توسیع اور نئی سیکورٹی کمپنی ہائر کرنے کی منظوری دی گئی
اشاعت کی تاریخ: 10th, January 2025 GMT
لاہور (کامرس ڈیسک) صوبائی وزیر صنعت و تجارت چوہدری شافع حسین کی زیر صدارت فیڈمک بورڈ آف ڈائریکٹرز کا 140واں اجلاس فیڈمک آفس میں منعقد ہوا۔ جس میں 12نکاتی ایجنڈے پر غور کیا گیا۔بورڈ نے اجلاس کی کارروائی آگے بڑھانے کیلئے سابق صدر ایوان صنعت و تجارت فیصل آباد ڈاکٹر خرم طارق کو عارضی طور پر چیئرمن بورڈ مقرر کیا۔سی ای او فیڈمک میاں جمیل احمد کی تقرری کی توثیق کی گئی اور سائننگ اتھارٹی کے اختیارات تفویض کئے گئے۔بورڈ نے پروکیورمنٹ اور آڈٹ سمیت 5 مختلف کمیٹیوں کی تشکیل کی منظوری دی۔علاوہ ازیں بورڈ نے بعض انتظامی اور مالیاتی امور کی منظوری بھی دی۔بورڈ نے زمز سیکورٹی سروسز کے کنٹریکٹ میں رولز کے مطابق توسیع اور نئی سیکورٹی کمپنی ہائر کرنے کی منظوری دی جبکہ علامہ اقبال انڈسٹریل سٹی کے مرکزی داخلی راستے اور بائونڈری وال کے باقی ماندہ کام کے ای ٹینڈرنگ سے مشروط کنٹریکٹ کی منظوری دی۔علامہ اقبال انڈسٹریل سٹی میں 2لفٹ اسٹیشنز کی تعمیر،فیڈمک کے زیر اہتمام صنعتی مراکز میں سٹریٹ لائٹ پراجیکٹ کی ری ٹینڈرنگ،ایم تھری انڈسٹریل سٹی میں کمرشل ایریا لانچ کرنے کیلئے فنانشل ماڈل کی منظوری دی گئی۔بورڈ اجلاس میں فنانشل آڈٹ کے حوالے سے پیش رفت رپورٹ بھی پیش کی گئی۔ بورڈ کے ڈائریکٹرز نے صنعت کاری کے عمل کو تیز کرنے اور نئی سرمایہ کاری کے عمل کو تیز کرنے کیلئے مل کر آگے بڑھنے کا عزم کیا۔
.ذریعہ: Jasarat News
کلیدی لفظ: کی منظوری دی کرنے کی
پڑھیں:
بجلی کی قیمتیں کم کرنے کے لیے آئی پی پیز سے نظرثانی معاہدوں کی منظوری
پاکستان کی وفاقی کابینہ نے 14 خود مختار پاور پروڈیوسرز (آئی پی پیز) کے ساتھ معاہدوں پر دوبارہ گفت و شنید کرنے کے پلان کی منظوری دے دی۔
منظوری منگل کو کابینہ اجلاس میں دی گئی جس کا مقصد بجلی کی قیمتوں کو کم کرنا اور ملک کے بڑھتے ہوئے گردشی قرضوں کے بحران کو حل کرنا ہے۔
یہ بھی پڑھیں: وزیر داخلہ محسن نقوی کی حافظ نعیم سے ملاقات، آئی پی پیز کے ساتھ معاہدوں سے آگاہ کیا
آئی پی پیز کا مذکورہ مسئلہ سنہ 1990 اور سنہ 2000 کی دہائیوں میں طے پانے والے معاہدوں سے متعلق ہے جس نے بڑھتی مہنگائی اور بجلی کی بلند قیمتوں کی وجہ سے عوام میں ایک بیچینی پیدا کردی تھی۔
دریں اثنا ایک سرکاری بیان میں وزیر توانائی سردار اویس احمد لغاری کا کہنا ہے کہ مسئلے کی بنیادی وجہ صلاحیت کے چارجز یا بجلی کی کھپت سے قطع نظر آئی پی پیز کو ادائیگیاں ہیں جنہوں نے پاکستان کے گردشی قرضے کو بڑھا دیا ہے۔ انہوں نے بتایا کہ وہ قرضہ اب 8 ارب 60 کروڑ ڈالر سے تجاوز کرچکا ہے۔
بیان میں بتایا گیا کہ 14 آئی پی پیز کے ساتھ بات چیت کے بعد حتمی شکل دیے جانے والے ان نظرثانی شدہ معاہدوں میں لاگت اور منافع میں 802 ارب روپے (2.9 ارب ڈالر) کی کمی کی تجویز ہے جس میں گزشتہ اضافی منافع میں 35 ارب روپے کی کٹوتی بھی شامل ہے۔
بیان میں کہا گیا کہ حکومت کو ان کی مدت میں 5 ارب ڈالر کی بچت ہوگی جس کا فائدہ سالانہ بچت کی صورت میں صارفین کے لیے 137 ارب روپے ہوگا۔
مزید پڑھیے: آئی پی پیز سے ختم ہوتے معاہدے، کیا عوام کو مہنگی بجلی سے نجات مل سکے گی؟
دوبارہ گفت و شنید کے سودوں میں 10 آئی پی پیز شامل ہیں جو سنہ 2002 کی پالیسی کے تحت قائم کیے گئے تھے اور 4 سنہ 1994 کی پالیسی کے تحت قائم ہوئی تھی جبکہ سنہ 1994 میں قائم ہوئی ایک آئی پی پی کا معاہدہ مکمل طور پر ختم کر دیا گیا ہے۔
حکومت کی دوبارہ گفت و شنید کی کوششیں، جو بین الاقوامی مالیاتی فنڈ کی اصلاحات کی سفارشات سے بھی متاثر ہیں، مالی دباؤ کو کم کرنے کے لیے ٹیرف اور صلاحیت کی ادائیگیوں کو کم کرنے کی کوشش کا حصہ ہیں۔
مزید پڑھیے: آئی پی پیز سے معاہدوں کا خاتمہ خوش آئند ہے، عوام کو ریلیف ملنا چاہیے، امیر جماعت اسلامی
بیان میں وزیراعظم شہباز شریف کا بھی حوالہ دیا گیا جس میں انہوں نے نظرثانی شدہ معاہدوں کو اہم کامیابی قرار دیا۔
وزیراعظم نے کہا کہ یہ تصفیے نہ صرف قومی خزانے کو بچائیں گے بلکہ گردشی قرضے کو ختم کرنے اور بجلی کی قیمتوں کو کم کرنے میں بھی مدد کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی پیز آئی پی پیز سے نظر ثانی شدہ معاہدے سستی بجلی وفاقی کابینہ
توشہ خانہ ٹو کیس :عمران خان اور اہلیہ کا بریت کیلئے اسلام آباد ہائیکورٹ سے رجوع