پچھلی بار کن وجوہات کی بنیاد پر پی آئی اے کی نجکاری نہیں ہوئی؟سیکرٹری نجکاری کمیشن نے قائمہ کمیٹی کو بتا دیا
اشاعت کی تاریخ: 9th, January 2025 GMT
اسلام آباد(ڈیلی پاکستان آن لائن)قومی اسمبلی کی قائمہ کمیٹی برائے نجکاری کے اجلاس میں سیکرٹری نے بریفنگ دیتے ہوئے کہاکہ پہلے دو وجوہات کی بنیاد پر پی آئی اے نجکاری نہیں ہوئی،بڈرز سیلز ٹیکس چھوٹ اور واجبات بالکل کلیئر چاہتے تھے جس کو نہیں مانا گیا۔
نجی ٹی وی چینل دنیا نیوز کے مطابق قومی اسمبلی کی قائمہ کمیٹی برائے نجکاری کا اجلاس ہوا،پی آئی اے نجکاری کیلئے دوبارہ اظہاردلچسپی کی درخواست طلب کرنے کا فیصلہ کیا گیا، سیکرٹری نجکاری کمیشن نے اجلاس میں بریفنگ دیتے ہوئے کہاکہ پی آئی اے نجکاری کیلئے درخواستیں رواں ماہ طلب کی جائیں گی،بڈنگ میں حصہ لینے والی 6کمپنیوں بھی دوبارہ حصہ لے سکیں گی۔
خواتین کو بااختیار بنانے کیلیے مشاورتی اجلاس، بزنس میکانزم اور مالی شمولیت کی حکمت عملی پر تفصیلی گفتگو
نجکاری کمیشن نے کہاکہ مقامی اور بین الاقوامی کمپنیاں پی آئی اے نجکاری میں آ سکتی ہیں،سیکرٹری کمیشن کاکہناتھا کہ پی آئی اے پر ادائیگیوں کو بوجھ نہیں،یورپ کے روٹس بحال ہو گئے،پی آئی اے کی فروخت کیلئے دوبارہ مارکیٹ کا رخ کررہے ہیں،پی آئی اے کے نئے فلیٹس خریدنے پر اب سیلز ٹیکس چھوٹ حاصل ہوگی،پی آئی اے کے اثاثوں سے زیادہ واجبات کو ہولڈنگ کمپنی میں شامل کیا ہے،سیکرٹری کمیشن نے کہاکہ پہلے دو وجوہات کی بنیاد پر پی آئی اے نجکاری نہیں ہوئی،بڈرز سیلز ٹیکس چھوٹ اور واجبات بالکل کلیئر چاہتے تھے جس کو نہیں مانا گیا،سیکرٹری کمیشن نے کہاکہ آئی ایم ایف کے باعث دونوں شرائط نہیں مانی گئی تھیں،آئی ایم ایف کو درخواست کرنے پر دونوں شرائط مان لی گئیں۔
عظمیٰ بخاری نےحفیظ اللّٰہ نیازی کی وزیرِ اعلیٰ پنجاب پر تنقید کا جواب دیدیا
مزید :.ذریعہ: Daily Pakistan
پڑھیں:
کچھ لوگوں کی کوشش ہے پی ٹی آئی، اسٹیبلشمنٹ میں دراڑ پڑے، خلیج ہو، بیرسٹر گوہر
بیرسٹر گوہر : فوٹو فائلپاکستان تحریک انصاف (پی ٹی آئی) کے چیئرمین بیرسٹر گوہر کا کہنا ہے کہ آرمی چیف سے ملاقات پشاور میں ہوئی، بانی پی ٹی آئی نے خیر مقدم کیا، کچھ لوگوں کی کوشش ہے پی ٹی آئی، اسٹیبلشمنٹ میں دراڑ پڑے، خلیج ہو۔
جیو نیوز کے پروگرام کیپٹل ٹاک میں گفتگو کرتے ہوئے بیرسٹر گوہر نے کہا کہ آرمی چیف سے ملاقات میں امن و امان سے متعلق ہماری بات ہوئی۔
بیرسٹر گوہر نے کہا کہ رانا ثناء کی پریس کانفرنس سے مایوسی ہوئی، ہم صرف جوڈیشل کمیشن اور رہائی مانگ رہے ہیں، ہم نے کہا ہے اگر فائرنگ ہوئی ہے تو کمیشن پتہ چلائے کہ کیا ہوا؟
پی ٹی آئی چیئرمین نے کہا کہ 278 افراد کے جاں بحق ہونے کا فگر پارٹی نے نہیں دیا، جوڈیشل کمیشن نہیں بنتا تو کوئی بات آگے نہیں بڑھے گی، حکومت سنجیدگی سے بیٹھے گی تو مسائل کا حل نکل سکتا ہے۔
وزیر اعلیٰ خیبر پختونخوا علی امین گنڈا پور نے کہا کہ ملاقات ہوئی ہے، بیرسٹر گوہر نے کہا کہ نہیں ہوئی،
بیرسٹر گوہر نے کہا کہ بانی پی ٹی آئی نے کہا ہے وہ عدالت کے ذریعے باہر آئیں گے، اگر حکومت لکھ دیتی ہے کہ کمیشن نہیں بن سکتا تو آگے دیکھیں گے، بانی پی ٹی آئی کے سو سال جیل میں رہنے کا مطلب وہ ڈیل سے رہا نہیں ہونا چاہتے۔
انہوں نے کہا کہ سال 2025 تبدیلی کا سال ہے بانی پی ٹی آئی اس سال باہر آجائیں گے، چارٹر آف ڈیمانڈ کا ذکر نہ ہونے کا یہ مطلب نہیں کہ حکومت کا مینڈیٹ تسلیم کر لیا، عدالتوں میں درخواستیں دی ہوئی ہیں فیصلے ہوں گے تو مینڈیٹ واپس ملے گا، مذاکرات چاہے فرنٹ ڈور سے کامیاب ہوں یا بیک ڈور سے ہر صورت کامیاب ہو نے چاہیے۔
توشہ خانہ ٹو کیس :عمران خان اور اہلیہ کا بریت کیلئے اسلام آباد ہائیکورٹ سے رجوع