پاکستان کا ویسٹ انڈیز کیخلاف ممکنہ اسکواڈ:شاہین اور نسیم شاہ کو آرام؟
اشاعت کی تاریخ: 9th, January 2025 GMT
لاہور:پاکستان اور ویسٹ انڈیز کے درمیان 2ٹیسٹ میچز کی سیریز ملتان اسٹیڈیم میں کھیلی جائے گی، جس کے لیے پاکستان کا ممکنہ اسکواڈ سامنے آ چکا ہے، تاہم فاسٹ بالرز شاہین آفریدی اور نسیم شاہ کو اس سیریز کے لیے شامل نہ کرنے کا امکان ہے، جس کی وجہ سے کرکٹ کے حلقوں میں چہ مگوئیاں شروع ہوگئی ہیں۔
میڈیا ذرائع کے مطابق شاہین آفریدی کو بھی چند ناگزیر وجوہات کی وجہ سے آرام دیے جانے کا امکان ہے، تاہم اس کی ایک وجہ یہ بھی ہے کہ وہ آئندہ چیمپئنز ٹرافی اور سہ فریقی سیریز کے لیے مکمل طور پر تیار ہوں۔ اسی طرح نسیم شاہ کو جنوبی افریقا کے خلاف ناقص کارکردگی کے بعد ٹیم سے باہر رکھا جا سکتا ہے اور انہیں بھی آرام کا موقع دیا جانے کا امکان ہے۔
رپورٹس میں بتایا گیا ہے کہ شاہین اور نسیم کی غیر موجودگی میں محمد عباس، جو حالیہ سیریز میں شاندار فارم میں ہیں، سیریز میں فاسٹ بالنگ اٹیک کی قیادت کریں گے۔ ان کے ساتھ میر حمزہ اور خرم شہزاد کو شامل کیا جانے کا امکان ہے، جنہیں کرکٹ کے ماہرین قابل اعتماد انتخاب سمجھ رہے ہیں۔
اسی طرح ساجد خان اور نعمان علی کی اسپن بالنگ جوڑی ایک بار پھر میدان میں ذمے داری نبھائے گی۔ یہ جوڑی ماضی میں اپنی کارکردگی سے ٹیم کی کامیابیوں میں اہم کردار ادا کر چکی ہے۔
علاوہ ازیں ٹخنے کی انجری کی وجہ سے صائم ایوب ٹیم کا حصہ نہیں ہوں گے، ان کی جگہ عبداللہ شفیق کو شامل کیا جائے گا۔ کپتان شان مسعود، بابر اعظم اور عبداللہ شفیق پاکستان کے ٹاپ آرڈر کی بنیاد بنیں گے جبکہ مڈل آرڈر میں سعود شکیل، کامران غلام، اور محمد رضوان جیسے کھلاڑی شامل ہوں گے۔
ویسٹ انڈیز کے خلاف پاکستان کے ممکنہ اسکواڈ میں شان مسعود ، عبداللہ شفیق، بابر اعظم، کامران غلام، سعود شکیل، محمد رضوان ، آغا سلمان، میر حمزہ، محمد عباس، نعمان علی، ساجد خان، خرم شہزاد، حسیب اللہ خان ، محمد ہریرہ ، قاسم اکرم شامل ہو سکتے ہیں۔
.ذریعہ: Jasarat News
کلیدی لفظ: کا امکان ہے
پڑھیں:
شعیب ملک کے بھتیجے نےویسٹ انڈیز کیخلاف ٹیسٹ ڈیبیو کرلیا
سابق کپتان و آل راؤنڈر شعیب ملک کے بھتیجے محمد ہریرہ نے ویسٹ انڈیز کیخلاف ملتان ٹیسٹ میچ میں ڈیبیو کرلیا۔
ملتان میں کھیلے جارہے سیریز کے پہلے ٹیسٹ میچ میں قومی ٹیم کے سابق کپتان بابراعظم نے نوجوان کرکٹر محمد ہریرہ کو 258 ٹیسٹ کیپ دی۔
اس موقع پر پاکستانی ٹیم کے دیگر کرکٹرز و سپورٹ اسٹاف نے انہیں مبارکباد پیش کی۔
مزید پڑھیں: پہلا ٹیسٹ؛ پاکستان کا ویسٹ انڈیز کیخلاف ٹاس جیت پہلے بیٹنگ کا فیصلہ
نوجوان محمد ہریرہ نے 44 فرسٹ کلاس میچز کی 76 اننگز میں 3 ہزار 427 رنز بنارکھے ہیں جس میں انکی اوسط 48.95 ہے۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی