کراچی میں ایک اور نوجوان ڈکیتی مزاحمت پر قتل، ڈیڑھ گھنٹے میں 3 شہری جان سے گئے
اشاعت کی تاریخ: 9th, January 2025 GMT
کراچی:
شہر کے مختلف علاقوں اسٹیل ٹاؤن ، کورنگی اور سچل میں ڈیڑھ گھنٹے کے دوران فائرنگ کے واقعات میں 3 افراد جاں بحق ہوگئے۔
اسٹیل ٹاؤن میں نوجوان ڈاکوؤں کی فائرنگ سے جاں بحق ہوا جس کے بعد رواں سال کے پہلے ماہ کے 9 دنوں میں ڈاکوؤں کی فائرنگ سے ہونے والی ہلاکتوں کی تعداد 2 ہوگئی جبکہ دیگر دو واقعات کو پولیس ذاتی اور نامعلوم وجہ قرار دے رہی ہے۔
تفصیلات کے مطابق اسٹیل ٹاؤن کے علاقے گھگھر پھاٹک نیشنل ہائی وے قریب فائرنگ کے واقعہ میں ایک شخص شدید زخمی ہوگیا جسے چھیپا کے رضا کار انتہائی تشویشناک حالت میں جناح اسپتال لیجا رہے تھے کہ وہ زخموں کی تاب نہ لاتے زندگی کی بازی ہار گیا، مقتول کی شناخت 27 سالہ عارف کے نام سے کی گئی۔
مقتول کے لواحقین کا کہنا ہے کہ ڈاکو کریانہ اسٹور سمیت دیگر دکانوں کو لوٹ کر فرار ہو رہے تھے اور اس دوران موٹر سائیکل چھیننے کے دوران شور شرابہ ہوا تو عارف بھی گھر سے باہر نکلا تو ڈاکوؤں کے سامنے آگیا جس پر انھوں نے پکڑے جانے کے خوف سے اس پر فائرنگ کر دی جس سے وہ شدید زخمی ہو کر دم توڑ گیا، مقتول غیر شادی شدہ تھا۔
اسٹیل ٹاؤن پولیس کا بھی کہنا ہے کہ واقعہ ڈکیتی کے دوران مزاحمت پر پیش آیا ہے جس کی مزید تحقیقات کی جا رہی ہے، کورنگی ضیا کالونی سیکٹر 32 اے میں فائرنگ کے واقعہ میں 24 سالہ عارف اصغر جاں بحق ہوگیا جس کی لاش چھیپا کے رضا کاروں نے جناح اسپتال پہنچائی۔
ریسکیو حکام کا کہنا ہے کہ جائے وقوعہ پر موجود افراد نے ابتدائی طور پر واقعہ ڈکیتی کے دوران مزاحمت پر پیش آنے کا بتایا ہے جبکہ ایس ایچ او کورنگی ملک عامر نے جناح اسپتال میں میڈیا سے بات چیت کرتے ہوئے واقعہ کو ذاتی رنجش کا شاخسانہ قرار دیا ہے۔
انھوں ںے بتایا کہ مقتول کو عقب سے پشت پر گولی لگی تھی جبکہ محلے والوں نے پولیس کو بتایا کہ مقتول کی پہلے بھی جھگڑا ہو چکا ہے جبکہ مقتول مقامی فیکٹری میں کام اور آبائی تعلق اندرون سندھ سے تھا جو کہ کورنگی ضیا کالونی میں اپنے ماموں کے گھر کرایے پر رہتا تھا ، مقتول سے کوئی موبائل فون نہیں چھینا گیا جبکہ گلی میں کمیرے نصب ہیں ان کی فوٹیجز سے واقعہ کا تعین ہو سکے گا اور ملزمان کی شناخت میں بھی مدد مل سکے گی جبکہ مقتول عارف کے ہمراہ گلی میں موجود اس کے دوست نے واقعہ ڈکیتی کےدوران مزاحمت پر پیش آنے کا بتایا ہے جس کی پولیس تصدیق نہیں کر رہی۔
دریں اثنا سپرہائی وے غازی گوٹھ سے سمیرا چوک جانے والے راستے پر پیٹرول پمپ کے قریب فائرنگ کے واقعہ میں ایک شخص جاں بحق ہوگیا جس کی لاش چھیپا کے رضا کاروں نے عباسی شہید اسپتال پہنچائی۔
اس حوالے سے سچل پولیس کا کہنا ہے کہ فوری طور پر مقتول کی شناخت نہیں ہوسکی جبکہ اس کی عمر 45 سال کے قریب بتائی جاتی ہے جبکہ فوری طور پر فائرنگ کی وجہ اور ملزمان کا تعین نہیں ہو سکا جس کی مزید تحقیقات کی جا رہی ہے ۔
.ذریعہ: Express News
کلیدی لفظ: فائرنگ کے کے دوران گیا جس
پڑھیں:
بی جے پی کی مسلمان دشمنی کھل کر سامنے آ گئی؟
مرشد آباد میں وقف بل کے خلاف مظاہرے پرتشدد شکل اختیار کر گئے، جہاں جھڑپوں کے دوران تین افراد ہلاک جبکہ 150 سے زائد مظاہرین کو گرفتار کر لیا گیا ہے۔ اسلام ٹائمز۔ بھارت میں مسلم مخالف وقف بل کے پاس ہونے کے بعد مغربی بنگال سمیت کئی ریاستیں شدید احتجاج کی لپیٹ میں ہیں۔ مرشد آباد میں وقف بل کے خلاف مظاہرے پرتشدد شکل اختیار کر گئے، جہاں جھڑپوں کے دوران تین افراد ہلاک جبکہ 150 سے زائد مظاہرین کو گرفتار کر لیا گیا ہے۔ ذرائع کے مطابق صورتحال بدستور کشیدہ ہے، اور احتجاجی سرگرمیوں کو دبانے کے لیے انٹرنیٹ سروس تاحال معطل ہے جبکہ سکیورٹی فورسز کی جانب سے مزید گرفتاریاں بھی جاری ہیں۔ بی جے پی حکومت پر الزام ہے کہ وہ مسلمانوں کی آواز دبانے کے لیے ریاستی طاقت کا بے دریغ استعمال کر رہی ہے۔ مظاہرین اور انسانی حقوق کی تنظیموں نے بھارتی حکومت کے ان اقدامات کو جمہوری آزادیوں پر حملہ قرار دیا ہے۔ اسی دوران بی جے پی رکن پارلیمنٹ جیوتیرمے سنگھ مہتو نے وزیر داخلہ امیت شاہ کو خط لکھ کر مغربی بنگال میں آرمڈ فورسز اسپیشل پاورز ایکٹ (AFSPA) نافذ کرنے کا مطالبہ کر دیا ہے۔ یہ قانون، جسے "کالا قانون" بھی کہا جاتا ہے، سکیورٹی فورسز کو غیر معمولی اختیارات فراہم کرتا ہے، جن میں بغیر وارنٹ گرفتاری، تلاشی اور طاقت کا بے لگام استعمال شامل ہے۔
ناقدین کے مطابق اس قانون کے ذریعے ریاستی ظلم کو قانونی تحفظ مل جاتا ہے، اور جبری گمشدگیوں، غیرقانونی حراستوں اور ماورائے عدالت قتل جیسے اقدامات کی راہ ہموار ہوتی ہے۔ سیاسی تجزیہ نگاروں کا کہنا ہے کہ بی جے پی کا مقصد AFSPA کے ذریعے مسلمانوں کو ریاستی جبر کا شکار بنا کر ان کی سیاسی، سماجی اور مذہبی شناخت کو دبانا ہے۔ یہ سوال اب شدت سے اٹھایا جا رہا ہے کہ کیا مغربی بنگال کو فوجی چھاؤنی میں تبدیل کیا جا رہا ہے؟ اور کیا بھارت میں مذہبی شناخت جرم بن چکی ہے؟
قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان