برطانیہ میں درجہ حرارت منفی 20 ڈگری تک گرنے کی پیشگوئی
اشاعت کی تاریخ: 10th, January 2025 GMT
برطانیہ میں برفانی طوفان کے باعث مکانات اور گاڑی برف میں چھپ گئی ہے
لندن (انٹرنیشنل ڈیسک) برطانیہ کے مختلف علاقے شدید سردی اور برفباری کی لپیٹ میں ہیں،جب کہ محکمہ موسمیات نے درجہ حرارت منفی 20 ڈگری تک گرنے کی پیشگوئی کردی ہے۔محکمہ موسمیات نے آئندہ چند روز کے دوران سرد موسم اور مزید برفباری سے خبردار کیا ہے۔ واضح رہے کہ برطانیہ کے دیگر شہروں کی طرح مانچسٹر میں بھی شدید برفباری کا سلسلہ جاری ہے اور مقامی حکومت کی جانب سے زرد انتباہ جاری کیا جاچکا ہے۔ اس کے علاوہ لیسٹر شائر کو سیلابی صورت حال کابھی سامنا ہے۔ فائر اینڈ ریسکیو سروس کی جانب سے کئی مقامات پرسیلاب میں پھنسی گاڑیوں کو نکالا گیا ہے۔
.ذریعہ: Jasarat News
پڑھیں:
محکمہ موسمیات نے بارشوں کی پیشگوئی کردی
محکمہ موسمیات کے مطابق ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد اور مطلع جزوی ابر آلود رہنے کا امکان ہے۔ محکمہ موسمیات کا کہنا ہے کہ اسلام آباد اور گردونواح میں دن کے اوقات میں موسم سرد اور خشک جبکہ رات میں مطلع جزوی ابر آلود رہنے کے علاوہ ہلکی بارش کا امکان ہے۔ خیبرپختونخوا: خیبرپختونخوا کے اضلاع چترال، دیر، سوات، شانگلہ، کوہستان، مانسہرہ، ایبٹ آباد، ہری پور، بونیر، باجوڑ، مہمند، میں تیز ہوائیں کےساتھ بارش اور پہاڑوں پر برفباری کا امکان ہے۔ پنجاب: پنجابکے بیشتر اضلاع میں موسم سرد اورخشک رہنے کا امکان ہے۔تاہم مری، گلیات اورگردونواح میں موسم شدیدسرد رہنے کےساتھ رات میں مطلع ابر آلود رہنے کے ساتھ ہلکی بارشبرفباری کی توقع ہے۔ سندھ : سندھ کے بیشتر اضلاع میں موسم سرد اورخشک رہنے کا امکان ہے۔ بلوچستان : بلوچستان کے اضلاع کوئٹہ، زیارت، چمن، پشین، قلعہ عبداللہ، قلعہ سیف اللہ، چاغی، نوشکی، قلات، بارکھان، خضدار، ہرنائی، ژوب، موسیٰ خیل،خاران، کیچ، پنجگور اور گوادرمیں تیز ہوائیں چلنےکےساتھ بارش اور پہاڑوں پر برفباری کا امکان ہے۔ کشمیر: کشمیر اور گلگت بلتستان میں موسم شدید سرد اور مطلع جزوی ابرآلود رہنے کے ساتھ بارش اوربرفباری کی توقع ہے۔ کراچی کا موسم : شہر قائد میں سرد ہواؤں کا راج ہے۔ محکمہ موسمیات کے مطابق شہر میں آج بھی وقفے وقفے سے تیز ہوائیں چلنے کا امکان ہے، شہر میں 25 سے 35 کلو میٹر فی گھنٹہ کی رفتار سے تیز ہوائیں چلنے کا امکان ہے۔ محکمہ موسمیات کا کہنا ہے کہ شہر میں اس وقت موسم سرد ہے، موجودہ درجہ حرارت 15 ڈگری سینٹی گریڈ ہے، زیادہ سے زیادہ درجہ حرارت 26 ڈگری سینٹی گریڈ تک جانے کا امکان ہے، ہوا میں نمی کا تناسب 54 فیصد ہے۔ محکمہ موسمیات کے مطاق شمال مشرق سمت سے 9 کلو میٹر فی گھنٹہ کی رفتار سے ہوا چل رہی ہے۔ اے کیو آئی کے مطابق شہر قائد میں فضائی معیار مضر ہے، دنیا کے آلودہ ترین شہروں میں کراچی چھٹے نمبر پر موجود ہے، ہوا میں آلودہ ذرات کی مقدار 174 پرٹیکیولیٹ میٹرز ریکارڈ کی گئی ہے۔
حکومت کا ایران کے ساتھ نئی سرحدی راہداری کھولنے کا اعلان، نوٹی فکیشن جاری