نیا ناظم آباد گراؤنڈز میں تمام سہولیات موجود ہیں،جنید ضیا
اشاعت کی تاریخ: 10th, January 2025 GMT
جنرل منیجر ڈومیسٹک کرکٹ آپریشنز پاکستان کرکٹ بورڈ جنید ضیا ء نیا ناظم آبادجم خانہ اور گراؤنڈ کا دورہ کررہے ہیں
کراچی (اسپورٹس رپورٹر) سینئر جنرل منیجر ڈومیسٹک کرکٹ آپریشنز پاکستان کرکٹ بورڈ جنید ضیا نے نیا ناظم آباد جمخانہ اور کرکٹ گراؤنڈ کا دورہ کیا۔ اس موقع پر انہوں نے سید طلحہ صدر نیا ناظم آباد جم خانہ سے ملاقات کی اور نیا ناظم آباد جم خانہ اور گراؤنڈ میں سہولیات کا جائزہ لیا۔ سید طلحہ صدر نیا ناظم آباد جم خانہ نے جنید ضیاسے گفتگومیں کہاکہ ہماری خواہش ہے پاکستان کرکٹ بورڈ نیا ناظم آباد جم خانہ پر دن اور رات میں پی ایس ایل کے پریکٹس میچز،قائد اعظم ٹرافی، پریذیڈنٹ ٹرافی، چمپیئنز ٹرافی کی ٹیموں کی پریکٹس اور پاکستان کا دورہ کرنے والی انڈر 19بوائز،ویمنز ٹیموں کے میچز کا انعقاد کرے۔ان میچز اور پریکٹس میچزکے لئے نیا ناظم آباد جیم خانہ کی انتظامیہ تمام ممکن سہولیات ٹیموں کو فراہم کرے گی۔ اس موقع پر جنید ضیاکا کہنا تھا کہ مجھے ذاتی طور پرنیا ناظم آباد جیم خانہ اور گراؤنڈ دیکھ کر بہت خوشی ہوئی ہے کہ عارف حبیب نے اتنا خوبصورت جمخانہ اور گراؤنڈ بنایا ہے جس میں کرکٹ اور دیگر کھیلوں کی تمام تر سہولیات موجود ہیں، اس گراؤنڈ کا شمار خوبصورت گراؤنڈ زمیں کیا جا سکتا ہے جبکہ یہاں پر بڑے میچز کرائے جا سکتے ہیں، جس کے لئے میں پی سی بی حکام سے درخواست کروں گا۔ انہوں نے جمخانہ کے صدر کو مبارکباد دی کہ انہوں نے جمخانہ اور گراؤنڈ کی خوبصورتی کو برقرار رکھا ہوا ہے۔ اس موقع پر اعظم خان منیجر کوئٹہ گلیڈی ایٹرز اور محمد آصف منیجر اسپورٹس نیا ناظم آباد جیمخانہ بھی موجود تھے۔
.ذریعہ: Jasarat News
کلیدی لفظ: نیا ناظم ا باد جم خانہ خانہ اور گراو نڈ
پڑھیں:
پی اے سی ممبر کے گھر سے میٹر اتارنے کا معاملہ، چیئرمین کمیٹی کا معاملہ حل ہونے تک اجلاس نہ چلانے کا اعلان
جنید اکبر کی زیر صدارت پارلیمنٹ کی پبلک اکاونٹس کمیٹی کے اجلاس میں ممبر پی اے سی ثنء اللہ مستی خیل کا کہنا تھا کل چیئرمین واپڈا سے سوال کیا کہ 4 ارب کا پراجیکٹ 36 ارب میں کیوں ہوا؟ اسلام ٹائمز۔ چیئرمین پبلک اکاؤنٹس کمیٹی جنید اکبر نے کمیٹی رکن ثنا اللہ مستی خیل کے گھر سے بجلی کے میٹر اتارے جانے کی مذمت کرتے ہوئے معاملے کو منطقی انجام تک پہنچانے تک کمیٹی اجلاس نہ چلانے کا اعلان کر دیا۔ جنید اکبر کی زیر صدارت پارلیمنٹ کی پبلک اکاونٹس کمیٹی کے اجلاس میں ممبر پی اے سی ثنء اللہ مستی خیل کا کہنا تھا کل چیئرمین واپڈا سے سوال کیا کہ 4 ارب کا پراجیکٹ 36 ارب میں کیوں ہوا؟ میں نے ان سے تقرری کے بارے بھی سوال پوچھا تھا، سوال کرنےکی پاداش میں رات گئے میرے گھر، رشتہ داروں کے گھروں سے بجلی کے میٹر اتار لیے گئے۔ ثناء اللہ مستی خیل کا کہنا تھا اگر پی اے سی میں سوال کرنے پر انتقامی کاروائیاں ہوں گی تو کمیٹی اپنا کام کیسے کرے گی؟
پبلک اکاؤنٹس کمیٹی کے ارکان نے معاملے پر شدید احتجاج کرتے ہوءے معاملے کو اسپیکر قومی اسمبلی کے نوٹس میں لا کر سخت ترین ایکشن کا مطالبہ کیا۔ چیئرمین کمیٹی جنید اکبر کا کہنا تھا کمیٹی اس وقت تک کام نہیں کرےگی جب تک انتقامی کاروائی واپس نہیں لی جاتی، اگر لوگوں کو اس طرح دھمکایا جائے گا تو کوئی رکن پارلیمنٹ کام نہیں کر سکے گا، معاملے کو اسپیکر قومی اسمبلی کے نوٹس میں بھی لا رہا ہوں۔ جنید اکبر کا کہنا تھا میں سیکرٹری پاور کو کمیٹی میں طلب کرتا ہوں اور باز پرس کرتا ہوں، اپنے ارکان کی توہین برداشت نہیں کر سکتا۔ کمیٹی ارکان کا کہنا تھا ممبر کے میٹر اتروانا غنڈہ گردی ہے اور ارکان کی تضحیک ہے، معاملے کو منطقی انجام تک پہنچایا جائے۔ چیئرمین کمیٹی جنید اکبر کا کہنا تھا معاملہ حل ہونے تک کمیٹی کا اجلاس نہیں چلاؤں گا، پبلک اکاونٹس کمیٹی کے چیئرمین جنید اکبر نے کمیٹی کا اجلاس ملتوی کر دیا۔
پارٹی رہنماوں کے ایک دوسرے پر الزامات، عمران خان نے وارننگ دیدی