شہباز شریف کا 400 ارب کا ہدف گیپ ختم کرنے پر انعام کا اعلان
اشاعت کی تاریخ: 8th, January 2025 GMT
وزیراعظم شہباز شریف نے 400 ارب کے محصولات ہدف گیپ کو ختم کرنے پر انعام کا اعلان کردیا۔
کراچی پورٹ پر فیس لیس کسٹمز اسیسمنٹ سسٹم کی افتتاحی تقریب سے خطاب میں وزیراعظم نے اعلان کیا کہ محصولات اور ہدف کے درمیان 400 ارب روپے کا گیپ ہے، گیپ ختم کرنے پر انعام دیا جائے گا۔
وزیراعظم شہبازشریف نے کہا ہے کہ وعدہ ہے ہر پاکستانی کو معیاری تعلیم اور صحت سہولت دینے تک چین سے نہیں بیٹھوں گا۔
انہوں نے کہا کہ ٹیکس سلیبس کاروبار اور سرمایہ کاری کو چلنے نہیں دے رہے مگر آئی ایم ایف سے کیے وعدے نبھانے ہوں گے۔
شہباز شریف نے کہا کہ ایف بی آر اور کراچی پورٹ کے افسران کی خدمات قابل ستائش ہیں، کسٹم میں جدید نظام متعارف کرانا ایک بڑی کامیابی ہے۔
اُن کا کہنا تھا کہ جدید خودکار نظام میں انسانی مداخلت کم سے کم ہوگی، جدید نظام کے تحت کلیئرنگ کا عمل 107 گھنٹے سے کم ہوکر 19 گھنٹے پر آگیا ہے۔
وزیراعظم نے مزید کہا کہ فیس لیس سسٹم سے 88 فیصد درآمد کنندگان مطمئن ہیں، حکومت سنبھالتے ہی ایف بی آر میں اصلاحات کا عمل شروع کیا۔
انہوں نے کہا کہ ایف بی آر میں اصلاحات سے بہتری سامنے آرہی ہے، جی ڈی پی کے تناسب سے محصولات کی شرح 10 اعشاریہ 8 فیصد ہے۔
شہباز شریف نے کہا کہ اچھی کارکردگی دکھانے والے افسران کو کیش ایوارڈز دیے جائیں گے، حکومتی اقدامات سے برآمدات میں اضافہ اور مہنگائی میں کمی ہوئی ہے۔
اُن کا کہنا تھا کہ بجلی کی قیمتوں میں کمی کےلیے مل کر کام کرنا ہے، ترسیلات زر میں 24 اور آئی ٹی برآمدات میں 34 فیصد اضافہ ہوا، معیشت کی بہتری ایک بڑا چیلنج ہے۔
وزیراعظم نے کہا کہ پیداواری لاگت کم کرنے کےلیے بجلی کی قیمتوں میں کمی کرنی ہے، بجلی چوری اور لائن لاسز کی وجہ سے گردشی قرض 2500 ارب روپے تک پہنچ گیا۔
انہوں نے کہا کہ تمام ڈسکوز باہمی مشاورت سے صوبوں کے حوالے کرنے کےلیے تیار ہیں، سرمایہ کاری بڑھانے کےلیے ٹیکس نظام میں اصلاحات ناگزیر ہیں۔
شہباز شریف نے کہا کہ ماضی میں دہائیوں تک پاکستان کو لوٹا گیا، اس پر اب رونا دھونا بےسود ہے، میں نے کہا تھا کہ اس ٹیکس سلیب سے سرمایہ کاری نہیں آسکتی۔
اُن کا کہنا تھا کہ اگر ہم 400 ارب روپے وصول نہیں کریں گے تو ہمیں مسئلہ ہوگا، جو پیسا لوٹا جاچکا ہے اس میں سے 400 ارب روپے لینا بڑی بات نہیں، میں نے یہ پیسا لینے کا ٹارگٹ دیا ہے، انشاء اللہ ہمارا ہدف مکمل ہوگا۔
.ذریعہ: Jang News
پڑھیں:
وزیراعظم شہباز شریف کی آفر کو مسترد کرتے ہیں، عمر ایوب
فوٹو فائل
پاکستان تحریک انصاف (پی ٹی آئی) کے رہنما اور قومی اسمبلی میں قائد حزب اختلاف عمر ایوب کا کہنا ہے کہ وزیراعظم شہباز شریف کی آفر کو مسترد کرتے ہیں۔
جیو نیوز کے پروگرام ’کیپٹل ٹاک‘ میں گفتگو کرتے ہوئے عمر ایوب نے کہا کہ بانی پی ٹی آئی نے نیک نیتی کے ساتھ کمیٹی بنائی، ہمارے واضح مطالبات تھے۔
عمر ایواب نے کہا کہ پی ٹی آئی کے تمام گرفتار کارکنوں کو رہا کیا جائے، 9 مئی اور 26 نومبر کے واقعات پر جوڈیشل کمیشن بنایا جائے، پیکا ایکٹ پر ہمیں بات کرنے نہیں دی گئی۔
انہوں نے کہا کہ پیکا ترمیمی ایکٹ پر پیپلز پارٹی ہمارے ساتھ تھی، ان کو ہدایت آئی جس پر دوغلا پن کر دیا، پیکا ایکٹ جس دن منظوری کیلئے پیش کیا گیا ہمارے اعتراضات کو نہیں سنا گیا۔
وزیرِ اعظم شہباز شریف نے ایک بار پھر تحریکِ انصاف کو مذاکرات کی پیش کش کردی۔
خیال رہے کہ وزیراعظم شہباز شریف نے ایک بار پھر تحریک انصاف کو مذاکرات کی پیشکش کردی ہے۔
کابینہ اجلاس کے دوران وزیر اعظم نے کہا کہ 2018 کے انتخابات کی تحقیقات کیلئے جو پارلیمانی کمیٹی بنائی گئی تھی وہ اپنے کام مکمل کرے اور 2024 کے اتنخابات کی تحقیقات بھی پارلیمانی کمیٹی کرے۔
شہباز شریف کا کہنا تھا کہ 26 نومبر کے دھرنے کا احاطہ بھی پارلیمانی کمیٹی کرے اور 2014 کے دھرنے کا بھی احاطہ کیا جائے۔
پاکستان 2035 تک ایک ہزار ارب ڈالر کی معیشت بن سکتا ہے، عالمی بینک