ارچنا پورن سنگھ کے شوہر نے انہیں طلاق کی دھمکی کیوں دی؟
اشاعت کی تاریخ: 9th, January 2025 GMT
بالی ووڈ کے مشہور کامیڈین اداکارہ ارچنا پورن سنگھ نے انکشاف کیا ہے ان کے شوہر پرمیت سیٹھی نے انہیں ایک فیصلے پر طلاق کی دھمکی دی تھی۔
بھارتی میڈیا کے مطابق کپل شرما کے کامیڈی شو میں بطور مہمان خصوصی رہنے کی وجہ سے مشہور اداکارہ ارچنا پورن سنگھ نے بتایا کہ انہوں نے مدھ آئی لینڈ میں رہائش اختیار کرنے کا فیصلہ لیا تو ان کے شوہر شدید ناراض ہوگئے تھے۔
ارچنا نے بتایا کہ جب انہوں نے برسوں پہلے مدھ آئی لینڈ میں دو جائیدادیں خریدیں، تو ان کے شوہر پرمیت سخت مخالف تھے یہاں تک کہ طلاق دینے کی دھمکی بھی دے دی تھی۔
ارچنا نے ایک پوڈکاسٹ میں بات کرتے ہوئے بتایا کہ مدھ آئی لینڈ میں جائیداد کا فیصلہ اس وقت کیا جب وہاں کے گھروں کی قیمتیں کافی کم تھیں۔ انہوں نے ایک بڑے باغ اور کئی کمروں والے مکان کا خواب دیکھا تھا، جو بمبئی کے فلیٹ کلچر سے مختلف تھا اور انہیں بےحد پسند تھا۔
ارچنا کا کہنا تھا کہ ’پرمیت نے کہا کہ ایک جائیداد خریدنے کی اجازت دے سکتا ہوں، لیکن دوسری لینے پر طلاق دے دوں گا۔‘
ان کے شوہر پرمیت نے اعتراف کیا کہ وہ ابتدا میں اس خیال کے مخالف تھے، لیکن مدھ آئی لینڈ کے سکون اور وہاں کے سفر کی راحت نے ان کی رائے بدل دی جبکہ حال ہی میں جو تیسری جائیداد خریدی گئی، اس کی قیمت گزشتہ جائیدادوں کے مقابلے میں آٹھ گنا زیادہ تھی۔
.ذریعہ: Express News
کلیدی لفظ: مدھ آئی لینڈ
پڑھیں:
کتے ہیں، بھونکیں گے؛ گووندا کی اہلیہ نے طلاق پر خاموشی توڑ دی
گونودا اور سنیتا کے درمیان طلاق کی خبریں فروری سے زیر گردش ہیں جس پر ان کے بھانجے اور بھانجی تو ردعمل دیا تھا لیکن جوڑے نے خاموشی اختیار کر رکھی تھی۔
بھارتی میڈیا کے مطابق تاہم اب سنیتا آہوجا نے گووندا سے طلاق کی خبروں پر خاموشی توڑ دی ہے۔
سنیتا آہوجا نے کہا کہ جب تک میرے یا گووندا کے منہ سے نہ سن لیں، اُس وقت تک کسی بات کو درست نہ سمجھیں۔
گووندا کے ساتھ ازدواجی تعلقات پر سنیتا آہوجا نے کہا کہ یہ مثبت ہے یا منفی ہے، مجھے پتا ہے مثبت ہے۔
سنیتا آہوجا نے طلاق پر ردعمل نہ دینے کے سوال کے جواب میں کہا کہ میں سوچتی ہوں کہ کتے ہیں لوگ، بھونکیں گے۔
سنیتا نے ان افواہوں کے باوجود شوہر گووندا اور اپنے دو بچوں کے ساتھ اپنی محبت کا کھل کر اظہار کیا۔
یاد رہے کہ گووندا کے وکیل للت بندل نے اس بات کی تصدیق کی تھی کہ سنیتا نے 6 ماہ قبل گوندا سے طلاق کے لیے درخواست ضرور دائر کی تھی لیکن پھر افہام و تفہیم سے معاملات طے پاگئے تھے۔
گووندا کے وکیل نے مزید بتایا تھا کہ دونوں نے نئے سال کا جشن نیپال میں ایک سیاحتی دورے پر ایک ساتھ منایا تھا۔
واضح رہے کہ گووندا اور سنیتا مارچ 1987 میں شادی کے بندھن میں بندھے تھے لیکن 4 برسوں تک شادی کو خفیہ رکھا تھا۔
ترجمان سندھ حکومت کا مریم اورنگزیب کے بیان پر ردعمل