نون لیگ میں 2 گروپ، دونوں چاہتے ہیں کہ پی ٹی آئی ختم ہو جائے، محمد زبیر
اشاعت کی تاریخ: 10th, January 2025 GMT
ایک نجی ٹی وی چین کے پروگرام میں گفتگو کرتے ہوئے سینیئر سیاستدان کا کہنا تھا کہ بانی پی ٹی آئی اگر ڈیل کرکے آئیں تو پاکستان کیلئے اچھا ہوگا، بانی پی ٹی آئی اور ان کی پارٹی کو دبانے سے مسئلہ حل نہیں ہوگا۔ اسلام ٹائمز۔ سینیئر سیاستدان محمد زبیر نے کہا کہ مسلم لیگ (ن) میں 2 گروپ ہیں، دونوں گروپس چاہتے ہیں کہ پی ٹی آئی ختم ہو جائے۔ سینیئر سیاستدان محمد زبیر نے ایک نجی ٹی وی چین کے پروگرام میں گفتگو کرتے ہوئے کہا کہ عرفان صدیقی جیسے لوگ چاہتے ہیں کہ پی ٹی آئی کو تسلیم کر لینا چاہیئے، آج تلخیاں بہت زیادہ ہیں، ماضی سے سبق سیکھنا چاہیئے۔ محمد زبیر نے کہا کہ بانی پی ٹی آئی اگر ڈیل کرکے آئیں تو پاکستان کیلئے اچھا ہوگا، بانی پی ٹی آئی اور ان کی پارٹی کو دبانے سے مسئلہ حل نہیں ہوگا۔
نواز شریف کی 2022ء میں ڈیل ہوئی تھی، عدم اعتماد ڈیل کا نتیجہ تھی، باپ پارٹی، ایم کیو ایم نے عدم اعتماد کے دوران کایا پلٹ دی۔ ان کا مزید کہنا تھا کہ آج بھی اگر باپ پارٹی اور ایم کیو ایم کو اشارہ ہوا تو کایا پلٹ جائے گی۔ مصطفیٰ نواز کھوکھر کا گفتگو کرتے ہوئے کہنا تھا کہ جب سیاسی پارٹیاں اپوزیشن میں ہوں تو ووٹ کی عزت کا نعرہ لگاتی ہیں، سیاست میں اتار چڑھاؤ آتا رہتا ہے، بانی پی ٹی آئی کی حکومت کے دوران مقبولیت کم ہوئی تھی، آج بانی پی ٹی آئی کی مقبولیت ہے۔
ذریعہ: Islam Times
کلیدی لفظ: بانی پی ٹی آئی
پڑھیں:
محمد بن سلمان اہلبیت اطہارؑ کی قبروں کی تعمیر کرا دیں تو حج سے زیادہ مالی فائدہ ہوگا، علامہ ریاض نجفی
جمعہ کے اجتماع سے خطاب میں وفاق المدارس الشیعہ کے صدر کا کہنا تھا کہ آج کا سعودی فرما نروا محمد بن سلمان روشن خیال ہے اور وہ اپنے ملک کی آمدن میں اضافے کا خواہاں بھی ہے، اگر وہ اہلبیت اطہار کی قبروں کو دوبارہ تعمیر کر دیں تو یقینی طور پر انہیں حج سے زیادہ مالی فائدہ ہوگا اور اگر محمد بن سلمان یہ کام کر دیں تو سعودی عرب کی نہ صرف آمدنی میں اضافہ ہوگا بلکہ اسلامی دنیا میں ان کا وقار اور عزت بڑھ جائے گی۔ اسلام ٹائمز۔ وفاق المدارس الشیعہ پاکستان کے صدر علامہ حافظ سید ریاض حسین نجفی نے جامع علی مسجد حوزہ علمیہ جامعتہ المنتظر لاہور میں خطبہ جمعہ دیتے ہوئے کہا ہے کہ حضرت آدم علیہ السلام زمین پر اللہ تعالیٰ کے پہلے نمائندہ اور حجت خدا ہیں، اگر حجت خدا سے زمانہ خالی ہو جائے تو کائنات کا نظام درہم برہم ہو جائے گا، انہوں نے کہا سید الانبیا ءحضرت محمد مصطفی صلی اللہ علیہ وآلہ وسلم ایسے نمائندہ خدا ہیں کہ جن کے بھیجنے پر اللہ نے انسانیت پر اپنا احسان جتلایا کہ میں نے اپنی مخلوق کیلئے ایسا نمائندہ بھیجا ہے۔
انہوں نے سعودی عرب کے فرمانروا محمد بن سلمان سے اپیل کی ہے کہ وہ جنت البقیع کے مزارات کو تعمیر کریں تو ان کی آمدن حج سے بھی زیادہ بڑھ سکتی ہے۔ ان کا کہنا تھا کہ آئمہ معصومین علیہم السلام میں سے خاتون جنت دختر رسول سیدہ فاطمة الزہرا سلام اللہ علیہا سب سے زیادہ مظلوم ہیں کیونکہ آپ کسی بھی ملک میں چلے جائیں سب معصومین کی قبریں محفوظ ہیں لیکن سعودی عرب میں کہ جہاں سے اسلام شروع ہوا یہاں اہل بیت اطہار علیہم السلام کی قبروں کو مسمار کر دیا گیا۔
انہوں نے کہا کہ ٓاج کا سعودی فرما نروا محمد بن سلمان روشن خیال ہے اور وہ اپنے ملک کی آمدن میں اضافے کا خواہاں بھی ہے، اگر وہ اہلبیت اطہار کی قبروں کو دوبارہ تعمیر کر دیں تو یقینی طور پر انہیں حج سے زیادہ مالی فائدہ ہوگا اور اگر محمد بن سلمان یہ کام کر دیں تو سعودی عرب کی نہ صرف آمدنی میں اضافہ ہوگا بلکہ اسلامی دنیا میں ان کا وقار اور عزت بڑھ جائے گی۔
ترجمان سندھ حکومت کا مریم اورنگزیب کے بیان پر ردعمل