی اسٹینڈنگ کمیٹی آف ایجوکیشن کے سپرد کیا تھا۔
2 جنوری کو سینیٹر بشریٰ انجم بٹ کی صدارت میں سینٹ ایجوکیشن کمیٹی کا اجلاس منعقد ہوا، جس میں چیئرمین ایچ ای سی ڈاکٹر مختار احمد، وائس چانسلر بلوچستان یونیورسٹی ڈاکٹر ظہور احمد بازئی اور دیگر کمیٹی اراکین نے شرکت کی۔ اجلاس میں ڈپٹی چیئرمین سینیٹ نے غیر مستقل ملازمین کے مسئلے کو میرٹ پر حل کرنے پر زور دیا، جس پر کمیٹی کے بیشتر اراکین نے ان کے موقف کی تائید کی۔
آج بلوچستان یونیورسٹی نے اپنے اعلامیے میں اعلان کیا کہ تمام متاثرہ غیر مستقل ملازمین کو مستقل بنیادوں پر تعینات کر دیا گیا ہے۔ متاثرہ ملازمین نے اس کامیابی پر ڈپٹی چیئرمین سینیٹ سیدال خان ناصر کا شکریہ ادا کیا اور ان کی کوششوں کو سراہا۔
.ذریعہ: Daily Mumtaz
کلیدی لفظ: غیر مستقل ملازمین سیدال خان ناصر
پڑھیں:
بلوچستان دور ہوتا جا رہا ہے: کامران مرتضیٰ
سینیٹر کامران مرتضیٰ — فائل فوٹو
اپوزیشن جماعت جمعیت علمائے اسلام (جے یو آئی) ف کے سینیٹر کامران مرتضیٰ نے کہا ہے کہ بلوچستان میں چند ہفتوں سے لوگوں کو اٹھائے جانے کا عمل تیز ہو گیا ہے۔
سینیٹ اجلاس میں گفتگو کرتے ہوئے انہوں نے کہا کہ بلوچستان دور ہوتا جا رہا ہے، احتجاج پر بلوچستان کی شاہراہیں بند کی جا رہی ہیں۔
نئے چیف جسٹس کی تقرری کے لیے پارلیمانی کمیٹی کی تشکیل کے حوالے سے جے یو آئی نے سینیٹر کامران مرتضیٰ کو بطور ممبر پارلیمانی کمیٹی نامزد کر دیا۔
کامران مرتضیٰ نے کہا کہ مچھ میں کئی روز حکومتی رٹ موجود نہیں تھی۔
انہوں نے کہا کہ اپنے بچے درست نہ بھی ہوں تو آپ ان کو قتل نہیں کرتے۔
کامران مرتضیٰ نے یہ بھی کہا کہ بلوچستان میں حالات بہت زیادہ خراب ہو چکے ہیں، رات کو ژوب اور لورالائی کے راستے سے کوئی نہیں جا سکتا۔
حکومت اور اپوزیشن مذاکرات: سپیکر نے دونوں کمیٹیوں کا اجلاس 15 جنوری کو طلب کرلیا