کراچی میں رجسٹرڈ قبرستانوں میں تدفین کیلئے سرکاری نرخ مقرر
اشاعت کی تاریخ: 9th, January 2025 GMT
(ویب ڈیسک ) میئر کراچی مرتضیٰ وہاب کی جانب سے شہر کے رجسٹرڈ قبرستانوں میں تدقین کے لیے سرکاری نرخ مقرر کر دیے گئے۔
اس حوالے سے میئر کراچی مرتضیٰ وہاب کا کہنا ہے کہ رجسٹرڈ قبرستانوں میں تدفین کیلئے 14 ہزار300 روپے نرخ مقرر کر دیا ہے، تمام رجسٹرڈ قبرستانوں میں مقررہ نرخ کے بینرز بھی لگا دیےگئے ہیں۔
انہوں نے کہا کہ قبرستانوں میں کام کرنے والوں کو مقررہ نرخ کے تحت کام کرنےکا پابند کیا ہے، اگر کسی نے مقررہ نرخ سے زائد رقم لی تو سخت کارروائی ہو گی، شہری قبرستان میں تدفین کیلئے مقررہ 14300 روپے سے زائدادا نہ کریں، زائد رقم وصول کرنے والوں کے خلاف شکایت 1339 پر درج کرائی جائے۔
ان کا مزید کہنا تھا کہ قبریں مسمار کرنے والی مافیا کے خلاف بھی فیصلہ کن کارروائی شروع کر دی ہے، کسی کو بھی کے ایم سی کی رجسٹریشن کے بغیر قبرستان میں کام کرنےکی اجازت نہیں ہے۔
مزیدپڑھیں:ڈی جی پاسپورٹس نےپاسپورٹ بنوانے والے شہریوں کو اچھی خبر دیدی
ذریعہ: Daily Ausaf
کلیدی لفظ: رجسٹرڈ قبرستانوں میں
پڑھیں:
فیصل آباد فوٹو جرنلسٹ ایسوسی ایشن پریس کلب (رجسٹرڈ) کی جانب سے ممبران میں یونین کارڈز تقسیم، صدر و سیکرٹری سمیت سینئرز کی بھرپور شرکت
فیصل آباد (اردوپوائنٹ اخبار تازہ ترین۔14اپریل 2025) فیصل آباد فوٹو جرنلسٹ ایسوسی ایشن پریس کلب (رجسٹرڈ) کے زیرِ اہتمام ایک پروقار تقریب میں یونین کے ممبران میں باقاعدہ یونین کارڈز تقسیم کیے گئے۔ اس موقع پر یونین کے صدر محمد طاہر نجفی، جنرل سیکرٹری بشیر احمد تایا، سینئر فوٹو جرنلسٹ نعیم چوہدری، رانا لیاقت، خلیل الرحمن، اور ادریس چغتائی سمیت دیگر معزز سینئرز کی خصوصی شرکت نے تقریب کو چار چاند لگا دیے۔صدر محمد طاہر نجفی نے اپنے خطاب میں کہا کہ فوٹو جرنلسٹس میڈیا کا ایک مضبوط ستون ہیں، جو جان جوکھوں میں ڈال کر حقائق کو قوم کے سامنے لاتے ہیں۔ یونین اپنے ان محنت کش ممبران کے ساتھ کھڑی ہے اور ہر ممکن تعاون جاری رکھے گی۔جنرل سیکرٹری بشیر احمد تایا نے کہا کہ یونین کارڈز کی تقسیم کا مقصد ممبران کو باضابطہ حیثیت دینا اور انہیں فیلڈ میں شناخت فراہم کرنا ہے تاکہ وہ مزید اعتماد کے ساتھ اپنا پیشہ ورانہ فریضہ انجام دے سکیں۔(جاری ہے)
تقریب میں جن فوٹو جرنلسٹس کو یونین کارڈز دیے گئے ان میں ظفر اللہ خان، تصور عباس، اسد اللہ، عقیل پرویز، رضا علی جاوید، ملک سعید، رانا عدنان غنی، دلاور عباس، قیصر اقبال، شیخ شرافت، شبیر، علی حسن، عثمان بٹ، نادرمان، راشد علی، زہیب ذوالفقار، شوکت لازر، مصطفی، رومان رومی، ندیم شاہ، شاہد بٹ، رفیق ساگر، مرزا ہارون، یاسر سہیل، جمال شاہ، مرزا نعیم، کرم لائی، بابر علی، شبیب سلطان، عبدالرحمن، مرزا منان، انیس صدیق، اور میاں علی شامل تھے۔یونین کارڈز کی اس تقسیم کو ممبران نے سراہا اور اسے ایک حوصلہ افزا اقدام قرار دیا۔ تقریب کا اختتام خوشگوار ماحول اور باہمی اتحاد کے عزم کے ساتھ کیا گیا۔
ویزوں کے مسائل حل، یو اے ای جانے کے خواہشمند افراد کیلئے بڑی خوشخبری