مستونگ میں رات گئے مسلح افراد کا لیویز چوکی پرحملہ
اشاعت کی تاریخ: 10th, January 2025 GMT
بلوچستان کے ضلع مستونگ میں نامعلوم مسلح افراد نے لیویز کی چوکی پر حملہ کرکے اہلکاروں سے اسلحہ چھین کر سیمنٹ فیکٹری کی مشینری کو بھی آگ لگا دی۔
ذرائع کے مطابق واقعہ گزشتہ شب مستونگ کے علاقے دشت کے قریب پیش آیا، جہاں درجنوں مسلح افراد نے کوئٹہ کو سبی اور سکھر سے ملانے والی مرکزی شاہراہ پر ناکہ بندی کرکے گاڑیوں کی تلاشی لی۔
یہ بھی پڑھیں: مستونگ میں لیویز چوکی پر دہشت گردوں کا حملہ، دو اہلکار شہید
لیویز ذرائع کے مطابق مسلح افراد نے دشت گونڈین میں لیویز کی چوکی اور ایک سیمنٹ فیکٹری پر بھی حملہ کیا-
حملے کے وقت چوکی میں صرف 3 اہلکار موجود تھے جنہیں مسلح افراد نے یرغمالی بناکر ان کا اسلحہ، موٹرسائیکلیں اور موبائل فون چھین لیے، حملے میں کسی جانی نقصان کی اطلاع نہیں ملی۔
مزید پڑھیں:بلوچستان: مستونگ میں دہشتگردوں کی لیویز تھانے پر قبضے کی کوشش ناکام
واقع کے بعد فورسز کی بھاری نفری موقع پر پہنچ گئی ہے اور علاقے میں کلیئرنس آپریشن جاری ہے، واضح رہے کہ چند روز قبل بلوچستان کے علاقے زہری میں بھی مسلح افراد نے لیویز تھانے
سمیت نجی بینک کو نذرآتش کردیاتھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان چوکی سبی سکھر سیمنٹ فیکٹری کوئٹہ لیویز مستونگ.ذریعہ: WE News
کلیدی لفظ: سکھر کوئٹہ مستونگ مسلح افراد نے مستونگ میں
پڑھیں:
بلوچستان: انٹرمیڈیٹ کے سالانہ امتحانات کی نئی ڈیٹ شیٹ جاری
—فائل فوٹوبلوچستان بورڈ آف انٹرمیڈیٹ اینڈ سیکنڈری ایجوکیشن نے صوبے میں انٹرمیڈیٹ کے سالانہ امتحانات کی نئی ڈیٹ شیٹ جاری کردی۔
کنٹرولر امتحانات بلوچستان بورڈ پروفیسر عابدہ کاکڑ کی جانب سے نئی ڈیٹ شیٹ جاری کی گئی ہے۔
ڈیٹ شیٹ کے مطابق بورڈ کے تحت انٹرمیڈیٹ کے سالانہ امتحانات 2 مئی سے شروع ہو کر 29 مئی تک جاری رہیں گے۔
چیئرمین بلوچستان بورڈ محمد اسحاق نے کہا ہے کہ بلوچستان میں انٹر میڈیٹ کے امتحانات ملتوی کیے گئے ہیں۔
اس سے قبل بلوچستان بورڈ کے تحت انٹرمیڈیٹ کے امتحانات 22 اپریل کو شروع ہونا تھے جو کہ چند ناگزیر وجوہات کی بناء پر ملتوی کردیے گئے تھے۔
کنٹرولر امتحانات کے مطابق انٹرمیڈیٹ کے سالانہ امتحانات میں بلوچستان بھر سے ایک لاکھ سے زائد طلباء و طالبات حصہ لیں گے، جس کے لیے صوبے میں 252 امتحانی مراکز قائم کیے گئے ہیں۔
جے یو آئی اجلاس:سیاسی جدوجہد جاری رکھنے اور سیاسی اتحاد میں نہ جانے کا فیصلہ