آئی سی سی وفد کا دورہ نیشنل اسٹیڈیم؛ ریکارڈ بورڈز پر رک کر ارکان کیا کرتے رہے؟
اشاعت کی تاریخ: 9th, January 2025 GMT
کراچی:
چیمپیئنز ٹرافی کے حوالے سے دورے پر آئے آئی سی سی کے وفد کے ارکان نے نیشنل اسٹیڈیم کراچی میں ریکارڈز بورڈ میں گہری دلچسپی لی۔
اسٹیڈیم کے مختلف حصوں کے دورے کے دوران آئی سی سی کے وفد کے ارکان ریکارڈ بورڈز کے پاس جا کر رک گئے۔
آئی سی سی وفد نے نیشنل اسٹیڈیم کے اندر لگے مختلف دلچسپ ریکارڈ بورڈز کو غور سے دیکھا اور وہاں اپنی تصاویر بھی بنائیں۔
قبل ازیں، آئی سی سی کے 5 رکنی وفد نے جاری تعمیراتی کام کا تفصیلی جائزہ لیا جبکہ پی سی بی حکام اور تعمیراتی کمپنی کے ذمہ داران نے وفد کو جاری تزئین و آرائش کے حوالے سے کام اور اس کی رفتار سے آگاہ کیا۔
آئی سی سی کے وفد کے ارکان نے زیر تعمیر پانچ منزلہ عمارت کے مختلف حصوں کا معائنہ کرنے سمیت میڈیا سینٹر میں موجود سہولیات کا جائزہ لیا جبکہ میڈیا گیلری کا بھی دورہ کیا۔
چیمپیئنز ٹرافی میں 19 فروری کو افتتاحی تقریب نیشنل اسٹیڈیم کراچی میں طے ہے جبکہ ایونٹ کا پہلا میچ اسی روز پاکستان اور نیوزی لینڈ کے درمیان کھیلا جائے گا، نیشنل اسٹیڈیم ٹرافی کے تین میچز کی میزبانی کرے گا۔
اوینٹ سے قبل سہ فریقی ون ڈے انٹرنیشنل سیریز میں 12 فروری کو پاکستان اور جنوبی افریقا کے درمیان میچ اور 14 فروری کو ہونے والا فائنل بھی کراچی میں ہوگا۔
.ذریعہ: Express News
کلیدی لفظ: سی سی کے
پڑھیں:
سہ ملکی سیریز:آخری میچ اور فائنل کی تاریخ میں تبدیلی
کراچی:پاکستان، نیوزی لینڈ اور جنوبی افریقا کے درمیان سہ ملکی سیریز کے آخری میچ اور فائنل کی تاریخ میں رد و بدل کیا گیا ہے۔
نجی ٹی وی کی رپورٹ میں ذرائع کے حوالے سے بتایا گیا ہے کہ نئے شیڈول کے مطابق، آخری میچ 13 فروری کو ہوگا جبکہ فائنل 15 فروری کو کھیلا جائے گا۔ پہلے یہ مقابلے 12 اور 14 فروری کو ہونے تھے۔ سیریز کا مقصد 19 فروری سے شروع ہونے والی چیمپیئنز ٹرافی کے لیے تیاری ہے۔
پی سی بی کے ترجمان کے مطابق کراچی میں مقابلوں کی تاریخوں میں تبدیلی زیر غور تھی، تاہم ابھی تک حتمی فیصلہ متوقع ہے۔
حکومت اور اپوزیشن مذاکرات: سپیکر نے دونوں کمیٹیوں کا اجلاس 15 جنوری کو طلب کرلیا