متعدد بار جنسی زیادتی کی؛ چیٹ جی پی ٹی کے بانی پر بہن نے مقدمہ کر دیا
اشاعت کی تاریخ: 9th, January 2025 GMT
امریکا میں چیٹ جی پی ٹی کے بانی کی بہن نے اپنے بھائی پر کئی برسوں تک جنسی زیادتی کا نشانہ بنانے کا الزام عائد کیا ہے۔
عالمی خبر رساں ادارے کے مطابق این آلٹمین نے عدالت میں دائر مقدمے میں بتایا کہ ان کے بھائی سام آلٹمین نے انھیں اس وقت سے جنسی زیادتی کا نشانہ بنانا شروع کیا جب میں صرف 3 سال کی تھی۔
این آلٹمین نے مزید بتایا کہ اُن کے بھائی سام آلٹمین نے 1997 اور 2006 کے دوران انھیں متعدد بار جنسی زیادتی کا نشانہ بایا۔
متاثرہ خاتون نے یہ بھی بتایا کہ میری عمر کم تھی، بھائی نے کئی سالوں تک جنسی استحصال کیا جس سے میں ڈپریشن کے مرض میں مبتلا ہوگئی تھی۔
این آلٹمین کا بیان قلم بند کرلیا گیا تاہم اب تک کوئی گرفتاری عمل میں نہیں لائی گئی۔
اپنی والدہ اور دو بھائیوں کے ساتھ ایک مشترکہ بیان میں سام آلٹمین نے اپنی بہن کے الزمات کو مسترد کردیا۔
انھوں نے بیان میں کہا کہ خاندان کے کسی ایسے فرد کی دیکھ بھال کرنا جو دماغی صحت کے چیلنجوں کا سامنا کرتا ہے ناقابل یقین حد تک مشکل ہے۔
بیان میں کہا گیا ہے کہ این نے اس سے قبل خاندان کے افراد پر والد کے فنڈز کو ہڑپ کرنے کا الزام عائد کیا تھا۔
تاہم این نے جو سب سے برا الزام لگایا وہ بچپن میں سام کی جانب سے جنسی زیادتی کا نشانہ بنانا تھا۔
سام آلٹمین کے بیان میں کہا گیا ہے کہ بہن این نے پیسوں کا مطالبہ کیا ہے اور عدم ادائیگی پر یہ الزام عائد کیا۔
.
ذریعہ: Express News
پڑھیں:
کراچی میں مرغوں کی لڑائی کے دوران فائرنگ سے ایک نوجوان جاں بحق دوسرا شدید زخمی
کراچی:شہر قائد کے علاقے سائٹ ایریا میں مرغوں کی لڑائی کے دوران فائرنگ سے ایک نوجوان جاں بحق جبکہ دوسرا موت و زندگی کی کمشکش میں چلاگیا۔
تفصیلات کے مطابق سائٹ ایریا میں پیش آنے والے فائرنگ کے واقعے کے حوالے سے پولیس نے بتایا کہ معاملہ موغوں کی لڑائی کے حوالے سے لین دین کا تنازع پر پیش آیا، جس میں فوٹو اسٹیٹ کا دکاندار جاں بحق اور فائرنگ کرنے والے کا بھائی شدید زخمی ہوا ہے۔
پولیس کے مطابق فائرنگ کرنے والا مرغی کے گوشت کی دکان کا مالک جس نے اپنے بھائی کے ساتھ ملکر کر مقتول کے ایک بھائی کو اغوا کرلیا جسے بعد میں چھوڑ کر دونوں ملزمان موقع سے فرار ہوگئے ۔
تفصیلات کے مطابق سائٹ اے کے علاقے میٹروول خیبر گیٹ بلاک 5 سبزی مارکیٹ میں فائرنگ سے دو افراد زخمی ہوئے جنہیں طبی امداد کے لیے عباسی شہید منتقل کیا گیا جہاں ایک شخص جاں بحق ہوگیا جس کی شناخت 25 سالہ فجر ولد بابو کے نام سے ہوئی۔
پولیس کے مطابق فائرنگ سے 25 سالہ عثمان غنی زخمی ہوا جس کی حالت تشویشناک ہے۔
ایس ایس پی کیماڑی کا کہنا ہے کہ فائرنگ کا واقعہ رقم کے لین دین کے تنازع کا ہے ، فائرنگ سے قبل فریقین میں جھگڑا و تلخ کلامی بھی ہوئی تھی، مقتول کی میٹروول سائٹ ایریا میں فوٹو اسٹیٹ کی دکان ہے جبکہ وہ سائٹ ایریا میٹروول بلاک فائیو کا رہائشی تھا۔
مقتول کے بھائی نے ایکسپریس کو بتایا کہ ظفر کی مارکیٹ میں مرغی کے گوشت کی دکان ہے اور وہ مرغوں کی لڑائی کے مقابلے بھی کراتا تھا، ظفر نے مقتول فجر کو بھی مرغوں کی لڑائی کرانے کی عادت ڈال دی تھی ، ظفر کی کیونکہ مرغی کی دکان تھی اسی لیے اس کے پاس لوگ مرغے فروخت کرنے آتے تھے جو مرغا اچھا ہوتا تھا وہ لڑائی کرانے والوں کو مہنگے داموں ادھار میں یا قسطوں پر فروخت کرتا تھا۔
واقعے کے وقت بھی اس کے مقتول بھائی فجر اور ظفر میں کسی بات پر تلخ کلامی ہوئی۔علاقے کے دکانداروں نے انھیں بتایا ہے کہ دونوں میں رقم کا تنازع تھا ، تلخ کلامی کے دوران ظفر نے اپنا پستول نکال کر اندھا دھند فائرنگ کی جس کے نتیجے میں فجر اور ملزم کی فائرنگ کی زد میں آکر اس کا سگا بھائی عثمان غنی بھی گولیاں لگنے سے شدید زخمی ہوا جبکہ اس کا تیسرا بھائی نعمان جو موقع پر موجود تھا وہ بچ گیا۔
پولیس کے مطابق زخمی عثمان غنی کو کمر اور ہاتھ پر گولیاں لگیں ہیں اور اس کی حالت بھی تشویشناک بتائی جا رہی ہے ، ملزم ظفر اور اس کے بھائی ربانی محلے میں رہائش پذیر ہیں۔
فائرنگ کے واقعے کے بعد ظفر اور اس کے بھائی نعمان نے مقتول ظفر کے دوسرے بھائی روشن خان کو اغوا کر کے ربانی محلے میں لے گئے تھے تاہم جب پولیس نے ملزمان کی گرفتاری کے لیے چھاپے مارنے شروع کیے تو ملزم ظفر نے اپنے رشتے داروں کے ذریعے روشن خان کو پولیس کے حوالے کر دیا۔
مقتول کا بھائی اور روشن خان تھانے پہنچ گئے اور ملزم روشن کے خلاف ایف آئی آر درج کرنے کے لیے اپنا بیان درج کرا دیا ، پولیس واقعے کی مزید تحقیقات اور ملزمان کی گرفتاری کے لیے چھاپے مار رہی ہے ۔
وزیرِ داخلہ محسن نقوی کی امریکی صنعت کاروں کو سرمایہ کاری کی دعوت